VOVWORLD_ជនរួមជាតិខ្មែរនៅខេត្តSoc Trang មានមោទនភាពយ៉ាង
ខ្លាំងអំពី​លោក​​​​គ្រូ​ប្រជាជនLam Es ជាគ្រូបង្រៀនគំរូដែលបានបូជាអស់មួយ
ជីវិតដើម្បី​បុព្វហេតុ​អប់រំ។ លោកជាលោកគ្រូដើមដំបូងនៅតំបន់វាលសណ្ដទន្លេ
 Cuu Long ដែល​បាន​ប្រសិទ្ធិ​នាម​ជាលោកគ្រូប្រជាជនដោយមានស្នាដៃដ៏ឆ្នើម
លើវិស័យអប់រំ។

        លោក​​​គ្រូ​ប្រជាជនLam Es កើតនាឆ្នាំ១៩៤០នៅឃុំ Thanh Phu ស្រុក​My
 Xuyen ខេត្តSoc Trang។​លោកកំព្រាឪពុកតាំងពីនៅជាកុមារភាព​ហើយគ្រួសារ
មាន​ស្ថានភាព​យ៉ាង​លំ​បាក​​លំបិន។​ម្ដាយលោកបានបញ្ជូនលោកទៅវត្ត Dai
Tam រៀនសូត្រអក្សរនិង​ព្រះ​ធម៌។ ទោះបីរស់នៅក្នុងសភាពការខ្វះខាតច្រើន
ក្ដីតែលោករៀនពូកែណាស់។​ក្រោយពីរៀនបញ្ចប់ថ្នាក់ទី៩នៅសាលាចំណេះទូទៅ
លោកបានវិលត្រឡប់មកវត្ត Dai Tamដើម្បី​បន្ត​វេន​លោកគ្រូរបស់ខ្លួនហើយ
ក្លាយទៅជាគ្រូបង្រៀនដោយ​ឥតគិតថ្លៃ​សំរាប់​សិស្ស​ក្រី​ក្រ។

        លោក​ Lam Es បានឲ្យដឹងថាការបង្រៀននេះទាមទាឲ្យលោកត្រូវតែរៀន
បន្ថែម​និង​​រៀន​ដោយខ្លួនឯង។លោកចាប់ផ្ដើមរៀនភាសាអង់គ្លេស​ ភាសាសា
បារាំង​ព្រមទាំង​បង្រៀន​ឲ្យកូនសិស្សទៀតផង។នាគ្រានោះវត្ត Dai Tamជាវត្ត
ដើមដំបូងដែលមានថ្នាក់​រៀនភាសាវៀតណាម ភាសាខ្មែរ ភាសាអង់គ្លេសនិង
បារាំងដោយឥតគិតថ្លៃ។លោក Lam Es ចាត់ទុកការរៀនពីអ្នកពូកែជាងខ្លួន
សំរាប់បង្រៀនឲ្យអ្នកមិនទាន់​ចេះនោះ​គឺជា​ការទទួលខុសត្រូវនិងជាការសប្បាយ
រីករាយធំបំផុតក្នុងជីវិតលោក។លោកបានសំណេះសំណាលថា

    “ ត្រូវតែរៀនពីប្រជាជន រៀនពីអ្នកចាស់ទុំ រៀនពីលោកសង្ឃមានបទ
ពិសោធន៍​ហើយ​បង្រៀនឲ្យកូនសិស្សយ៉ាងណាឲ្យគេងាយយល់ងាយចាំ។ ខ្ញុំចាប់
ផ្ដើម​ការងារ​បង្រៀននាឆ្នាំ១៩៧១ដោយបង្រៀនឲ្យប្រជាពលរដ្ឋចេះភាសាវៀត
ណាម ភាសាអង់គ្លេសនិងភាសាបារាំង”។

        ក្រោយពីភូមិភាគខាងត្បូងវៀតនាមត្រូវបានរំដោះទាំងស្រុងមក រដ្ឋ
អំណាចលើកទឹកចិត្តប្រជាជនសិក្សារៀនសូត្រលោក Lam Es មានលក្ខណៈ
ងាយស្រួល​ហើយកាន់​តែ​ប្ដេជ្ញាបន្តការសិក្សា។ ជាគ្រូបង្រៀនវ័យក្មេងនិងមាន
តិត្យានុភាពលោកត្រូវបាន​ថ្នាក់​លើបញ្ជូនទៅបំពេញការងារនៅមន្ទីរអប់រំ
ខេត្ត Hau Giang។ ធ្វើការផង រៀនផងលោក​បាន​បញ្ចប់​ការសិក្សាថ្នាក់ឧត្តម
ព្រមទាំងប្រមូលផ្ដុំឯកសារនិងបទពិសោធន៍បង្រៀន​បង្កើត​ជាសៀវភៅ
បង្រៀនភាសាខ្មែរសំរាប់កម្មាភិបាលវ័យក្មេង។ នាឆ្នាំ១៩៩២​ លោក​ត្រូវបាន
តែងតាំងជានាយករងមន្ទីរអប់រំបណ្ដុះបណ្ដាលខេត្តSoc Trangតែនៅជក់
ចិត្ត​នឹងការ​ងារ​រៀបរៀងសៀវភៅរៀនភាសាខ្មែរ។សំណង់នេះត្រូវបានក្រសួង
អប់រំបណ្ដុះ​បណ្ដាល​ប្រើជាផ្លូវការនៅតាមសាលាអន្ទេវាសិកដ្ឋានសំរាប់
សិស្សានុសិស្សជនរួមជាតិ​ខ្មែរភូមិភាកខាងត្បូង។

        ដោយមានស្នាដៃល្អជាច្រើន នាឆ្នាំ២០០២ លោក Lam Es មានកិត្តិយស
ត្រូវបាន​រដ្ឋ​ជូ​ន​កិត្តិនាម​ជា​លោក​គ្រូប្រជាជនដើមដំបូងនៅតំបន់វាលសណ្ដទ
ន្លេ Cuu Long។ ​នា​ឆ្នាំ២០០៣លោកចូលនិវត្តន៍តែនៅកាន់តំណែងប្រធាន
សមាគមលើកទឹកចិត្តការរៀនសូត្រខេត្តSoc Trang។ តាមលោកLy Ro Tha
 នាយករងមន្ទីរអប់រំបណ្ដុះបណ្ដាល​ខេត្តSoc Trangបានឲ្យដឹងថាខេត្តកំពុង
ស្នើឲ្យរដ្ឋពិនិត្យនិងជូនរង្វាន់ហូជីមិញ​ចំពោះ​លោក​គ្រូ Lam Es។

លោកគ្រូប្រជាជនLam Es ជាគ្រូបង្រៀនគំរូដែលបានបូជាអស់មួយជីវិតដើម្បីបុព្វហេតុអប់រំ

      “ ថ្មីៗនេះ ខេត្តSoc Trangបានជ្រើសលោក​គ្រូ Lam Esដើម្បីដាក់ជូនរដ្ឋ
​ពិនិត្យ​ផ្ដល់​រង្វាន់ហូជីមិញដោយសារលោកមានស្នាដៃល្អៗដូចជាប្រជុំសៀវភៅ
បណ្ដុះបណ្ដាលគ្រូបង្រៀនភាសាខ្មែរនិងសៀវភៅសំរាប់សិស្សពីថ្នាក់បថមសិក្សា
ដល់ថ្នាក់មធ្យមសិក្សាទុតិយភូមិ។ ក្នុងរយៈពេលកាន់តំណែងប្រធានសមាគម
លើកទឹកចិត្តការរៀនសូត្រខេត្ត​Soc Trang លោកក៏ចលនាក្រុមសម្បុរសជន
ឲ្យជួយឧបត្ថម្ភដល់សិស្សានុសិស្ស​ដែល​មាន​ជីវភាពរស់នៅជួបការលំបាក”។

        លោក​គ្រូប្រជាជន Lam Es​បានថ្លែងថា លោកចងចាំជានិច្ចនូវពាក្យ
ទូន្មាន​របស់​លោកប្រធានហូជីមិញគឺប្រជាជាតិដែលមិនខិតខំរៀនសូត្រនោះ
គឺជាប្រជាជាតិខ្សោយ។ដូច្នេះលោកប្រធានហូជីមិញបានវាយតំលៃខ្ពស់នូវ
តួនាទីរបស់ផ្នែកអប់រំចំពោះការបណ្ដុះបណ្ដាលប្រភពធនធានមនុស្សដើម្បី
កសាងប្រទេសជាតិឲ្យសម្បូររុងរឿង។ លោក​​​គ្រូប្រជាជន Lam Es​បានចែក
រំលែកថា

“ ខ្ញុំសង្ឃឹមថាបក្សទាំងមូល ប្រជាជនទាំងមូលចូលរួមការងារលើកទឹក
ចិត្ត​ប្រជាជន​​រៀនសូត្រ កសាងសង្គមសិក្សារៀនសូត្រ។ ​ខ្ញុំរៀនសើម្បីក្លាយទៅ
ជា​មនុស្ស​ល្អ ពលរដ្ឋល្អ។ នៅរស់ខ្ញុំនៅបន្តសិក្សា បន្តធ្វើការ”៕