VOVWORLD_លោកស្រី Trinh Thi Ngo ជាអ្នកអានភាសាអង់គ្លេសដ៏ឆ្នើម
មួយរូប​របស់វិទ្យុសំលេងវៀតណាមទើបនឹងទទួលមរណភាពនៅទីក្រុងហូជីមិញ
ក្នុងជន្មាយុ៨៧ឆ្នាំ។ទោះបីយ៉ាងណាក៏ដោយសំលេងអានភាសាអង់គ្លេសរបស់
លោកស្រីនៅតែដក់ជាប់ជានិច្ចក្នុងដួងចិត្តរបស់មិត្តអ្នកស្ដាប់វិទ្យុសំលេងវៀត
ណាមគ្រប់ជំនាន់ ក្នុងនោះមានមិត្តភក្ដិអន្តរជាតិរាប់ទាំងអតីតទាហាន
អាមេរិកដែលធ្លាប់ចូលរួមសង្គ្រាមនៅវៀតណាមទៀតផង។

        នាឆ្នាំ១៩៥៥លោកស្រី Trinh Thi Ngoពេលនោះជានិស្សិតបានចូលធ្វើការ​
នៅ​វិទ្យុសំលេងវៀតណាមក្នុងគោលបំណងបំរើបដិវត្តន៍។នាគ្រានោះវិទ្យុសំលេង
វៀតណាមកំពុងត្រូវការអ្នកចេះអានព័ត៌មានជាភាសាអង់គ្លេស។លោកស្រី Trinh
 Thi Ngoបាន​រៀនភាសាអង់គ្លេសពីមុននោះហើយពេលចូលធ្វើការនៅវិទ្យុលោក
ស្រីចាប់ផ្ដើមហាត់អានព័ត៌មានជាភាសាអង់គ្លេស។លោកស្រីខិតខំប្រឹងប្រែង
យ៉ាងខ្លាំងដើម្បីអានយ៉ាងណាឲ្យអ្នកស្ដាប់យល់ច្បាស់នូវខ្លឹមសារនៃព័ត៌មាន។
មិត្តអ្នកស្ដាប់ជាច្រើននៅតំបន់អាស៊ីអាគ្នេយ៏និងអឺរ៉ុបខាងជើងដែលតាមដាន
ស្ដាប់កម្មវិធីផ្សាយជាភាសាអង់គ្លេសនៃវិទ្យុសំលេងវៀតណាមគឺនិយមចូលចិត្ត
សំលេងអានរបស់អ្នកអាន Thu Huong – Trinh Thi Ngo ណាស់។

លោកស្រី Trinh Thi Ngoលើកាសែតអាមេរិកនាឆ្នាំ១៩៦៦

        នាឆ្នាំ១៩៦៥​ពេលដែលទាហានអាមេរិកមកឈ្លានពានភាគខាងត្បូងវៀត​
ណាម​នោះវិទ្យុ​សំលេង​វៀតណាមសហការជាមួយនាយកដ្ឋានចលនាខ្មាំងសត្រូវ
ចំណុះ​អគ្គ​ស្នងការនយោបាយក្រសួង​ការពារប្រទេសវៀតណាម​បានបង្កើត​ឡើង​
កម្មវិធីផ្សាយ​ជាភាសា​អង់គ្លេសដោយឡែកមួយសំរាប់មុខសញ្ញាគឺទាហានអាមេរិក​
ដែលមាន​ឈ្មោះ​ថានាទី”​​ និយាយជាមួយទាហានអាមេរិក”​(A small talk to
American Gi’s)សំដៅជួយគេ​យល់ដឹងត្រឹមត្រូវអំពីសង្គ្រាមដោយអាមេរិកបង្កឡើង
នៅវៀតណាម។ចាប់តាំងពីនោះមកនាទីចលនាខ្មាំងសត្រូវរបស់លោកស្រី Trinh
Thi Ngoត្រូវបានផ្សាយនា​ពេលយប់​ដោយមានឃ្លាចាប់ផ្ដើមគឺ”​ នាងខ្ញុំ Thu Huong
 សំណេះសំណាលជាមួយ​ទាហាន​អាមេរិកនៅវៀតណាម ”។ ក្រោយមកកម្មវិធីនេះ
ត្រូវបានផ្សាយ៣លើកក្នុងមួយថ្ងៃដែលមានរយៈពេល៣០នាទីមួយលើក ហើយ
សរុបមកគឺ៩០នាទីក្នុងមួយថ្ងៃ។ដូចច្នេះក្នុងមួយថ្ងៃតាមរយៈរលកវិទ្យុ​សំលេង​
វៀតណាមលោកស្រី Trinh Thi Ngoបាននិយាយជា​មួយ​​ទាហាន​អាមេរិករាប់ហ្មឺន
នាក់ដែលស្ដាប់វិទ្យុ។ទាហានអាមេរិកហៅលោក​ស្រីថា​Hanoi Hannah​ដោយចូល
ចិត្តសំលេងអានភាសាអង់គ្លេសរបស់នារីមកពី​ហាណូយ​រូបនេះ​ណាស់។គេឲ្យដឹង
ថា តាមរយៈកម្មវិធីផ្សាយនេះរបស់លោកស្រី Trinh Thi Ngo​គេបានឃើញ​ការពិត​
ហើយរុករកគ្រប់វិធីដើម្បីប្រឆាំងសង្គ្រាមអយុតិ្តធម៌​ព្រមទាំង​ស្វែងរកឱកាស
វិលត្រឡប់ទៅស្រុកទេសវិញ។

        នាពេលសង្គ្រាមបញ្ចប់គឺកម្មវិធីផ្សាយ​ជាភាសា​អង់គ្លេសសំរាប់ទាហាន
អាមេរិកក៏​បញ្ចប់ដែរ។នាថ្ងៃទី៣០ខែមេសាឆ្នាំ១៩៧៥លោកស្រី Trinh Thi Ngo
មានកិត្តិយសអាន​ព័ត៌មានជាភាសាអង់គ្លេសក្នុងកម្មវិធីផ្សាយបន្តផ្ទាល់ដោយ
ជូនដំណឹងទៅពិភពលោកទាំងមូលនូវព្រឹតិ្តការណ៍ជាប្រវតិ្តសាស្រ្តនោះគឺ”​ទីក្រុង
 Sai Gon ត្រូវបានរំដោះ ប្រទេស​វៀតណាម​បានឯករាជ្យនិងឯកភាពទាំងស្រុង”។
 ក្រោយពីថ្ងៃរំដោះលោកស្រី​និង​គ្រួសារ​​​​ទៅរស់នៅភាគខាងត្បូងនិងធ្វើការនៅ
វិទ្យុសំលេងទីក្រុងហូជីមិញរហូតដល់​ពេលចូលនិវត្ត។

លោកស្រី Trinh Thi Ngoនិងស្វាមីក្នុងបុណ្យខួបកំណើត៧៧ឆ្នាំ

        ក្នុងប្រវតិ្តសាស្រ្តនៃវិទ្យុសំលេងវៀតណាម ក្រុមអ្នកអានដ៏ឆ្នើមដូចលោកស្រី
 Trinh​ Thi Ngoបានរួមចំណែកផ្សព្វផ្សាយរូបភាពទឹកដីនិង​មនុស្សវៀតណាម​ទៅ​
ពិភពលោក​​ដើម្បី​មិត្តភកិ្តអន្តរជាតិកាន់តែសាមគ្គីនិងគាំទ្រវៀតណាមថែមទៀត។​
មជ្ឈដ្ឋាន​​អ្នកប្រកបការងារផ្សាយសំលេងនៅវិទ្យុសំលេងវៀតណាម VOV នា
បច្ចុប្បន្ន​ពិសេស​គឺជំនាន់វ័យក្មេងនៅកាណាល់ផ្សាយសំលេងជាភា​សាបរទេស​
VOV5ថ្ងៃ​នេះត្រូវបានលើកទឹកចិត្តនិងមានកិត្តិយសដែលត្រូវជាមិត្តរួមវិជ្ជាជីវៈ
របស់អ្នកអានឆ្នើមHanoi Hannah​ – Thu Huong – Trinh Thi Ngo៕