VOVWORLD_នៅតំបន់ប៉ែកឥសានប្រទេសវៀតណាមសិល្បៈចំរៀងThen និង
ចាប៉ី Tinh  របស់ជនជាតិ Tay, Nung​ ត្រូវបានប្រជាជនគ្រប់ជនជាតិ​និយម​ចូល​ចិត្ត​
ហើយមាន​តួនាទីសំខាន់ក្នុងជីវភាពរស់នៅ។ ​ជាស្រុកកំណើតនៃសិល្បៈ​ប្រភេទ​នេះ
ខេត្ត Bac Kan កំពុងខិតខំអភិរក្សចំរៀង Then ដោយរក្សាបាននូវចំរៀង Then ជាច្រើន
បទ​ផង​​​​​ព្រមទាំងលើកទឹក​ចិត្តក្រុមសិល្បករពង្រីក​សកម្មភាព​សំដែង​ចំរៀង Then និង​
ចាប៉ី​Tinh ​ទៀតផង។ 

ចំរៀង Then និងចាប៉ី Tinh របស់ជនជាតិ Tay, Nung ត្រូវបានប្រជាជនគ្រប់ជនជាតិនិយមចូលចិត្តហើយមានតួនាទីសំខាន់ក្នុងជីវភាពរស់នៅ

ក្នុងការសំដែងចំរៀង Then គេប្រើប្រាស់ចាប៉ី Tinh។​ ខ្សែចំនួន៣នៃចាប៉ីនេះ​ជា
និមិត្តរូបឲ្យសំលេងឪពុក សំលេងម្ដាយនិងសំលេងមេឃដី។ ជនជាតិ Tay​ និង​ជន
ជាតិ Nung​ ទាំងចាស់​ទាំង​ក្មេងសុទ្ធតែជក់ចិត្តដិតអារម្មណ៍នឹង​ការសំដែង​ចំរៀង
Then និងចាប៉ី Tinh  ដូចការ​ហូប​បាយផឹកទឹកប្រចាំថ្ងៃដែរ។​ តាមរឿងនិទាន​ថានា
សម័យយួរមកហើយមានបុរសគមួយរូបឈ្មោះXien Can បានកែឆ្នៃចាប៉ីអំពី​ផ្លែ​ឃ្លោក
​​មាន១២ខ្សែ។ ពេលដេញចាប៉ីនេះបានធ្វើឲ្យមនុស្សជក់ចិត្ត​លង់​ស្មារតី​ស្រមើស្រមៃ 
រីឯពួកសត្វក៏ព្រឺស្បែកដែរ។ ហេតុនេះហើយអាទិទេពត្រូវបន្ថយចំនួនខ្សែនោះឲ្យនៅ
ត្រឹមតែ៣ខ្សែដូចនាបច្ចុប្បន្ន។ ទោះបីមានតែ៣ខ្សែក្ដីតែចាប៉ី Tinh  នៅតែធ្វើឲ្យអ្នក
ស្ដាប់កំសាន្តលង់អារម្មណ៍។ ចំរៀង Then ជាវប្បធម៌អរូបីមួយ​ប្រភេទ​មានលក្ខណៈ
ប្រជាប្រិយដោយផ្សាភ្ជាប់ជាមួយអត្តសញ្ញាណនៃជនជាតិ​និមួយៗ។សំនៀងច្រៀង
រួមជាមួយសំលេងចាប៉ី Tinh  ប្រៀបដូចជាការរៀបរាប់​ឡើងវិញអំពីការធ្វើដំណើរ
របស់មនុស្សលោកតាំងពីសម័យកាលដំបូងទៅកាន់ឋានសួគ៌ដើម្បីសូមសេចក្ដីសុខ
សំណាងល្អសុភមង្គល។ចំរៀង Then ត្រូវបានសំដែង​ក្នុងឱកាសបុណ្យឡើងស័ក 
បុណ្យសែនស្រូវឬក្នុងការព្យាបាលជំងឺ។ ការច្រៀង Then បានក្លាយទៅជារូបភាព
ជីវភាពវប្បធម៌សិល្បៈ​នាពេល​ជួបជុំគ្នាប្រចាំថ្ងៃ។

អ្នក Bac Kan ច្រៀង Then យ៉ាងទន់ភ្លន់ប្រៀបដូចជាការខ្សឹបខ្សៀវគ្នា​ដោយ​
ខុសឆ្ងាយពីការច្រៀង Then នៅខេត្ត Lang Son  Cao Bang  Tuyen Quang ដែល​
សប្បាយ​​​អ៊ូអរ។​ ​ប្រជាពលរដ្ឋខេត្ត Bac Kan ឲ្យដឹងថាបើចង់យល់ច្បាស់នូវ​ព្រលឹង
​នៃចំរៀង Then គឺសូមអញ្ចើញអ្នកទៅកាន់បឹង Ba Be ទឹកថ្លា ព័ទ្ធជំវិញ​ដោយ​ព្រៃ​
ភ្នំ​ហើយមានកំឡោះក្រមុំជនជាតិ Tay​ ពាក់អាវពណ៌ខៀវដេញចាប៉ី Tinh និង
ច្រៀង Then នៅកណ្ដាលវាល។ លោក Ma Van Vinh ជាសិប្បករមួយរូបបានឲ្យ
ដឹងថា

"ខ្ញុំសង្កេតឃើញថាវប្បធម៌ច្រៀង Then របស់ជនជាតិ Tay​ ​គឺចាំបាច់​​ត្រូវ​​​​​​ថែ​​​​​
រ​ក្សាឲ្យ​ជំនាន់ក្រោយ។ឆ្នាំនេះខ្ញុំមានអាយុ៦៦ឆ្នាំហើយបាន​បង្កើតឡើង​ក្លិប​មួយ​
សំដៅទាក់ទាញតាយាយមកច្រៀងដើម្បីមនុស្សជាច្រើនអាចមកស្ដាប់កំសាន្ត។ 
ឥឡូវនេះឃើងខ្ញុំមានបន្ថែមបទចំរៀងថ្មីតែងដោយសិល្បករសិល្បការិនីឆ្នើមៗ។
 ឃើងខ្ញុំនឹងបន្តអភិរក្សនិងលើកដំកើងចំរៀង Thenនេះតទភទៀត"។

ការច្រៀង Then គឺមិនអាចខ្វះបានក្នុងជីវភាពវប្បធម៌ស្មារតីរបស់ជនជាតិ
 Tay ​ឡើយ។ នៅស្រុក Cho Moi  Ba Be និង Cho Don មានក្លិបច្រៀង Then​ ចំនួន
​៥កន្លែងដែលបើកទ្វារជាប្រចាំ។ នៅទីនេះក្រៅពីការសំដែងចំរៀង Then គេក៏
បើក​ថ្នាក់បង្រៀនច្រៀង Then សំរាប់យុវវ័យទៀតផង។ រីឯសាលាបឋមសិក្សា
នៅឃុំ Chu Huong បានបញ្ចូលសិល្បៈចំរៀង Then ទៅក្នុងខ្លឹមសារបង្រៀននិង
សិក្សា។ ​អ្នកស្រីLa Thi Anh អាយុ២២ឆ្នាំនៅស្រុក Cho Donកំពុងសិក្សានៅ
សាលាជាន់​ខ្ពស់​វប្បធម៌សិល្បៈViet Bacបានសំណេះសំណាលថា

"នាងខ្ញុំរៀនច្រៀង Then ពីតាយយាក្នុងភូមិ។ ​សិល្បករសិល្បការិនី​ជើង
ចាស់​ទាំងនោះបានធ្វើឲ្យនាងខ្ញុំចាប់អារម្មណ៍យ៉ាងខ្លាំងបានជានាងខ្ញុំចូលចិត្ត
ចង្វាក់ចំរៀងប្រចាប្រិយ ចំរៀង Then ណាស់។ សូមឲ្យយុវវ័យនិងមនុស្សគ្រប់​
គ្នាខំថែរក្សា​តូរ្យតន្រ្តីនិងបទចំរៀងជាប្រពៃណីនៃជាតិខ្លួនកុំឲ្យបាត់បង់"។

ចំរៀង Then នៃខេត្ត Bac Kan នាបច្ចប្បន្ននេះមានទំនុកច្រៀងថ្មីជាច្រើន​
កោត​សសើរ​លោកប្រធានហូជិមីញ បក្សនិងមាតុប្រទេស។ ផ្នែកវប្បធម៌ខេត្ត
Bac Kan​ បានបញ្ចូលចំរៀង Then និងចាប៉ីTinh ទៅក្នុងការបំរើទេសចរណ៍
ហើយបាន​ក្លាយទៅជាផលិតផលវប្បធម៌ដ៍វិសេសវិសាលទាក់ទាញទឹកចិត្ត
ភ្ញៀវយ៉ាងខ្លាំង។ នៅក្នុងមហោស្រពវប្បធម៌កីឡានិងទេសចរណ៍នៃគ្រប់ជន
ជាតិតំបន់ឥសានលើកទី៩ដែលទើបនឹងប្រារព្ធឡើងនៅទីនេះចំរៀង Then 
និងចាប៉ី Tinh ខេត្ត Bac Kan ​បាន​​មាន​ឱកាសសំដែងនៅចំពោះមុខជនជាតិជា
បងប្អូនទាំងឡាយ។​ តាមលោក​ La Bao Duy ប្រធានការិយាល័យសិល្បៈ
មហាជន មជ្ឈមណ្ឌលវប្បធម៌ខេត្ត Bac Kan ឲ្យដឹងថា

"ក្នុងការត្រៀមរៀបចំចូលរួមកម្មវិធីនេះយើងខ្ញុំបានធ្វើការស្រាវជ្រាវនិង
សម្រាំងបណ្ដាសិប្បករសិល្បការសិល្បការិនីច្រៀង Then ឆ្នើមបំផុតព្រមទាំង
ពឹងគេ​តែងបទ​ថ្មី​ជាមួយទំនុកច្រៀងថ្មីជាច្រើនទៀតផង។យើងខ្ញុំខំប្រឹងប្រែង
ឧទេ្ទសនាម​ជាមួយ​ប្រទេសទាំងមូលអំពី ចំរៀង Then ខេត្ត​​ Bac Kan"៕