VOVWORLD_លោក Tan A Senh ជាជនជាតិ Dao រស់នៅភូមិ​​ Seng Lang ឃុំ​ Ta
 Phin ស្រុក Sin Ho ខេត្ត Lai Chau​ ប៉ែកពាយ័ព្យវៀតណាម។ មុននេះគ្រួសារលោកក្រី
ក្រ​ណាស់​​។ ​ក្រោយមក លោកបានខ្ចីដើមទុនវិនិយោគលើការចិញ្ចឹមសត្វ​ និងធ្វើឥដ្ឋ​
ដោយ​រកបានប្រាក់ចំណូលខ្ពស់ ព្រមទាំងបង្កើតការងារធ្វោះជូនពលករជា​ច្រើន​នាក់
​នៅ​ក្នុងតំបន់ទៀតផង។ លោកជាគំរូលើកទឹកចិត្តយុវជនជនជាតិភាគតិចខិតខំប្រឹង​
ប្រែងឈានឡើងរួចផុតពីភាពក្រីក្រ។

        នៅក្នុងផ្ទះថ្មីធ្វើអំពីដីជាប្រពៃណីជនជាតិ Dao លោក Tan A Senh បានរៀបរាប់​
ថាបន្ទាប់ពីកសាងគ្រួសារហើយ ជីវភាពរស់នៅរបស់ក្រុមគ្រួសារលោកជួបការ
លំបាកយ៉ាងខ្លាំង។ ការធ្វើស្រែចំការមិននាំមកស្បៀងអាហារគ្រប់គ្រាន់ឡើយ។ 
ក្រោយពីធ្វើការសិក្សាស្រាវជ្រាវ រៀនសូត្រគ្រប់រូបសណ្ឋានធ្វើសេដ្ឋកិច្ចក្នុងគោល
បំណងជួយគ្រួសារឲ្យរួចផុតពីភាពក្រីក្រនោះនាឆ្នាំ២០០៩លោក Tan A Senh បាន
ខ្ចីដើមទុនពីបងប្អូន​ញាតិមិត្ត​ហើយយកទៅទិញមាន់ទាជ្រូកមកចិញ្ចឹម។មានបទ
ពិសោធន៍ខ្លះហើយនា​ដើម​​ឆ្នាំ២០១១​លោកសំរេចខ្ចីទុនចំនួន១០០លានដុងពី
ធនាគារដើម្បីបើកទូលាយទ្រង់​ទ្រាយការចិញ្ចឹមសត្វ។ គិតជាមធ្យមក្នុងមួយឆ្នាំ
លោកលក់សាច់ជ្រូកបានចំនួន២តោនរួមជាមួយគោក្របីសេះរាប់សិបក្បាលទៀត
។ផាត់ប្រាក់ចំណាយលោករកបានប្រាក់ចំណេញជាង៣០០លានដុងក្នុងមួយឆ្នាំ។ 
លោក Tan A Senh បានសំណេះសំណាលថា

    “ ពេលកសាងគ្រួសារ ជីវភាពរស់នៅជួបការលំបាកយ៉ាងខ្លាំង។​ដោយសារ​មិន​
ទាន់មានបទពិសោធន៍និងអាកាសធាតុនៅតំបន់ខ្ពង់រាប Sin Ho​មិនអំណោយ​ផល
បាន​ជាខ្ញុំត្រូវតែជ្រើសពេលវេលាសមស្របដើម្បីចិញ្ចឹមសត្វ។ចូលឆ្នាំថ្មីខ្ញុំចាប់ផ្ដើម
ចិញ្ចឹមជ្រូក។ដោយសារពេលនោះធាតុអាកាសត្រជាក់ស្រួលបានជាហ្វូងជ្រូករីកធំ
ធាត់យ៉ាងលឿន។ដោយសង្កេតឃើញថាតម្រូវការសាច់សេះនៅទីផ្សាកើនឡើង
ខ្លាំងហើយសត្វសេះកើតកូនមួយឆ្នាំម្ដងនិងអាចទ្រាំទ្របានអាកាសធាតុត្រជាក់បាន
ជាខ្ញុំប្រមូលផ្ដុំលើការចិញ្ចឹមសេះ។ ពេលអាកាសធាតុត្រជាក់ខ្លាំងគ្រួសារខ្ញុំដេញគោ
ក្របីចុះនៅវាលទំនាបដើម្បីជៀសវាងរដូវរងារ”។

ក្រៅពីការចិញ្ចឹមគ្រួសារ រោងជាងផលិតឥដ្ធនេះនៅបង្កើតការងារធ្វើជូនប្រជាពលរដ្ឋក្នុងភូមិទៀតផង

        ប្រាក់ចំណេញមានពីការចិញ្ចឹមសត្វ​ លោក Tan A Senh ខ្ចីបន្ថែមពី​ធនាគារ​
ហើយ​យកទៅទិញម៉ាស៊ីនធ្វើឥដ្ឋចំនួន៤គ្រឿងមកផលិតឥដ្ធលក់ឲ្យប្រជាពលរដ្ឋក្នុង
តំបន់។ ផាត់សោហ៊ុយចំណាយថ្លៃពលកម្ម ប្រេងសាំងប្រាក់ចំណេញពីការធ្វើឥដ្ធជា
រៀងរាល់ឆ្នាំរបស់គ្រួសារលោក Senh គឺប្រមាណជិត៤០០លានដុង។ គិតរហូតមក
ដល់​សព្វថ្ងៃ​នេះ លោកបានសងបំណុលជូនធនាគាររួចរាល់ព្រមទាំងទិញបន្ថែម
រថយន្តពីរគ្រឿងសំរាប់ដឹកជញ្ជូនទំនិញ។ ក្រៅពីការចិញ្ចឹមគ្រួសារ រោងជាងផលិត
ឥដ្ធនេះនៅ​បង្កើត​ការ​ងារធ្វើជូនប្រជាពលរដ្ឋក្នុងភូមិទៀតផង។ តាមលោក Cheo A
Nai ជាពលករ​មួយ​នាក់​បានឲ្យដឹងថា

    “ លោក​ Senh មិនត្រឹមតែជួយផ្ដល់បទពិសោធន៍ចិញ្ចឹមសត្វតែប៉ុណ្ណោះថែមទាំង
​បង្ក​លក្ខណៈឲ្យគ្រួសារខ្ញុំមានការងារធ្វើទៀតផង។ ដោយសារមានរោងជាងផលិត
​ឥដ្ធរបស់គ្រួសារលោក​ Senh បានជាប្ដីប្រពន្ធខ្ញុំមានបន្ថែមចំណូលស្ថិរភាព​ ប្រាក់ខែ​បាន៤លានដុង។ ប្ដីប្រពន្ធខ្ញុំដឹងគុណលោក Senh  ហើយខិតខំរៀនសូត្រតាម​
របៀប​ធ្វើការរបស់លោក”។

        ឃុំ Ta Phin មានប្រជាជនភាគច្រើនជាជនជាតិ Dao។ ក្នុងចំណោមប្រជាជន
ចំនួន​៥៧០​គ្រួសារ​គឺមាន២៣០គ្រួសារក្រីក្រ។ ម្យ៉ាងទៀតដីធ្លីនីទីនេះ​មិនសូវអំ
ណោយផល​ដល់ការដាំដុះដំណាំឡើយ។ ដូច្នេះ ប្រសិទិ្ធភាពនៃរូបសណ្ឋាន
សេដ្ឋកិច្ចរបស់គ្រួសារលោក Tan A Senh បានបើកចេញនូវទិសដៅនិងការត្រិះរិះ
ថ្មីក្នុងផលិតកម្មចិញ្ចឹមសត្វ​សំរាប់ប្រជាកសិករក្នុងតំបន់។ តាមលោក Cheo Cuoi
 Lu មេ ភូមិSeng Lang ឃុំ Ta Phin ឲ្យដឹងថា

     “​​ នៅភូមិខ្ញុំមានគ្រួសារលោកSenhបានជួយឧបត្ថម្ភប្រជាជនអភិវឌ្ឍសេដ្ឋកិច្ច
​យ៉ាង​សកម្ម។ ក្នុងរយៈពេលជាច្រើនឆ្នាំជាប់គ្នាកន្លងទៅនេះគ្រួសារលោក​ត្រូវ
បាន​ប្រសិទ្ធិនាមជាគ្រួសារវប្បធម៌និងចិញ្ចឹមសត្វផលិតកម្មពូកែ”។

        លោក Tan A Senh ជាយុវជនគំរូមួយរូបនៅលើតំបន់ខ្ពង់រាបនេះ។​ ឆន្ទៈនិង​
ទឹកចិត្ត​សម្បុរសធម៌របស់លោកធ្វើឲ្យអ្នកភូមិកាន់តែមោទនៈនិងជឿទុកចិត្តទៅ
លើជំនាន់យុវវ័យ៕