VOVWORLD_វិចិត្រការិនី Dang Ai Viet នៅទីក្រុងហូជីមិញភាគខាងត្បូងវៀត
ណាមត្រូវបានគេស្គាល់ដល់និងគោរពរាប់អានដោយសារការងារដ៏មានអត្ថន័យ
ដែលលោកស្រីបានធ្វើ នោះគឺការគូររូបវីរៈអ្នកម្ដាយវៀតណាម។ ក្នុងអំឡុងពេល
៥ឆ្នាំកន្លងទៅនេះ វិចិត្រការិនី Dang Ai Viet បានទៅកាន់ខេត្តក្រុងទាំង៦៣ក្នុង
ប្រទេសនិងគូររូបវីរៈអ្នកម្ដាយវៀតណាមចំនួន១៥០០នាក់។
វិចិត្រការិនី Dang Ai Viet កើតនាឆ្នាំ១៩៤៨នៅឃុំ Tan Binh ស្រុកCai lay ខេត្ត
Tien Giang។ មុននេះលោកស្រីជាអ្នកយកព័ត៌មាននៃកាសែត Phu nu Giai phong
ក្នុងសម័យតស៊ូប្រឆាំងអាមេរិកឈ្លានពាន។ ធ្លាប់ជាយុទ្ធជនមួយរូប លោកស្រី
យល់ច្បាស់នូវការ ឈឺចាប់និងបាត់បង់ដោយសង្គ្រាមបណ្ដាលឡើងព្រមទាំង
គោរពការបូជារបស់ក្រុមវីរៈអ្នកម្ដាយវៀតណាម។ក្នុងអាយុ៦៧ឆ្នាំ វិចិត្រការិនី
កំពុងរត់ប្រណាំងជាមួយពេលវេលាដើម្បីគូររូបវីរៈអ្នកម្ដាយវៀតណាម។
ក្នុងផ្ទះល្វែងមួយខ្នងដែលវីរៈអ្នកម្ដាយវៀតណាម យាយ Pham Thi Thanh
រស់នៅជាមួយកូនចៅនៅសង្កាត់ទី៦ខណ្ឌទី៥ក្រុងហូជីមិញមានព្យួរគំនូររូបយាយ
ដាក់ក្នុងស៊ុំដ៏ល្អស្អាត។ យាយ Thanh ឃើញថាគំនូរនេះបានបង្ហាញចាស់នូវមុខ
មាត់ អារម្មណ៍ មនោសញ្ចេតនាការឈឺចាប់និងមោទនភាពរបស់រូបយាយចំពោះ
ប្ដីនិងកូនដែលបានពលីជីវិតដើម្បីមាតុប្រទេស។ យាយមានប្រសាសន៍ថា
វិចិត្រការិនី Dang Ai Viet បានយោគយល់ មេត្តានិងចែករំលែកនូវការឈឺចាប់
របស់យាយតាមរយៈស្នាដៃគំនូរនេះ។
“វិចិត្រការិនី Dang Ai Viet គាត់គូររូបខ្ញុំដូចណាស់។ ពេលគាត់មកគូររូបខ្ញុំគឺ
ខ្ញុំសប្បាយចិត្តណាស់។មានបងប្អូននារីជាច្រើននាក់ក៏ជាវីរៈអ្នកម្ដាយវៀតណាម
ដែរតែមិនទាន់បានគូររូបដោយសារនៅឆ្ងាយពេក។ សង្ខឹមថាវិចិត្រការិនី Dang Ai
Viet នឹងគូររូបឲ្យបានទាំងអស់គ្នា” ។
 |
| ក្នុងអំឡុងពេល៥ឆ្នាំកន្លងទៅនេះ វិចិត្រការិនី Dang Ai Viet បានទៅកាន់ខេត្តក្រុងទាំង៦៣ក្នុងប្រទេសនិងគូររូបវីរៈអ្នកម្ដាយវៀតណាមចំនួន១៥០០នាក់ |
ស្ដីពីការគូររូបក្រុមវីរៈអ្នកម្ដាយ វិចិត្រការិនី Dang Ai Viet ឲ្យដឹងថាជាធម្មតា
លោកស្រីចំណាយពេលជាង២ម៉ោងសំរាប់គូររូបអ្នកម្ដាយមួយរូប។ ប៉ុន្តែ លោកស្រី
រមែងតែសាសងជាមួយអ្នកម្ដាយនានានៅមុននិងក្នុងពេលគូររូបដើម្បីមានការយល់
និងចាប់អារម្មណ៍កាន់តែជ្រាលជ្រៅថែមទៀត។
គិតរហូតមកដល់ពេលនេះវិចិត្រការិនី Dang Ai Viet បានគូររូបអ្នកម្ដាយវៀត
ណាមចំនួន១៥០០នាក់ហើយមានផែនការគូរសំរាប់មាតារាប់ពាន់នាក់ទៀត។ក្នុង
ដំណើរគូរគំនូរនេះវិចិត្រការិនី Dang Ai Viet តែងតែជិះម៉ូតូពីខេត្តមួយទៅខេត្តមួយ
ពីតំបន់ដីលសណ្ដទន្លេ Cuu Long រហូតដល់តំបន់ព្រៃភ្នំភូមិភាគខាងជើង។ ទោះបី
យ៉ាងណាក៍ដោយលោកស្រីមិនចេះនឿយណាយឡើយដោយគ្រាន់តែគិតដល់
ការគូររូបក្រុមវីរៈអ្នកម្ដាយ យ៉ាងមេចឲ្យបានល្អស្អាត។លោកស្រីបានសំណេះ
សំណាលថា
“ខ្ញុំបានគូររូបអ្នកម្ដាយរាប់ពាន់នាក់តែគ្មានគំនូរណាដូចគំនូរណាឡើយព្រោះ
ចំពោះម្ដាយម្នាក់ៗខ្ញុំមានការចាប់អារម្មណ៍ផ្សេងពីគ្នា។ ក៏ប៉ុន្តែ មានចំណុចរួមមួយ
នោះគឺទឹកចិត្តរបស់អ្នកម្ដាយទាំងអស់គ្នាចំពោះមាតុភូមិ។ ជាពិសេសគឺភ្នែករបស់
ក្រុមអ្នកម្ដាយ ទោះបីទឹកមុខញញឹមក្ដីតែនៅបង្ហាញឲ្យឃើញនូវការឈឺចាប់ខ្លោច
ផ្សា”។
ដើរតាមបដិវត្តន៍នៅវ័យក្មេងនិងរីកធំធាត់ក្នុងការតស៊ូប្រឆាំងខ្មាំងសត្រូវឈ្លាន
ពាន វិចិត្រការិនី Dang Ai Viet ជានិច្ចកាលលមានបំណងប្រាថ្នាគូររូបវីរៈអ្នកម្ដាយ
វៀតណាម។លោកស្រីបានថ្លែងថា
“ ខ្ញុំប្រាប់ខ្លួនឯងនិងដួងព្រលឹងរបស់ក្រុមយុទ្ធជនពលីថាខ្ញុំនឹងគូររូបអ្នកម្ដាយ
ទាំងអស់ដែលនៅរស់។ ទោះបីក្រុមម្ដាយនៅឆ្ងាយយ៉ាងណាក៏ដោយក៏ខ្ញុំនឹងទៅជួប
គេឲ្យខាងតែបាន។ ខ្ញុំក៏សង្ខ្យឹមដែរថាអ្នកម្ដាយទាំងអស់គ្នានឹងរង់ចាំខ្ញុំ”។
ក្រៅពីការគូររូប វិចិត្រការិនី Dang Ai Viet នៅតែងកំណាព្យនិងសរសេរ
ប្រលោមលោកអំពីវីរៈអ្នកម្ដាយវៀតណាមទៀតផង។ លោកស្រីសំណេះសំណាល
ថាមានចំណុចខ្លះដែលមិនអាចពិពណ៌នា តាមរយៈគំនូរបានគឺត្រូវតែពិពណ៌នា
ដោយកំណាព្យ។ ចំពោះវិចិត្រការិនី រូបនេះ កំណាព្យ អក្សរសាស្រ្ត និងវិចិត្រកម្ម
គឺជាវិស័យមានទំនាក់ទំនងនឹងគ្នាហើយដើម្បីពន្លេចចេញនូវប្រធានបទវីរៈអ្នក
ម្ដាយវៀតណាមដែលលោកស្រីជក់ចិត្តជានិច្ចកាល៕