VOVWORLD_ដោយមានការជក់ចិត្តនឹងការធ្វើក្រដាសជាប្រពៃណីវិ
ចិត្រករគំនូរ Phan Hai Bangនៅមហាវិទ្យាល័យសិល្បៈហ្វេបានសិក្សាស្រាវជ្រាវនិង
បង្កើតឡើង​ក្រដាសថ្មីមួយប្រភេទពីឬស្សីដែលហៅថា Truc Chi។អស់រយៈពេល
ច្រើនឆ្នាំធ្វើ​ពិសោធន៍​រហូតមកដល់សព្វថ្ងៃនេះគំរោងការស្រាវជ្រាវកែច្នៃក្រដាស
សិល្បៈ​សិប្បកម្មរបស់លោកបានសំរេចជោគជ័យ។

        សិល្បៈTruc Chi ត្រូវបានវិចិត្រករ Phan Hai Bang គ្រូបង្រៀននៅមហា
វិទ្យាល័យ​សិល្បៈហ្វេចាប់ផ្ដើមធ្វើការសិក្សាស្រាវជ្រាវនាឆ្នាំ២០០០ហើយដាក់ឲ្យ
កែច្នៃសាកល្បងនាឆ្នាំ២០១០។ ដោយផ្អែកលើវត្ថុធាតុដើមនេះ ក្រុមវិចិត្រករ
អាចគូរគំនូរឬបង្កើតរូបភាពផ្សេងៗជាស្នាដៃវិចិត្រសិល្បៈដ៏រស់រវើក។ វិចិត្រករ
 Phan Hai Bang ឲ្យដឹងថា​សិល្បៈ​Truc Chi ត្រូវបានអនុវត្តនាពេលដែលសិល្បករ
ធ្វើឲ្យមានឥទ្ធពលទៅលើ​ក្រដាស​សើមប្រើ​ទ្រឹស្ដីសិល្បៈវិចិត្រកម្ម Printingmaking
ដើម្បីកែប្រែរចនាសម្ព័ន្ធក៏ដូចជាផ្ទៃក្រដាស​។​ លោកបានថ្លែងថា

“Truc Chi ជាឈ្មោះនៃសិល្បៈដែលត្រូវបានកែច្នៃលើក្រដាសពិសេសមួយ​
ប្រភេទ។ ដោយផ្អែកលើវិធីធ្វើក្រដាសប្រពៃណី យើងខ្ញុំឆ្ពោះទៅរកភាពច្នៃប្រឌិត
ហើយបានបង្កើតឡើងនូវតំលៃថ្មីមួយ នោះគឺសិល្បៈ Truc Chi ”។

ផលិតផល Truc Chi រួមមានកាបូប ថង់ កង្ហារ ឋាសCD ក្របសៀវភៅ និងឆ័ត្រ

វិចិត្រករ Phan Hai Bang និងក្រុមសហការីចង់គួបផ្សំសិល្បៈ Truc Chi ជាមួយ
​វត្ថុ​ធាតុដើមនិងបច្ចេកទេសដទៃៗដូចជាបោះពុម្ភសិប្បកម្ម គូរ ប៉ាក់ ត្បាញ និង
ធ្វើដួនដើម្បីពង្រីកការច្នៃប្រឌិតរបស់អ្នករចនាព្រមទាំងអភិវឌ្ឍន៍ភូមិរបរនានា
ក្នុងតំបន់ទៀតផង។ នាឆ្នាំ២០១២ សិល្បៈ Truc Chi ត្រូវបានយកមកតាំងពីពណ៌
ជាផ្លូវការនិងទទួល​បាន​ជ័យលាភីនៅហ្វេ​ ហើយ​បន្ទាប់មកនៅប្រទេសបែលហ្សីក
និងប្រទេស​មួយចំនួនទៀត។​ស្ដីពីគំរោងការ Truc Chi នេះ សាស្ត្រាចារ្យរង បណ្ឌិត
Nguyen Nghia Phuong នៅមហាវិទ្យាល័យវិចិត្រសិល្បវៀតណាមបានឲ្យដឹងថា

“វិចិត្រករ Phan Hai Bang ជាមនុស្សមួយរូបដែលជានិច្ចកាលចង់ធ្វើអ្វីមួយ​
ថ្មីនិង​ចំលែក។  ដំបូងបង្អស់ គំរោងការ Truc Chi ត្រូវបានអនុវត្តគ្រាន់តែក្នុង
គោលដៅ​សិល្បៈប៉ុណ្ណោះ។ក្រោយមក ដោយឃើញស្នាដៃ Truc Chi  ត្រូវបាន
អតិថិជន​និយមចូល​ចិត្តខ្លាំងបានជាក្រុមហ៊ុនមួយចំនួនដូចជាក្រុមហ៊ុនគំនូរ
ប៉ាក់ XQបានកក់ទិញផលិតផល​ពី​លោក Bang ។ ហើយមានបន្ថែមអ្នកស្រី Ngo
Dinh Bao Vi មកជួយលោកពង្រីកការ​កែច្នៃផលិតផល Truc Chi រួមមានកាបូប
 ថង់ កង្ហារ ឋាសCD ក្របសៀវភៅ និងឆ័ត្រ”។

នាបច្ចុប្បន្ននេះ Truc Chi រាប់ពាន់ផ្ទាំងត្រូវបានច្នៃឡើងហើយផ្ទាំងនីមួយ
ជា​ស្នាដៃសិល្បៈមួយដ៏មានតំលៃខាងវប្បធម៌។ វិចិត្រករគំនូរ Phan Hai Bang 
និងក្រុម​សហការីរបស់លោកកំពុងគួបផ្សំសិល្បៈ Truc Chi ជាមួយរបរសិប្បកម្ម​
ប្រពៃណី​ផ្សេងៗនៅហ្វេ។ ផលិតផលទាំងឡាយដែលត្រូវបានកែច្នៃតាម
បច្ចេកទេ្ទសគូររូបភាពនិងសូនរូបសំដៅបង្កើតឡើងផលិតផលមាន
អត្តសញ្ញាណវប្បធម៌នៃអតីតរាជធានីហ្វេ៕