ក្តីសង្ឃឹមពីសន្និសីទចតុភាគីសំរាប់អ៊ុយក្រែន (Reuters)

        Vovworld-ការចរចារបានចាប់ផ្ដើមដោយសម័យបើកចំហរដោយមានការ​
ចូលរួមរបស់រដ្ឋមន្ត្រីការបរទេសរបស់ប្រទេសទាំង៤និងដំណាងក្រុមសន្ទនានិង
បន្ទាប់នោះគឺប្រជុំចង្អៀតរួមមានថ្នាក់ដឹកនាំនៃប្រទេសទាំង៤រុស្ស៊ីបារាំង​អាល្លឺម៉ង់
និងអ៊ុយក្រែន។ ការដែលនៅខាងក្រៅបន្ទប់ប្រជុំមានអ្នកយកព័ត៌មានប្រមាណ
​៥០០នាក់កំពុងរង់ចាំដើម្បីជូនដំណឹង ប្រការនោះបានសឲ្យឃើញថា អ៊ុយក្រែន
​បានក្លាយទៅជាចំណុចស្នូលនៃព្រឹត្តិការណ៍ ដោយទាក់ទាញការយកចិត្តទុក​ដាក់
​របស់សាធារណៈមតិសកលលោកទាំងមូល។

ការខ្វែងគំនិតក្នុងគោលការណ៍ដោះស្រាយជំលោះ

        ការបំបែកបំបាកជ្រាលជ្រៅរវាងបណ្ដាមហាអំណាចដែលទាក់ទិនដល់វិបត្តិ​
នយោបាយនៅអ៊ុយក្រែនហាក់ដូចជាកាន់តែបានកើនឡើងពីមួយថ្ងៃទៅមួយថ្ងៃ។
នាសប្ដាហ៍មុន អាមេរិកបានប្រកាសថាកំពុងពិនិត្យការផ្ដល់អាវុធសំរាប់រដ្ឋ​អំណាច
Kiev។ តាមវ៉ាស៊ិងតោនថា លោកខាងលិចត្រូវបញ្ជូនអាវុធ​ដើម្បី Kiev ស្វ័យការពារ
ដែលបណ្ដាលប្រតិកម្មយ៉ាងខ្លាំងក្លារបស់ភាគីនានា។ ម៉ូស្គូបានប្រកាសថា ប្រសិន
បើអាមេរិកបញ្ជូនអាវុធសំរាប់អ៊ុយក្រែន រុស្ស៊ី​នឹងតបតវិញដោយការជួយឧបត្ថម្ភ
យោធាដ៏ខ្លាំងក្លាសំរាប់កំលាំងប្រឆាំងនៅ​ភាគខាងកើតអ៊ុយក្រែន។​ មិនត្រឹមតែ
ប៉ុណ្ណោះទេ រុស្ស៊ិនឹងតបតវិញនៅបណ្ដា​រណសិរ្សផ្សេងៗនៅខាងក្រៅអ៊ុយក្រែន។​
វិធានការមួយក្នុងចំណោមវិធានការ​ដែលវិមាន Kremlin កំពុងពិនិត្យគឺផ្គត់ផ្គង់ឲ្យចិន
បច្ចេកវិទ្យាការពារជាតិរ​ស៊ើប​ដើម្បីជួយឲ្យប្រទេសនេះអភិវឌ្ឍន៍អាវុធបច្ចេកវិទ្យាខ្ពស់។
ក្រៅពីនោះ អ៊ីរ៉ង់ក៏ជា​ប្រទេសមួយមានទំនាក់ទំនងល្អប្រសើរជាមួយរុស្ស៊ីដែរ។ ដោយ
បទហ៊ុំព័ទ​របស់​អង្គការសហប្រជាជាតិ រុស្ស៊ីមិនអាចលក់អាវុធសំរាប់អ៊ីរ៉ង់ឡើយ។ ប៉ុន្តែ
​កាយវិការ​ឡើងជណ្ដើររបស់អាមេរិកអាចនាំមកដល់លទ្ធភាពរុស្ស៊ីលុបចោល​បទហ៊ុំព័ទ
ពោលខាងលើ។

        ក្នុងពេលនោះ អាល្លឺម៉ង់និងបារាំងក៏ឡើងសម្លេងប្រឆាំងការដែល​អាមេរិក​ផ្គត់ផ្គង់
អាវុធសំរាប់អ៊ុយក្រែន។ នៅសន្និសីទសន្តិសុខ Munich ដែល​ទើបនឹងបានប្រព្រឹត្តទៅ
នៅអាល្លឺម៉ង់ ប្រទេសទាំងពីរបានផ្ញើរសារដ៏ច្បាស់​លាស់​ថា ការផ្ដល់អាវុធសំរាប់ ​Kiev
នឹងដើរផ្ទុយនឹងបេសកកម្មសម្រុះសម្រួលរបស់​អាល្លឺម៉ង់និងបារាំង។

តើមានឬទេឯកសារមួយត្រូវបានចុះហត្ថលេខា?

សេចក្តីថ្លែងការណ៍រួមមួយត្រូវបានចុះហត្ថលេខាដើម្បីឈានទៅការឈប់បាញ់
និងអាចដាក់គ្រឹះស្ថានសំរាប់ការសន្ទនាជាតិជាប្រការត្រូវបានសង្ឃឹមនៅសន្និសីទ
លើកនេះ។ ផែនការសន្តិភាពថ្មីនឹងត្រូវមានការកំណត់ជាក់ស្ដែងជាងពី​ព្រោះបញ្ហា
ពិបាកដោះស្រាយបំផុតពីមុនមករវាងភាគីនានាគឺនៅការលំអិត។

មុនបង្អស់រាល់ភាពតានតឹងនាបច្ចុប្បន្នអាចត្រូវបានទប់ស្កាត់គឺចំណុះទៅលើការ
សំរេចចិត្តរបស់ប្រធានាធិបតីអាមេរិកលោក Barack Obama អំពី​ការ​ដែលផ្គត់ផ្គង់
អាវុធសំរាប់អ៊ុយក្រែនដែរឬទេ។ ប៉ុន្តែលោក Obama ក៏ត្រូវរង​ផលប៉ះពាល់ដ៏ធំធេង
ពីភាគីនានា​មុនបង្អស់គឺសម្លេងក្នុងរដ្ឋសភាអាមេរិកដែល​សំណូមពរ​រដ្ឋអំណាចរបស់
លោកត្រូវធ្វើសកម្មភាពដាច់ខាតជាង។

        បញ្ហាលំបាកមួយទៀតគឺបែបបទរបស់បណ្ដាដំបន់របស់កំលាំងប្រឆាំង។ កិច្ច​
ព្រមព្រៀងសន្តិភាព Minsk ដែលធ្លាប់បានចុះហត្ថលេខានាខែកញ្ញាឆ្នាំ២០១៤ ក្នុង
នោះជំរុញការសន្ទនាជាតិនិងបង្កើតរបបបែងចែកអំណាច។ ប៉ុន្តែ​កំលាំងប្រឆាំង
បានបដិសេធសំណើរនេះនិងរៀបចំការបោះឆ្នោតស្ថាប័ន​និតិបញ្ញាត្តិនិងប្រធានាធិបតី
នាខែវិច្ឆិកាឆ្នាំ២០១៤ មុនពេលសូមរួមបញ្ចូលក្នុង​រុស្ស៊ី។ អាមេរិកមុននឹងការចរចារ
ចតុភាគីបានអះអាងគាំទ្រការផ្ដួចផ្ដើមគំនិត​រួម​របស់បារាំងនិងអាល្លឺម៉ង់ ប៉ុន្តែមិន
ជឿជាក់ទាំងស្រុងនឹងទទួលបានជោគជ័យ​ឡើយ។ អាមេរិកសម្ដែងក្តីសង្ស័យកិច្ច
ព្រមព្រៀងសន្តិភាពប្រសិនបើទទួលបាន​គឺមិនបានរុស្ស៊ីគោរពឡើយ។

        ដល់ឥឡូវនេះ មិនទាន់មានសញ្ញាណាមួយសឲ្យឃើញដំណោះស្រាយ​ដាច់​ខាត
ណា ទោះបីជាក្នុងរយៈពេលខ្លីក្តីសំរាប់ជំលោះនេះឡើយ។ ជំនួប​ចរចារ​ចតុភាគីលើក
នេះត្រូវបានចាត់ទុកជាឱកាសចុងក្រោយពីព្រោះថា ប្រសិនជាមិន​រកឃើញកិច្ចព្រម
ព្រៀងសន្តិភាពមួយ​សេនារីអូជំលោះប្រដាប់អាវុធឡើងជណ្ដើរ​គឺអាចកើតមានឡើង៕