(vovworld) – ທ່ານປະທານ ກູບາ Raul Castro ໄດ້ຮຽກຮ້ອງການນຳຂັ້ນຕ່າງໆໃນທົ່ວປະເທດຄວນດຳເນີນການຕີລາຄາວິວັດການຜັນຂະຫຍາຍບັນດາມາດຕະການປະຕິບັດຮູບແບບເສດຖະກິດໃໝ່ບົນຈິດໃຈຕຳນິຕິຊົມ ແລະ ສ້າງສັນ ເພື່ອແນໃສ່ຫຼີກລ້ຽງບັນດາການຜິດພາດທີ່ກໍ່ຜົນສະທ້ອນເຖິງວິວັດທະນາການພັດທະນາຂອງປະເທດຊາດ. ກ່າວຄຳເຫັນທີ່ກອງປະຊຸມຂອງສະພາລັດຖະມົນຕີ ເຊິ່ງຈັດຂຶ້ນໃນທ້າຍອາທິດຜ່ານມາ ແລະ ໄດ້ຖືກສື່ມວນຊົນ ກູບາ ໄດ້ລົງພິມໃນວັນທີ 3/3, ທ່ານປະທານ Raul ຊີ້ແຈ້ງວ່າ: ບໍ່ແມ່ນວ່າທຸກໆສິ່ງທີ່ລັດຖະບານຈັດວາງໃນວິວັດການຜັນຂະຫຍາຍວິວັດທະນາການປະຕິບັດຮູບແບບເສດຖະກິດໃໝ່ລ້ວນແຕ່ດຳເນີນໄດ້ດີ, ມີບາງບັນຫາ ກູບາ ຍັງຂາດບົດຮຽນ ພາໃຫ້ເກີດການຜິດພາດ. ເຖິງຢ່າງໃດກໍ່ຕາມ, ສີ່ງສຳຄັນແມ່ນຕ້ອງຮັບຮູ້ບັນດາຂໍ້ຂາດຕົກບົກຜ່ອງ ເພື່ອປັບປຸງຢ່າງທັນການ. ການນຳ ກູບາ ກໍ່ເນັ້ນໜັກແຜນການປັບປຸງຮູບແບບເສດຖະກິດຍັງຄົງພັດທະນາ ແລະ ສືບຕໍ່ໄດ້ຮັບການຜັນຂະຫຍາຍເປີດກ້ວາງແຕ່ບໍ່ຄວນຟ້າວຟັ່ງເກີນໄປ.