ឯកអគ្គរដ្ឋទូតរុស្ស៊ីប្រចាំនៅទួរគីត្រូវបានធ្វើឃាត (VNA)

(VOVworld) – នាយប់ថ្ងៃទី ១៩ ធ្នូ ឯកអគ្គរដ្ឋទូតសហព័ន្ធរុស្ស៊ីប្រចាំនៅទួរគី
ត្រូវបានធ្វើឃាតនៅការតាំងពិពណ៌មួយនៅរដ្ឋធានី Ankara។ ឯកអគ្គរដ្ឋទូត
 រុស្ស៊ី លោក Andrey Karlov ត្រូវបានបាញ់ស្លាប់នៅពិធីបើកការតាំងពិពណ៌រូប
ថត ដោយប្រធានបទ «ប្រទេសរុស្ស៊ីតាមរយៈក្រសែភ្នែករបស់ប្រជាជនទួរគី»។
ជនដៃដល់ត្រូវបានកំទេចដោយកំលាំងយោធាពិសេសទួរគី។ មុខសញ្ញាធ្វើឃាត
អ្នកការទូតរុស្ស៊ីមានឈ្មោះគឺ Mevlut Mert Altintas ដែលបានជាសមាជិកនៃ
កំលាំងប៉ូលីសប្រឆាំងការប៉ះទង្គិចទីក្រុង Ankara។ អ្នកនាំពាក្យក្រសួងការបរ
ទេសរុស្ស៊ី លោកស្រី​ Maria Zakharova បានឡើងសម្លេងអះអាងថា៖ នេះគឺជា
សកម្មភាពភេរវកម្មហើយរុស្ស៊ីនឹងរាយការណ៍រឿងហេតុនេះឡើងក្រុមប្រឹក្សា
សន្តិសុខ អ.ស.ប.។ ប្រធានាធិបតីរុស្ស៊ី លោក Vladimir Putin បានចាត់ទុកថា៖
ការធ្វើឃាតលើឯកអគ្គរដ្ឋទូតរុស្ស៊ីប្រចាំនៅទួរគីគឺជាទង្វើបង្ករឿងហេតុសំដៅ
បំផ្លាញ ចោលរាល់ការខំប្រឹងប្រែងប្រក្រតីទំនាក់ទំនងរវាងម៉ូស្គូនិង Ankara
ក៏ដូចជា ដំណើរការសន្តិភាពនៅស៊ីរី ផងដែរ។ ប្រធានាធិបតីរុស្ស៊ី​លោក
Vladimir Putin ស្នើឲ្យស្ថាប័នសមត្ថកិច្ចបង្កើនកិច្ចការពារស្ថាប័នតំណាង
ការទូតរបស់រុស្ស៊ីប្រចាំនៅឯបរទេស។​ ក្នុងពេលនោះ អ.ស.ប. រួមជាមួយ
ប្រទេសជាច្រើនរួមមានបារាំង និងអាមេរិកបានថ្កោលទោសយ៉ាងខ្លាំង
ក្លាទង្វើនេះ ហើយសម្តែងការរំលែកទុក ជាមួយប្រទេសរុស្ស៊ី៕​