ដោះស្រាយការលំបាកនៃខឿនសេដ្ឋកិច្ច-បណ្ដាសំណើរជាក់ស្ដែងពីសាលប្រជុំ (VOV)

        Vovworld-ជាទូទៅ សមាជិកសមាជិការសភាជាច្រើនបានចាត់ទុកថា ក្នុង​
ឆ្នាំ​២០១៣ខឿនសេដ្ឋកិច្ចវៀតណាមមិនទាន់រួចផុតពីដំណាក់កាលលំបាកនៅ
ឡើយ។ ប្រការនេះមិនត្រឹមតែបង្ហាញច្បាស់តាមល្បឿនកំណើនយឺតថែមទាំង
សន្ទុះងើបឡើងវិញនិង​លទ្ធភាពទាក់ទាញទន់ខ្សោយរបស់ខឿនសេដ្ឋកិច្ចទៀត
ផង។ ហេតុនេះហើយត្រូវមាន​គោល​នយោបាយសមស្របដើម្បីបញ្ឈប់ស្ថាន
ភាពនេះ។ លោក Tran Du Lịch សមាជិក​សភាទីក្រុងហូជីមិញបានស្នើរថា​រដ្ឋាភិបាលគួរកសាងយុទ្ធសាស្ត្រអភិវឌ្ឍន៍វែងជាង។ ជាក់ស្ដែងគឺបង្កើតផែនការ សំរាប់ដំណាក់កាល២០១៤-២០១៥។

        “ជាក់ស្ដែងគួរដាក់គោលដៅកំរិតកំណើនមធ្យមក្នុងរយៈពេល២ឆ្នាំប្រមាណ​
៦% មិនត្រូវប្រញាប់ជំរុញតម្រូវការសរុបនិងទីផ្សារដោយគ្រប់វិធានការឡើយ។
សន្ទស្ស​ប្រើប្រាស់ក្នុងរយៈពេល២ឆ្នាំខាងមុខត្រូវខំប្រឹងប្រែងរារាំងនៅកំរិត
ប្រមាណ៧%។ រដ្ឋាភិបាលបានស្នើរបង្កើនចំណាយហួសកំរិតថវិការរដ្ឋក្នុងរយៈ
ពេល២ឆ្នាំ២០១៤-២០១៥ឡើងដល់៥,៣%នៃ GDP។ ត្រូវកំណត់ស្ថិរភាពម៉ាក្រូ
សេដ្ឋកិច្ចនៅជាភារកិច្ច​ជួរមុខ​ពីឥឡូវដល់ឆ្នាំ២០១៥ដើម្បីប្រមូលផ្ដុំរៀបចំរចនា
សម្ព័ន្ធខឿនសេដ្ឋកិច្ចឡើងវិញ។”

        ស្ដីពីបញ្ហារៀបចំរចនាសម្ព័ន្ធឡើងវិញ​ជាក់ស្ដែងនៅវិស័យសំខាន់ចំនួន៣​គឺវិនិយោគសាធារណៈ ប្រព័ន្ធធនាគារពាណិជ្ជកម្ម បណ្ដាអង្គការហិរញ្ញវត្ថុនិង​
ប្រព័ន្ធ​អង្គភាពអាជីវកម្មរដ្ឋ ទោះបីត្រូវបានរដ្ឋាភិបាលដំណើរការ ប៉ុន្តែតាមបណ្ដា​សមាជិកសមាជិការសភាថា​មិនទាន់ទទួលបានប្រសិទ្ធភាពដូចនឹងបំណងឡើយ។
លោក Truong Trong Nghia សមាជិកសភាទីក្រុងហូជីមិញបានស្នើរថា ​ត្រូវបង្កើត​គណៈកម្មាធិការជំនាញអំពីរៀបចំរចនាសម្ព័ន្ធឡើងវិញ។ រីឯលោក Dinh Xuan Thao សមាជិកសភាមណ្ឌលហាណូយបានស្នើររដ្ឋាភិបាលវិភាគធ្វើឲ្យច្បាស់លាស់និង​ដាក់ចេញដំណោះស្រាយយ៉ាងខ្លាំងក្លាជាច្រើនដើម្បីជំរុញវិនិយោគសាធារណៈ។
ក្នុងពេលនោះ នៅវិស័យអង្គភាពអាជីវកម្មរដ្ឋលោក Tran Du Lich សមាជិកសភា​
ទីក្រុងហូជីមិញ បន្តស្នើរប្រសិនបើរដ្ឋចង់ដំណើរការភាគហ៊ុនបនីយកម្ម អង្គភាព​អាជីវកម្មណាមិនត្រូវការកាន់ភាគហ៊ុននោះត្រូវយកទុននោះសំរាប់ការងារផ្សេង។

        “យើងធ្វើភាគហ៊ុនបនីយកម្មក្រុមហ៊ុនកូនហើយប្រគល់ប្រាក់មកក្រុមហ៊ុន​ម្ដាយនោះគឺគ្មានប្រសិទ្ធភាពឡើយ។ តាមខ្ញុំថា សម្ព័ន្ធក្រុមហ៊ុនណារដ្ឋត្រូវកាន់​
៥១%​នោះ ៤៩%នៅសេសសល់គឺលក់ទៅ។​បើមិនធ្វើដូច្នេះទេគឺប្រភពកំលាំងនេះ​នឹងខ្ជះខ្ជាយក្នុងពេលដែលយើងធ្វើមន្ទីពេទ្យ គំរោងការសាធារណៈនៅតែត្រូវខ្ចី​
ទុននោះ។”

        ការរៀបចំរចនាសម្ព័ន្ធខឿនសេដ្ឋកិច្ចឡើងវិញក៏ត្រូវបានដំណើរការមាន​
ប្រព័ន្ធជាង។ លោក Tran Xuan Hoa សមាជិកសភាមណ្ឌល Quang Ninh បាន​ចាត់​
ទុកថា៖

       “សេចក្តីសំរេចចិត្តសន្និបាតគណៈកម្មាធិការមជ្ឈឹមបក្សកុម្មុយនីស្តវៀតណាម
លើកទី៣នីតិកាលទី១១អំពីរៀបចំរចនាសម្ព័ន្ធឡើងវិញគឺត្រឹមត្រូវទាំងស្រុង ប៉ុន្តែ​បណ្ដាដំណោះស្រាយជាបន្តដើម្បីអនុវត្តគឺមិនទាន់ព្រមៗគ្នា។”

        អំពិការអនុវត្តផែនការ៥ឆ្នាំ(២០១១-២០១៥) រយៈពេលនៅសេសសល់គឺមិន​
ច្រើន ប៉ុន្តែតាមសមាជិកសភាជាច្រើនថា រដ្ឋាភិបាលត្រូវយកចិត្តទុកដាក់ដល់​គុណភាពកំណើននិងស្ថិរភាពម៉ាក្រូគឺជួរមុខ។

        រដ្ឋាភិបាលវៀតណាមខំប្រឹងប្រែងមានកំណើនសេដ្ឋកិច្ចជាមធ្យមប្រមាណ​៦%ក្នុងមួយឆ្នាំក្នុងរយៈពេល២ឆ្នាំ២០១៤-២០១៥។ បណ្ដាសំណើររបស់​សមាជិក​សមាជិការសភារួមជាមួយដំណោះស្រាយការគ្រប់គ្រងរបស់រដ្ឋាភិបាលនឹងរួម​ចំណែកជួយខឿនសេដ្ឋកិច្ចយកឡើងវិញល្បឿនកំណើនរឹងមាំជាងក្នុងរយៈពេល
ខាងមុខ៕