ប្រធានរដ្ឋសភាលោក Nguyen Sinh Hung អានសន្ទរកថាបិទបញ្ចប់សម័យប្រជុំលើកទី៧ រដ្ឋសភានីតិកាលទី១៣ (VOV)

        Vovworld-សម័យប្រជុំលើកទី៧រដ្ឋសភាវៀតណាមនីតិកាលទី១៣បាន​ប្រព្រឹត្តទៅខណៈដែលសេដ្ឋកិច្ចវៀតណាមក្នុងប៉ុន្មានខែដើមឆ្នាំ២០១៤មានការ
បំរ៉ែបំរួលតាមនិន្នាការល្អ ការ​ប្រមូលថវិការដ្ឋទទួលបានលទ្ធផលសកម្ម។ ប៉ុន្តែ
ការដែល​ចិន​ដាក់ស្ថានីយ៍ខួង Haiyang Shiyou ៩៨១ក្នុងដំបន់សេដ្ឋកិច្ចផ្ដាច់មុខ
និង​ដំបន់​ខ្ពង់​រាបបាតសមុទ្ររបស់វៀតណាមបានបង្កើតការព្រួយបារម្ភនិងដាក់
ចេញការ​សាកល្បងជាច្រើន។

បង្កតច្បាប់ឲ្យមានលក្ខណៈជារដ្ឋធម្មនុញ្ញឆ្នាំ២០១៣

        ពីគ្រាដំបូងសម័យប្រជុំលើកទី៧រដ្ឋសភានីតិកាលទី១៣ត្រូវបានកំណត់ជា
សម័យប្រជុំរបស់ការងារនិតិបញ្ញាត្តិ។ បរិមាណពេលវេលាសំរាប់ការងារនេះ​បាន​ស្រូបយក២ភាគ៣នៃបរិមាណពេលវេលាប្រជុំរបស់រដ្ឋសភា។ រដ្ឋសភា​បាន​អនុម័តទៅលើច្បាប់ចំនួន១១និងសេចក្តីសំរេចចិត្តចំនួន២ ផ្ដល់មតិអំពីគំរោង​ច្បាប់ចំនួន១៦និងសេចក្តីសំរេចចិត្តមួយផ្សេងៗទៀត។ លោក Dinh Xuan Thao សមាជិកសភាមណ្ឌលហាណូយ បានចែករំលែកថា៖

        “៦ខែដើមឆ្នាំ២០១៤ជាពេលវេលាដំបូងដែលរដ្ឋធម្មនុញ្ញ២០១៣ចូលជា
ធរមាន។​ការកសាងច្បាប់លើកនេះមានបំរ៉ែបំរួលសកម្ម។ប្រសិនបើមុននេះការ
កសាង​ច្បាប់ភាគច្រើនគឺសង្កត់ធ្ងន់ដល់ការគ្រប់គ្រងរដ្ឋនោះ ឥឡូវនេះប្រមូល
ទៅលើការធានាសិទ្ធិរបស់​ប្រជាជន។ ប្រការមួយទៀតគឺ​ស្មារតី​ទទួលខុសត្រូវ
ចំពោះអ្នកបោះឆ្នោតរបស់សមាជិកសមាជិការសភាត្រូវបានពង្រីកល្អ។”

បង្ហាញច្បាស់នូវឆន្ទះរបស់ប្រជាជនអំពីសមុទ្រខាងកើត

        នៅសម័យប្រជុំលើកនេះ តាងនាមឲ្យអ្នកបោះឆ្នោតទូទាំងប្រទេស បណ្ដា​សមាជិកសមាជិការសភាបានប្រឆាំងជំទាស់យ៉ាងខ្លាំងក្លាការដែលចិនដាក់​
ស្ថានីយ៍ខួង Haiyang Shiyou ៩៨១​ដោយខុសច្បាប់នៅដំបន់សេដ្ឋកិច្ចផ្ដាច់​មុខ​និងដំបន់ខ្ពង់រាបបាតសមុទ្ររបស់វៀតណាម។ ក្នុងថ្ងៃធ្វើការដំបូងនៃ​សម័យ​ប្រជុំ រដ្ឋសភាបានស្ដាប់និងពិភាគ្សាអំពីរបាយការណ៍របស់រដ្ឋាភិបាលអំពី​ស្ថានភាព
នៅសមុទ្រខាងកើត។ រដ្ឋសភាបានចេញសេចក្តីប្រកាសលើក​ទី២​សម្ដែងនូវ
ទស្សនៈអាកប្បកិរិយាចំពោះអំពើរខុសឆ្គងរបស់ចិន។ សេចក្តីប្រកាស​នេះត្រូវ
បានចាត់ទុកជាសេចក្តីថ្លែងការណ៍របស់រដ្ឋសភាវៀតណាមអះអាងការដែលចិន
ដាក់ស្ថានីយ៍ខួងក្នុងដំបន់សេដ្ឋកិច្ចផ្ដាច់មុខនិងដំបន់ខ្ពង់រាបបាត​សមុទ្ររបស់
វៀតណាមគឺរំលោភយ៉ាងធ្ងន់ធ្ងរទៅលើអធិបតេយ្យភាព សិទ្ធិ​អធិបតេយ្យភាព
សិទ្ធិយុត្តាធិការរបស់វៀតណាម។ រាល់ខ្លឹមសារនេះ​ត្រូវបាន​ប្រធានរដ្ឋសភាលោក
Nguyen Sinh Hung អះអាងឡើងវិញក្នុងសន្ទរកថា​បិទ​បញ្ចប់សម័យប្រជុំលើកទី៧ រដ្ឋសភានីតិកាលទី១៣។ លោក Nguyen Thai Hoc សមាជិកសភាមណ្ឌល Phu Yen
បានចាត់ទុកថា៖

        “នេះជាសម័យប្រជុំដ៏ផុលផុសជាមួយខ្លឹមសារជាច្រើនត្រូវបានពិនិត្យ​មើល​
ដោយស្មារតីខ្ពស់។ ស្ដីពីសមុទ្រខាងកើត ជាបញ្ហាដែលទទួលបានការយកចិត្ត
ទុកដាក់ពីអ្នកបោះឆ្នោតយកចិត្តទុកដាក់និង​សមាជិកសភាក៏បង្ហាញបានពីការ
ទទួលខុសត្រូវរបស់ខ្លួន។ សមាជិកសមាជិការ​សភាបានលើកឡើងគំនិតគិតគូ
មនោសញ្ចេតនាបំណងនិងឆ័ន្ទះប្តេជ្ញាចិត្តរបស់អ្នកបោះឆ្នោតស្ដីពីបញ្ហាសមុទ្រ
ខាងកើតលើវេទិការរដ្ឋសភា។”

        គួរឲ្យយកចិត្តទុកដាក់គឺ រដ្ឋសភាបានមានការសំរេចចិត្តទាន់ពេលវេលា​សមស្របនឹងទឹកចិត្តប្រជាជនគឺជួយឧបត្ថម្ភចំនួនប្រាក់១៦លានលានដុងសំរាប់
អ្នកនេសាទដម្លើងនាវាទៅនេសាទត្រីនៅឆ្ងាយឆ្នេរនិងជួយឧបត្ថម្ភកំលាំងប៉ូលីស
សមុទ្រត្រួត​ពិនិត្យនេសាទ។ លោក Huynh Trong Nghia សមាជិកសភាទីក្រុង
ហូជីមិញ​បាន​ចាត់​ទុកថា៖

        “នាបច្ចុប្បន្ន រដ្ឋសភាស្ថាប័នគ្រប់ជាន់ថ្នាក់កំពុងធ្វើអស់ពីកំលាំងកាយចិត្ត​
ដើម្បី​គាំទ្រការតស៊ូលើស្ថានភាពជាក់ស្ដែង ក្នុងនោះមានការជួយឧបត្ថម្ភអ្នក​
នេសាទ​កំលាំង​អនុវត្តច្បាប់លើសមុទ្រ ជាបណ្ដាអ្នកកំពុងច្បាមជាប់សមុទ្រទាំង​
យប់ទាំងថ្ងៃ​ការពារអធិបតេយ្យភាពរបស់ប្រទេសជាតិ។​ហេតុនេះហើយ ការ​
អនុម័តទៅលើចំនួន​ប្រាក់១៦លានលានដុងជួយឧបត្ថម្ភអ្នកនេសាទកំលាំង​ប៉ូលីសសមុទ្រត្រួតពិនិត្យ​នេសាទទទួលបានការគាំទ្ររបស់សមាជិកសមាជិការ
សភា។”

        សម័យប្រជុំលើកទី៧រដ្ឋសភាវៀតណាមនីតិកាលទី១៣បានបញ្ចប់និង​បន្សល់​
ទុក​នូវរបត់ពិសេសក្នុងសកម្មភាពសាលប្រជុំ។ លទ្ធផលនៃសម័យប្រជុំ​បានឆ្លុះ​បញ្ចាំងនូវបំណងប្រាថ្នារបស់អ្នកបោះឆ្នោត បង្ហាញច្បាស់តួនាទី​នីតិបញ្ញាត្តិ​ឃ្លាំមើលរបស់ស្ថាប័នអំណាចខ្ពស់បំផុតក្នុងប្រព័ន្ធនយោបាយ៕