ກອງປະຊຸມສຳມະນາກ່ຽວກັບການປ້ອງກັນຕ້ານການສໍ້ລາດບັງຫລວງ
ພາບ:baodientu.chinhphu.vn
|
(vovworld) - ວັນທີ 29 ແລະ 30/10 ຢູ່ ນະຄອນ Da Nang, ອົງການກວດກາລັດຖະບານ, ຫ້ອງວ່າການຄະນະຊີ້ນຳສູນກາງກ່ຽວກັບການປ້ອງກັນ ແລະ ຕ້ານການສໍ້ລາດບັງຫລວງ ໄດ້ສົມທົບກັບກະຊວງພັດທະນາສາກົນລາຊະອານາຈັກ ອັງກິດ ຈັດຕັ້ງກອງປະຊຸມສຳມະນາກ່ອນທີ່ດຳເນີນການພົບປະສົນທະນາກ່ຽວກັບການປ້ອງກັນ ແລະ ຕ້ານການສໍ້ລາດບັງຫລວງ ຄັ້ງທີ 11 ຢູ່ບໍລິເວນພາກກາງ ແລະ ເຂດໄຕງວຽນ ພາຍໃຕ້ຫົວຂໍ້ວ່າ: ວຽກງານປ້ອງກັນ ແລະ ຕ້ານການສໍ້ລາດບັງຫລວງ ຢູ່ ທ້ອງຖິ່ນ - ສະພາບຕົວຈິງ ແລະ ມາດຕະການ. ບັນດາບົດປະກອບຄຳຄິດຄຳເຫັນໃນກອງປະຊຸມສຳມະນາແມ່ນເຕື້ອງເຖິງບັນດາເນື້ອໃນສຳຄັນກ່ຽວກັບການປ້ອງກັນ ແລະ ຕ້ານການສໍ້ລາດບັງຫລວງ. ກ່າວຄຳເຫັນທີ່ກອງປະຊຸມສຳມະນາ, ທ່ານ Tran Duc Luong, ຮອງຫົວຫນ້າອົງການກວດກາລັດຖະບານ ໄດ້ເນັ້ນຫນັກວ່າ:
“ກອງປະຊຸມສຳມະນາໄດ້ແລກປ່ຽນກ່ຽວກັບບັນດາບັນຫາສະເພາະໃນວຽກງານປ້ອງກັນ ແລະ ຕ້ານການສໍ້ລາດບັງຫລວງຢູ່ທ້ອງຖິ່ນຂັ້ນຕ່າງໆ; ປຶກສາຫາລືກ່ຽວກັບບົດລາຍງານການສຳຫລວດໃນສັງຄົມ, ໝາກຜົນແຫ່ງການຄົ້ນຄ້ວາ, ແບ່ງປັນບົດຮຽນ ແລະ ບັນດາບົດຮຽນກ່ຽວກັບວຽກງານປ້ອງກັນຕ້ານການສໍ້ລາດບັງຫລວງຢູ່ ທ້ອງຖິ່ນ, ຖອດຖອນບົດຮຽນຈາກສາກົນ. ຈາກນັ້ນ ຍົກຂໍ້ສະເຫນີບັນດາມາດຕະການໃຫ້ແກ່ວຽກງານປ້ອງກັນ ແລະ ຕ້ານການສໍ້ລາດບັງຫລວງຢູ່ ທ້ອງຖິ່ນ ແລະ ລະດັບຊາດ.”
ໝາກຜົນຂອງກອງປະຊຸມສຳມະນາດັ່ງກ່າວແມ່ນຂໍ້ມູນຂ່າວສານສຳຄັນເພື່ອຮັບໃຊ້ການພົບປະສົນທະນາກ່ຽວກັບການປ້ອງກັນ ແລະ ຕ້ານການສໍ້ລາດບັງຫລວງຄັ້ງທີ 11 ຊຶ່ງຈະຖືກຈັດຂຶ້ນໃນວັນທີ 22/11 ຈະມາເຖິງຢູ່ ຮ່າໂນ້ຍ.