(VOV)_ប្រទេសអាមេរិកទើបនឹងកើតមានការបាញ់រះបង្ហូរឈាមបំផុតចាប់ពី
ព្រឹត្តិការណ៍ភេរវកម្មថ្ងៃទី១១កញ្ញាឆ្នាំ២០០១មក។ ប្រការដែលគួរអោយកត់សម្គាល់គឺ
ការបរិមាណកាំភ្លើងក្នុងរយពេលកន្លងទៅ​នេះសុទ្ធតែបានទិញដោយស្រប​​ច្បាប់។ប្រ
ការនេះបានបន្ត​ព្រមានអំពីការគ្រប់គ្រងកាំភ្លើងនៅ​អាមេរិក ជាប្រទេសមួយដ៏ល្បី
ល្បាញអំពីសេរីភាព ប្រជាធិបតេយ្យ។

ការបាញ់រះបង្ហូរឈាម៖ប្រកាសអាសន្នស្ដីអំពីស្ថានភាពគ្រប់គ្រងកាំភ្លើងនៅអាមេរិក

ចំនួន​មនុស្ស​ស្លាប់​បាន​ឡើង​ដល់​៥០​នាក់​ និង​របួស​​៥៣នាក់ នៅក្នុងហេតុ​ការណ៍​​
បាញ់​រះ​ ក្នុង​​រង្គសាល​រាត្រីមួយ​ សម្រាប់​អ្នក​ស្រលាញ់​ភេទ​ដូច​គ្នា នៅ​រង្គសាល​​​​Orlando រដ្ឋ
​​Florida សហរដ្ឋ​អាមេរិក។ តាមប៉ូលិស​សហរដ្ឋ​អាមេរិក (FBI)​ថា៖ ​ជនសង្ស័យ​មាន​ឈ្មោះ
​ថា ​ Omar Mateen អាយុ២៩ឆ្នាំ ជា​ជនជាតិ​អាមេរិក ដែលបាន FBI ធ្វើស៊ើបអង្កេត២
ដង នាឆ្នាំ២០១៣និងឆ្នាំ ២០១៤។

ចន្លោះប្រហោងក្នុងការគ្រប់គ្រងកាំភ្លើង

នេះមិនមែនជាលើកដំបូង ដែលអាមេរិកកើតមានការបាញ់រះបង្ហូរឈាមដូច្នេះ
ទេ។ ការបាញ់​រះមួយដែលកើតមានឡើងនៅសាលាបថមសិក្សា Sandy Hook រដ្ឋ
Connecticut នាខែធ្នូឆ្នាំ ២០១២ បណ្ដាលអោយមនុស្សចំនួន២៦នាក់ត្រូវ​ស្លាប់ ​ដែល
ក្នុងនោះមានកុមារចំនួន២០នាក់។ ការបាញ់រះនៅវិហារទីក្រុង ​Charleston រដ្ឋ South
 Carolina នាខែមិថុនាឆ្នាំ២០១៥ បណ្ដាលអោយមនុស្ស​ចំនួន៩នាក់ត្រូវស្លាប់។ និង
ក្រោយនេះ២ខែតែប៉ុណ្ណោះ ការបាញ់រះមួយទៀតបានកើតមានឡើងនៅ San Bernardino
 រដ្ឋ California បានបណ្ដាលអោយមនុស្ស​ចំនួន​១៤​នាក់ត្រូវស្លាប់ និងមនុស្ស១៧នាក់
ទៀតរងរបួស។ ការបាញ់រះនៅ​អាមេរិក​ស្មើនឹង១/៣រឿងហេតុបាញ់រះនៅលើពិភព
លោកទាំងមូល។

ការបាញ់រះបង្ហូរឈាម៖ប្រកាសអាសន្នស្ដីអំពីស្ថានភាពគ្រប់គ្រងកាំភ្លើងនៅអាមេរិក

          វិលត្រឡប់ជាមួយការបាញ់រះនាពេលថ្មីៗនេះ នាថ្ងៃទី១២មិថុនាកន្លងទៅ FBI
បានអោយដឹងថា៖ នាឆ្នាំ ២០១៣ ឃាតករ Omar Saddiqui Mateen បាន​អធិប្បាយជា
មួយអ្នករួមអាជីពថា៖គាត់គាំទ្រក្រុមភេរវករនានា។ ១ឆ្នាំបន្តទៀត ​FBI បន្តស៊ើប
អង្កេតអំពីជនសង្ស័យរូបនេះ ដោយទាក់ទិនដល់ជនអាមេរិកមួយ​រូបទៀតទៅស៊ី
រីចូលរួមក្រុមជ្រុលនិយម។ ប៉ុន្តែ នាពេលនោះ FBI បានអះអាង​ថា៖ “ Mateen មិន
មែនជាការគំរាមកំហែងទេ”។ មុនពេលរឿងហេតុនេះកើត​មានឡើង   Omar
Saddiqui Mateen បានទិញបន្ថែមកាំភ្លើង២ដើមទៀត។ ប្រការ​គួរ​អោយ​សោកស្តាយ
គឺការបាញ់រះទាំងអស់នាពេលថ្មីៗនេះនៅអាមេរិក អាវុធ​ទាំង​នេះសុទ្ធតែមានភាពស្របច្បាប់​។

តំលៃនៃសេរីភាព

ក្នុងស្ថានភាពជាក់ស្ដែង មិនមែនដល់ពេលនេះ លោក B.Obama ឬប្រធានា​ធិប
តីអាមេរិកណាមួយ ទើបយល់ដឹងអំពីគ្រោះថ្នាក់នៃការគ្រប់គ្រងកាំភ្លើងនេះទេ។ ហើយលោក B.Obama ក៏បានដាស់តឿនជាច្រើនលើកច្រើនសារថា៖ ត្រូវ​អនុវត្ត​វិធានការរឹត
បណ្តឹងការគ្រប់គ្រងកាំភ្លើង។ប៉ុន្តែ ក្នុងអាណត្តិទាំងពីរ ការអស់​សង្ឃឹម របស់លោក  B.Obama បានកើនឡើងពីមួយថ្ងៃទៅមួយថ្ងៃ។ 

តាមអ្នកវិភាគជាច្រើនថា៖ ការហាមប្រាមប្រើប្រាស់កាំភ្លើងនៅអាមេរិកពិបាក
អនុវត្តបាន ក្នុងរយៈពេលនាបច្ចុប្បន្ន និងអនាគតដ៏ខ្លីខាងមុខនេះ។ ពីព្រោះ កាំ
ភ្លើង​បានក្លាយទៅជាវត្ថុមួយមិនអាចខ្វះបានរបស់ជនអាមេរិកមួយចំនួន ក្នុងពេល
មានការងារត្រូវដោះស្រាយ​។ រួមជាមួយគ្នានោះ បណ្ដាសម្ព័ន្ធក្រុមហ៊ុនអា​វុធទទួល
ប្រាក់ចំណេញជាច្រើនពីការធ្វើអាជីវកម្មអាវុធនេះ ជាកម្លាំងមួយរាំងស្កាត់រដ្ឋសភា
អនុម័តទៅលើច្បាប់ទាំងឡាយដែលទាក់ទិនដល់ការរាំងស្កាត់ប្រើប្រាស់កាំភ្លើង។

ច្បាស់លាស់ណាស់ថា៖ សិទ្ធិប្រើប្រាស់កាំភ្លើងរបស់ប្រជាជន តាមច្បាប់អាមេរិក 
បានបណ្ដាលអោយរឿងហេតុសោកស្ដាយជាច្រើន។ការបាញ់រះនាថ្ងៃទី១២​មិថុនាកន្លង
ទៅ ជាសម្លេងជួងមួយ ព្រមានអំពីការគ្រប់គ្រងកាំភ្លើងនៅអាមេរិក។ ការឈឺចាប់
សោកស្ដាយមិនអាចដោះស្រាយបានបញ្ហាអ្វីទេ ប្រការសំខាន់បំផុតសំរាប់ប្រទេសអាមេរិកនាបច្ចុប្បន្ន នោះគឺត្រូវនឹងនរចិត្ត ស្វែងរកដំណោះស្រាយ​។​ច្បាប់ថ្មីមួយស្ដីអំ
ពីការគ្រប់គ្រងកាំភ្លើង អាចត្រូវបានរដ្ឋសភាអនុម័ត​ឬអត់​ នឹងជាប្រការដែលសា
ធារណមតិកំពុងរង់ចាំ ដើម្បីកាត់បន្ថយសោកនាដកម្ម​ប្រហាក់ប្រហែលគ្នាកើត
មានឡើងក្នុងអនាគត​៕