(VOVworld) - ទទួលសេចក្ដីអញ្ជើញរបស់រដ្ឋាភិបាលហ្វាំងឡង់ ឧបនាយករដ្ឋមន្រ្តី
វៀតណាមលោក Hoang Trung Hai បានទៅបំពេញដំណើរទស្សនកិច្ចការងារនៅ
ប្រទេសនេះ ចាប់ពីថ្ងៃទី២៥ដល់ទី២៦​កញ្ញា។
នាថ្ងៃទី២៥ កញ្ញា លោក Hoang Trung Hai បានមានជំនួបសន្ទនាជាមួយនាយករដ្ឋ
មន្រ្តីនិងរដ្ឋមន្រ្តីក្រសួងសេដ្ឋកិច្ចហ្វាំងឡង់ និងទៅទស្សនាវិទ្យាស្ថានបរិស្ថាននិង
មូលដ្ឋានវិទ្យាសាស្ត្រ-បច្ចេកវិទ្យាមួយចំនួននៅហ្វាំងឡង់។
នៅបណ្ដាជំនួបពោលខាងលើ ភាគីទាំង២បានវាយតំលៃខ្ពស់ចំពោះទំនាក់ទំនង
កិច្ចសហប្រតិបតិ្តការរវាងប្រទេសទាំង២ក្នុងរយៈពេល៤០ឆ្នាំកន្លងមក ដែលបាន
អភិវឌ្ឍន៍យ៉ាងសកម្ម។នាយករដ្ឋមន្រ្តីហ្វាំងឡង់លោក Alexander Stubb និងថ្នាក់
ដឹកនាំបណ្ដាក្រសួង ស្ថាប័ននៃប្រទេសនេះ បានអះអាងនូវគោលបំណង បង្កើន
ទំនាក់ទំនងលើគ្រប់វិស័យជាមួយវៀតណាម ជាពិសេសគឺទំនាក់ទំនងពាណិជ្ជកម្ម
វិនិយោគ។

ឧបនាយករដ្ឋមន្រ្តីវៀតណាមលោក Hoang Trung Hai (ខាងស្ដាំ)និង នាយករដ្ឋមន្រ្តីហ្វាំងឡង់លោក Alexander Stubb (រូបថត៖VGP)

រីឯខ្លួនវិញ លោក Hoang Trung Hai បានអះអាងថា រដ្ឋាភិបាលវៀតណាម នឹងបង្ក
លក្ខណៈងាយស្រួល ដើម្បីអង្គភាពអាជីវកម្មហ្វាំងឡ់ងធ្វើសកម្មភាពវិនិយោគ
និងអាជីវកម្មដ៏យូអង្វែងនៅវៀតណាម។លោក Hoang Trung Hai ក៏បានថ្លែង
អំណរគុណរដ្ឋាភិបាលហ្វាំងឡង់ ដោយបានជួយឧបត្ថម្ភនិងគាំទ្រសហគមជន
វៀតណាមដែលកំពុងរស់នៅនិងធ្វើការនៅទីនេះ។សំដៅជំរុញទំនាក់ទំនងសហប្រតិបតិ្តការទ្វេភាគីឲ្យកាន់តែមានប្រសិទ្ធភាព ភាគី
ទាំង២បានឯកភាពថា បន្តសហការយ៉ាងស្អិតរមួតដើម្បីអនុវត្តបណ្ដាគម្រោងសហ
ប្រតិបតិ្តការអភិវឌ្ឍន៍ក្នុងដំណាក់កាល២០១៣-២០១៦ ក៏ដូចជាកំណត់តំរង់ទិស
ដៅសហប្រតិបតិ្តការនា ពេលអនាគត​ផងដែរ៕