(ພາບປະກອບ google.com.vn)
(vovworld) - ຕອນເຊົ້າວັນທີ 16/10, ຢູ່ ຮ່າໂນ້ຍ, ສູນຂໍ້ມູນຫໍສະໝຸດ ແລະ ຄົ້ນຄ້ວາວິທະຍາສາດ, ຫ້ອງວ່າການສະພາແຫ່ງຊາດ ໄດ້ຈັດຕັ້ງການປະຊຸມຜັນຂະຫຍາຍວຽກງານໃຫ້ກອງປະຊຸມສະໄໝສາມັນເທື່ອທີ 4 ສະພາແຫ່ງຊາດຊຸດທີ 13. ຕາມນັ້ນແລ້ວ, ກອງປະຊຸມຈະດຳເນີນແຕ່ວັນທີ 22/10 ເຖິງ 24/11/2012. ກອງປະຊຸມຄາດວ່າຈະພິຈາລະນາ, ຕົກລົງຫຼາຍເນື້ອໃນສຳຄັນຄື: ປະກອບຄວາມເຫັນໃສ່ຮ່າງລັດຖະທຳມະນຸນປີ 1992 ສະບັບປັບປຸງ, ເພີ່ມເຕີມ, ຮ່າງມະຕິປະກາດໃຊ້ກົດລະກ່ຽບກ່ຽວກັບເລື່ອງຮັບເອົາບັດໄວ້ວາງໃຈ, ປ່ອນບັດໄວ້ວາງໃຈສຳລັບບັນດາຜູ້ດຳລົງຕຳແໜ່ງ ໂດຍສະພາແຫ່ງຊາດ, ສະພາປະຊາຊົນເລືອກຕັ້ງ ຫຼືໃຫ້ສັດຕະຍາບັນ, ບັນດາຮ່າງກົດໝາຍວ່າດ້ວຍການປ້ອງກັນ, ຕ້ານສໍ້ລາດບັງຫຼວງ (ສະບັບປັບປຸງ), ກົດໝາຍວ່າດ້ວຍວຽກເຮັດງານທຳ… ທ່ານນາງ Pham Thi Toan, ຜູ້ອຳນວຍການສູນຂໍ້ມູນຫໍສະໝຸດ ແລະ ຄົ້ນຄ້ວາວິທະຍາສາດ, ຫ້ອງວ່າການສະພາແຫ່ງຊາດ, ໃຫ້ຮູ້ວ່າ:
”ຄາດວ່າຈະມີການທ່າຍທອດສົດທາງວິທະຍຸກະຈາຍສຽງ ແລະ ໂທລະພາບ 13 ເທື່ອ, ເພີ່ມຂຶ້ນເມື່ອທຽບໃສ່ຄັ້ງກ່ອນແມ່ນ 5 ເທື່ອ. ຕາມການຕີລາຄາຂອງການນຳສະພາແຫ່ງຊາດແລ້ວ, ໃນກອງປະຊຸມຄັ້ງນີ້ພວກເຮົາເພີ່ມທະວີການທ່າຍທອດສົດ ເພາະວ່າສະພາແຫ່ງຊາດປຶກສາຫາລືຫຼາຍບັນຫາສຳຄັນ, ດັ່ງນັ້ນຕ້ອງເຮັດໃຫ້ຜູ້ມີສິດເລືອກຕັ້ງເປັນຈຳນວນຫຼວງຫຼາຍໃນທົ່ວປະເທດໄດ້ຮັບຊາບ”.
ສະພາແຫ່ງຊາດກໍ່ສະຫງວນເວລາ 12 ວັນເພື່ອປຶກສາຫາລືບົດລາຍງານຂອງລັດຖະບານ, ບົດລາຍງານຂອງຫົວໜ້າສານປະຊາຊົນສູງສຸດ, ຫົວໜ້າອົງການໄອຍະການປະຊາຊົນສູງສຸດ ແລະ ບົດລາຍງານທີ່ກ່ຽວຂ້ອງເຖິງວຽກງານຍຸຕິທຳ, ວຽກງານປ້ອງກັນ ແລະ ຕ້ານການລະເມີດກົດໝາຍ.