(VOV)_កិច្ចព្រមព្រៀងឈប់បាញ់ ទើបទទួលបានរវាងអាមេរិក និងរុស្ស៊ី​បានចាប់
ផ្តើមចូលជាធរមាននៅលើដែនដីស៊ីរីទាំងមូល ពីម៉ោង១៩ ថ្ងៃទី១២ ​កញ្ញា (តាមម៉ោងតំ
បន់) ចំនឹងពេលវេលាចាប់ផ្តើមពិធីបុណ្យឥស្លាម Eid Al Adha ។ មតិជាច្រើនបានចាត់
ទុកថា៖ នេះគឺជាឱកាសកម្រមានដើម្បីបញ្ចប់អំពើហឹង្សាដែលបានអូសបន្លាយ៥ឆ្នាំនៅ
ប្រទេសមជ្ឈឹមបូពា៍នេះ។ ប៉ុន្តែ ក៏មានការព្រួយ​បារម្ភជាច្រើនចំពោះប្រសិទ្ធិភាពនៃកិច្ច
ព្រមព្រៀងឈប់បាញ់នេះដែរ។

រដ្ឋមន្ត្រីក្រសួងការបរទេសអាមេរិក លោក John Kerry និង រដ្ឋមន្ត្រីក្រសួងការបរទេសរុស្ស៊ី លោក Sergei Lavrov

កិច្ចព្រមព្រៀងឈប់បាញ់ ត្រូវបានចុះហត្ថលេខានាថ្ងៃទី១០កញ្ញា នៅទីក្រុង Ge
neva (ស្វីស) បន្ទាប់ពីការខំប្រឹងប្រែងការទូតជាច្រើនរវាងរុស្ស៊ី និងអាមេរិក។ ​កិច្ចព្រម
ព្រៀងឈប់បាញ់នេះអូសបន្លាយក្នុងរយៈពេល៤៨ម៉ោង ហើយប្រសិនបើវាបានគោរព 
គឺអាចបានពន្យាពេលថែមមួយសប្ដាហ៍ទៀត។ តាមកិច្ចព្រម​ព្រៀងនេះនេះ កងទ័ព
រដ្ឋាភិបាលស៊ីរី​ត្រូវបញ្ឈប់សកម្មភាពយោធាទាំងឡាយ​ក្នុងទូទាំងប្រទេស។ រីឯ ភាគីប្រ
ឆាំងស៊ីរីក៏ត្រូវបញ្ឈប់ការវាយប្រហារទាំងឡាយ​ដែរ។ កក្តាសំខាន់មួយក្នុងកិច្ចព្រម
ព្រៀងនេះគឺកងកម្លាំងប្រឆាំងនិងកងទ័ពរដ្ឋា​ភិបាលស៊ីរី បានស្នើអោយចេញពីតំ
បន់ជំលោះ Aleppo ដើម្បីបង្កើតឡើង​តំបន់​គ្មានយោធាសំដៅអង្គការមនុស្សធម៌
អាចជួបជាមួយជនស៊ីវិល។

          អាមេរិកនិងរុស្ស៊ីបានចាត់ទុកកិច្ចព្រមព្រៀងឈប់បាញ់នៅស៊ីរីជារបត់សំ​ខាន់
 នាំមកនូវសេចក្ដីសង្ឃឹមជាច្រើន ដើម្បីភាគីនានានៅស៊ីរីដំណើរកិច្ចចរចារឡើងវិញ
 នាំមកនូវខឿនសន្តិភាពសំរាប់ប្រជាជនស៊ីរី។

          បណ្ដាសញ្ញាសកម្ម

        តាមរដ្ឋមន្ត្រីក្រសួងការបរទេសអាមេរិក លោក John Kerry ថា៖កិច្ចព្រម​ព្រៀង
ឈប់បាញ់នេះជាចំណុចចាប់ផ្តើមអោយជំហានសន្តិភាពនានានៅស៊ីរី។​ រដ្ឋមន្ត្រីក្រ
សួងការបរទេសរុស្ស៊ី លោក Sergei Lavrov បានអះអាងថា៖រុស្ស៊ីនិង​អាមេរិកនឹងធ្វើ
អស់ពីកម្លាំងកាយចិត្តរបស់ខ្លួនដើម្បីភាគីនានាគោរពកិច្ចព្រម​ព្រៀងទាំងនេះ​។ 

          ក្នុងប្រតិកម្មវិជ្ជមានមួយ រដ្ឋាភិបាលស៊ីរី នាថ្ងៃទី១១កញ្ញា បានប្រកាស​ទទួល
កិច្ចព្រមព្រៀងឈប់បាញ់ដោយអាមេរិក​និងរុស្ស៊ីគាំពារ។ ក្នុងថ្ងៃដដែល​ ភាគីប្រឆាំង
 បណ្ដាក្រុមនៃកងទ័ពស៊ីរីសេរីភាព ក៏បានប្រកាសយល់ព្រម ក្នុង​លិខិតមួយផ្ញើមក
អាមេរិក និងបានអោយដឹងថា៖ នឹងសហប្រតិបត្តិការយ៉ាង​សកម្ម។ ក្នុងពេលជា
មួយគ្នានោះ ក្រុមប្រឆាំងជនឥស្លាមនៅស៊ីរី Ahrar Al-Sham ក៏មិននាំចេញសេចក្ដី
ប្រកាសបដិសេធណាមួយចំពោះកិច្ចព្រមព្រៀងនេះឡើយ។

          ប្រការគួរអោយចាប់អារម្មណ៍ រដ្ឋមន្ត្រីក្រសួងការបរទេសអាំមេរិក លោក John
 Kerry  ក៏បានអោយដឹងថា៖ ក្រោយរយៈពេល២ម៉ោង បន្ទាប់ពីពេល​កិច្ច​ព្រមព្រៀង
នេះចូលជាធរមាន អំពើហឹង្សាររបស់ភាគីទាំងពីរបានថយចុះ។

          ការសាកល្បងធំ

        មិនអាចបដិសេធបានថា៖​ការគោរពកិច្ចព្រមព្រៀងឈប់បាញ់នេះ​នឹង​កាត់
បន្ថយអំពើហឹង្សា និងដំណើការចរចារឡើងវិញអំពីខឿនសន្តិភាពមួយនៅ​ស៊ីរីក្តី 
ប៉ុន្តែ រដ្ឋមន្ត្រីក្រសួងការបរទេសរុស្ស៊ីលោក Sergei Lavrov ក៏ត្រូវទទួល​ស្គាល់ថា៖​គ្មានអ្វី
អាចធានាថា៖ ការអនុវត្តកិច្ចព្រមព្រៀងនេះបាន១០០%ទេ។ ​ប្រធានគណៈកម្មាធិការ
បណ្ដាប្ហហាអន្តរជាតិនៃព្រឹទ្ធសភារុស្ស៊ី លោក Konstantin Kosachev បានព្រមានថា៖ 
កិច្ចព្រមព្រៀងនេះអាចបានគោរព​ឬអត់ ​និងឯកសារនេះអាចក្លាយទៅជាឯកសារ
ប្រវត្តិសាស្ត្របានឬទេគឺត្រូវពឹងផ្អែកទៅលើកាយវិការ របស់រដ្ឋអំណាចស៊ីរី និងភាគី
ប្រឆាំងនានានៅប្រទេសមជ្ឈឹមបូពា៍នេះ។ ទន្ទឹមនឹងនោះ ក៏ត្រូវពឹងផ្អែកទៅលើភាគី
ទីបី នោះគឺអង្គការភេរវកម្មនានានៅស៊ីរីទៀតផង។

          បញ្ហាមួយទៀតក៏ត្រូវយកមកពិភាក្សាទៀត នោះគឺការខ្វែងគំនិតអំពីការ
បែងចែកក្រុមភេរវកម្ម ជាមួយភាគីប្រឆាំងនៅស៊ីរី។ រដ្ឋមន្ត្រីក្រសួងការបរទេសអា
មេ​រិក លោក John Kerry បានអោយដឹងថា៖ភាគីទាំងពីរនឹង​បន្តធ្វើការអំពី​បញ្ហា
នេះ​តាមរយៈមជ្ឈមណ្ឌលពិសេស​នឹងបានបង្កើតឡើងនាពេលខាងមុខនេះ។

          ក្រៅពីនោះ កិច្ចព្រមព្រៀងឈប់បាញ់នេះនៅខ្វះយន្តការឃ្លាំងមើល និង​អនុ
វត្ត។​តាមមជ្ឈដ្ឋានអ្នកវិភាគថា៖ កិច្ចព្រមព្រៀងឈប់បាញ់នេះ ត្រូវមាន​ប្រព័ន្ធឃ្លាំ
មើល លើគ្រប់ជ្រុងជ្រោយដែរ។

          កិច្ចព្រមព្រៀងឈប់បាញ់ដែលបានអាមេរិកនិងរុស្ស៊ីទទួលបាននេះ នឹង​ជា
របត់សំខាន់ ក្នុងដំណើការសន្តិភាពនៅស៊ីរី ក្រោយរយៈពេល៥ឆ្នាំសង្គ្រាម​ស៊ីវិល ប្រ
សិនបើភាគីនានាគោរព អនុវត្តយ៉ាងម៉ត់ចត់ និងមានយន្តការឃ្លាំមើលការអនុ
វត្ត។​នាបច្ចុប្បន្នមិនអាចនាំចេញយថាទស្សន៍ណាមួយចំពោះកិច្ចព្រម​ព្រៀង​នេះ
ឡើងប៉ុន្តែសាធារណៈមតិសង្ឃឹមថា៖កិច្ចព្រមព្រៀងនេះនឹងបានភាគី​ទាំងឡាយ
គោរព និងចូលរួម ហើយប្រការនេះមានន័យថា៖ប្រជាជនស៊ីរីនឹង​បានរស់នៅក្នុង
បរិយាកាសសន្តិភាព៕