ឧបនាយករដ្ឋមន្ត្រីវៀតណាមបញ្ចប់ដំណើរទស្សនកិច្ចនៅអាមេរិក (VOV)

        Vovworld-នាថ្ងៃទី១៩កញ្ញា ឧបនាយករដ្ឋមន្ត្រីវៀតណាមលោក Vu Van Ninh បានបញ្ចប់ដំណើរទស្សនកិច្ចការងារនៅអាមេរិកដើម្បីផ្លាស់ប្តូរអំពីដំណើរការចរចារ
លើកិច្ចព្រមព្រៀងដៃគូអន្តរប៉ាស៊ីហ្វិក (TPP) ក៏ដូចជាជំរុញទំនាក់ទំនងពាណិជ្ជកម្ម
​និង​វិនិយោគរវាងប្រទេសទាំងពីរ។

        ក្នុងដំណើរទស្សនកិច្ច ឧបនាយករដ្ឋមន្ត្រី Vu Van Ninh បានជួបសន្ទនា​ជាមួយ​មន្ត្រីសំខាន់មានឥទ្ធិពលដល់ដំណើរការនិងតុល្យភាពផលប្រយោជន៍រវាងប្រទេស​ទាំងពីរក្នុងពេលចូលរួម TPP។ ​អនុរដ្ឋមន្ត្រីក្រសួងឧស្សាហពាណិជ្ជកម្មលោក Tran
Quoc Khanh ប្រធានក្រុមចរចារ TPP របស់វៀតណាមបានឲ្យដឹងថា៖

        “ក្នុងបណ្ដាជំនួបសន្ទនាទាំងនេះ ឧបនាយករដ្ឋមន្ត្រីបានអះអាងថា​វៀតណាម​
យក​ចិត្តទុកដាក់ដល់ទំនាក់ទំនងសហប្រតិបត្តិការជាមួយអាមេរិក យកចិត្តទុកដាក់​
ចរចារ TPP ចាត់ទុក TPP ជាដំណោះស្រាយសំខាន់ដើម្បីជំរុញថែមតៀតទំនាក់​ទំនង​រវាងប្រទេសទាំងពីរ។​វៀតណាមប្តេជ្ញារួមជាមួយអាមេរិកនិងភាគីនានាចូលរួមចរចារ
TPP ខំប្រឹងប្រែងដើម្បីសំរេចកិច្ចព្រមព្រៀងនេះ៕”