ທ່ານ ຮອງນາຍົກລັດຖະມົນຕີ ເວືອງດີ່ງເຮ້

ໂດຍສຳຫຼວດນະໂຍບາຍເງິນເດືອນທີ່ກະຊວງແຮງງານ, ທະຫານເສຍອົງຄະ ແລະ ສັງຄົມ, ໃນຕອນບ່າຍວັນທີ 26 ຕຸລາ, ທ່ານ ເວືອງດີ່ງເຮ້, ຮອງນາຍົກລັດຖະມົນຕີ, ຫົວໜ້າຊີ້ນຳສູນກາງກ່ຽວກັບການປະຕິຮູບນະໂຍບາຍເງິນເດືອນ, ປະກັນສັງຄົມ ແລະ ນະໂຍບາຍພິເສດສຳລັບຜູ້ມີຄຸນງານຄວາມດີ, ໄດ້ສະເໜີກະຊວງນີ້ເຮັດແຈ້ງສະພາບຕົວຈິງ, ກໍ່ສ້າງນະໂຍບາຍເງິນເດືອນໃນຮູບການວິສາຫະກິດຕ່າງໆຕາມທິດຕົກລົງ ກ່ຽວກັບລາຄາກຳລັງແຮງງານ ຕາມກົນໄກຕະຫຼາດ. ທ່ານ ຮອງນາຍົກລັດຖະມົນຕີເວືອງດີ່ງເຮ້ ສະເໜີກະຊວງແຮງງານ, ທະຫານເສຍອົງຄະ ແລະ ສັງຄົມ ກຳນົດແຈ້ງຂອບເຂດ, ສະພາບຕົວຈິງຂອງເງິນເດືອນໃນການເຄື່ອນໄຫວຜະລິດ - ດຳເນີນທຸລະກິດເວົ້າລວມ. ທ່ານ ຮອງນາຍົກລັດຖະມົນຕີກໍ່ສະເໜີກະຊວງແຮງງານ, ທະຫານເສຍອົງຄະ ແລະ ສັງຄົມເຮັດແຈ້ງຄວາມຈຳເປັນ, ຄາດໝາຍຂອງເງິນເດືອນພື້ນຖານ, ບັນດາພື້ນຖານກຳນົດ, ດັດປັບລະບົບ ເງິນເດືອນພື້ນຖານ ແລະ ຄຽງຄູ່ກັນນັ້ນແມ່ນພື້ນຖານ, ມາດຕະຖານເພື່ອກຳນົດລະດັບຄອງຊີບພື້ນຖານ.