VOVWORLD_ក្នុងពេលមនុស្សគ្រប់គ្នាជូបជុំក្រុមគ្រួសារសប្បាយបុណ្យចូលឆ្នាំ
(តេត)គឺមានកីឡាករខ្លះមិនបានចូលរួមឡើយ។ ដោយឡែកចំពោះកីឡាករកាយ
សម្ព័ន្ធ Pham Phuoc Hung គឺបុណ្យចូលឆ្នាំថ្មី២០១៦ជាបុណ្យចូលឆ្នាំទី៨ដែលលោក
ស៊ីតេតនៅឆ្ងាយពីក្រុមគ្រួសារ។ យ៉ាងណាក៏ដោយប្រការនេះមិនធ្វើឲ្យ Pham Phuoc
Hung ព្រួយបារម្ភទេដោយសារគោលដៅចម្បងរបស់លោកគឺទទួលបានសំបុត្រទៅ
ចូលរួមការប្រកួតអូឡាំពិកRio 2016។
បញ្ចប់ការប្រកួត ពានរង្វាន់ជើងឯកកីឡាកាយសម្ព័ន្ធពិភពលោកឆ្នាំ២០១៥
កីឡាករវៀតណាម Pham Phuoc Hung ត្រូវបានជ្រើសឲ្យចូលរួមមការប្រកួតមុន
អូឡាំពិក២០១៦នៅប្រទេសប្រេស៊ីលនាខែមេសាឆ្នាំ២០១៦។ ដើម្បីត្រៀមរៀបចំ
ឲ្យការប្រកួតនេះ Pham Phuoc Hung បានទៅហ្វឹកហាត់នៅប្រទេសចិនតាំងពីដើមឆ្នាំ
មក។កីឡាករ Pham Phuoc Hung បានសំណេះសំណាលថា
‘’ មិនបានទទួលឆ្នាំថ្មីជាមួយក្រុមគ្រួសារនិងញាតិមិត្តគឺខ្ញុំព្រួយចិត្តណាស់តែ
សំរាប់ឆ្នាំនេះគោលដៅខ្ពស់បំផុតគឺដណ្ដើមឲ្យបានសំបុត្រទៅចូលរួមការប្រកួត
អូឡាំពិកបានជាខ្ញុំតាំងចិត្តយ៉ាងខ្លាំង។ ចំពោះរូបខ្ញុំឱកាសពុំមានច្រើនទៀតទេ
ហើយខ្ញុំក៏បោះបង់ចោលតម្រូការនៃបុគ្គលខ្លួនដើម្បីឆ្ពោះទៅគោលដៅខ្ពស់បំផុត’’
។
កីឡាករកាយសម្ព័ន្ធ Pham Phuoc Hung បានធ្លាប់ទទួលបុណ្យតេតនៅឆ្ងាយពី
គ្រួសារចាប់តាំងពីពេលជាសិស្សបឋមសិក្សាមក។ ពេលមានអាយុ៧ឆ្នាំលោកចាប់
ផ្ដើមធ្វើការហ្វឹកហាត់យ៉ាងសកម្មនៅឯបរទេស។ ស្ដីពីអនុស្សាវរីយ៍នាគ្រានោះ
លោក Hungឲ្យដឹងថា
“ បុណ្យចូលឆ្នាំដែលខ្ញុំចងចាំច្បាស់បំផុតគឺពេលខ្ញុំមានអាយុ៩ឬ១០ឆ្នាំឯ
ណោះ។ ពេលនោះគ្រូបង្វឹកមានការងារត្រឡប់ទៅវៀតណាមវិញហើយមានតែបង
ប្អូនប៉ុន្មាននាក់បបួលគ្នាដើរលេងនៅសួនច្បារឬទៅមើលគេបាញ់កាំជ្រួចផ្កាតែ
ប៉ុណ្ណោះ។”
 |
| បញ្ចប់ការប្រកួត ពានរង្វាន់ជើងឯកកីឡាកាយសម្ព័ន្ធពិភពលោកឆ្នាំ២០១៥ កីឡាករវៀតណាម Pham Phuoc Hung ត្រូវបានជ្រើសឲ្យចូលរួមមការប្រកួតមុនអូឡាំពិក២០១៦នៅប្រទេសប្រេស៊ីលនាខែមេសាឆ្នាំ២០១៦ |
ទោះបីជីវភាពរស់របស់លោកផ្សាភ្ជាប់នឹងការហ្វឹកហាត់យ៉ាងលំបាកក្ដីតែស្នាដៃ
ល្អៗក្នុងការប្រកួតថ្នាក់តំបន់និងពិភពលោកគឺជាកំលាំងចលករសំរាប់លោកបន្តបុព្វ
ហេតុអស់រយៈពេល២១ឆ្នាំកន្លងទៅ។ លោកធ្លាប់បានទទួលសំបុត្រចូលរួមការ
ប្រកួតអូឡាំពិកឆ្នាំ២០១២ ហើយទទួលមេដាយមាសក្នុងការប្រកួតកីឡាកាយសម្ព័ន្ធ
ពិភពលោកឆ្នាំ២០១៣នៅប្រទេសSlovenia។
នៅក្នុងការប្រកួតដណ្ដើមពានរង្វាន់ជើងឯកពិភពលោកឆ្នាំ២០១៥ដែលបាន
រៀបចំនៅ Scoland កីឡាករកាយសម្ព័ន្ធ Pham Phuoc Hung បានសំដែងកាយវិការ
មួយដែលមិនធ្លាប់មាននៅកីឡាកាយសម្ព័ន្ធ វិញ្ញាសារយោលទោងឡើយ។
កាយវិការនេះត្រូវបានកត់ត្រាក្នុងសៀវភៅបច្ចេកទេសនៃសហព័ន្ធកីឡាកាយ
សម្ព័ន្ធពិភពលោកដោយបានដាក់ឈ្មោះ Pham Phuoc Hung ។
“ តាមការពិតខ្ញុំគិតថា កាយវិការនោះមិនសូវពិបាកទេប៉ុន្តែនៅលើពិភពលោក
មិនទាន់មានអ្នកណាធ្វើបានឡើយ។ ខ្ញុំសង្ខ្យឹមថា ទៅអនាគត ក្រុមកីឡាករកាយ
សម្ព័ន្ធរបស់វៀតណាមនឹងមានការច្នៃប្រឌិតថែមទៀតដោយមានបន្ថែមនូវកាយ
វិការថ្មីៗដើម្បីកេរិ៍្តឈ្មោះកីឡាករវៀតណាមត្រូវបានកត់សំគាល់ក្នុងច្បាប់កីឡា
កាយសម្ព័ន្ធពិភពលោក”។
បញ្ចប់ការប្រកួតដណ្ដើមពានរង្វាន់ជើងឯកពិភពលោកឆ្នាំ២០១៥ Pham Phuoc
Hung បានសំរេចគោលដៅអប្បបរមាគឺមានឈ្មោះក្នុងបញ្ជីក្រុមកីឡាករចូលរួមការ
ប្រកួតមុនអូឡាំពិក២០១៦។នៅការប្រកួតនេះបើចូលក្រុមកីឡាករខ្លាំងជាងគេ២៤
នាក់គឺលោកនឹងមានសិទ្ធិបន្តចូលរួមការប្រកួតអូឡាំពិកនៅប្រទេសប្រេស៊ីលនាខែ
មេសាឆ្នាំ២០១៦៕