(vovworld) - ກອງປະຊຸມໃຫຍ່ຜູ້ແທນຊາວໜຸ່ມກອມມູນິດໂຮ່ຈິມິນ ນະຄອນຮ່າໂນ້ຍຄັ້ງທີ 14 (ອາຍຸການ 2012 - 2017) ຖືກໄຂຂຶ້ນໃນຕອນເຊົ້າວັນທີ 14/10 ຢູ່ຮ່າໂນ້ຍ. ກອງປະຊຸມໃຫຍ່ແມ່ນເຫດການການເມືອງສຳຄັນຂອງໄວໜຸ່ມທົ່ວນະຄອນ, ເປັນຂີດໝາຍໃຫ້ແກ່ໄລຍະພັດທະນາໃໝ່ຂອງວຽກງານຊາວໜຸ່ມ ແລະ ຂະບວນການຊາວໜຸ່ມເຍົາວະຊົນ ຮ່າໂນ້ຍ ໃນພາລະກິດຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝ. ກ່າວຄຳເຫັນທີ່ກອງປະຊຸມໃຫຍ່, ທ່ານ Pham Quang Nghi ກຳມະການກົມການເມືອງ ຄະນະບໍລິຫານງານສູນກາງພັກ, ເລຂາຄະນະພັກນະຄອນຮ່າໂນ້ຍ ໄດ້ຢືນຢັນວ່າ.ໃນຊຸມປີຜ່ານມາ, ໄວໜຸ່ມນະຄອນຫຼວງ ພ້ອມກັບໄວໜຸ່ມທົ່ວປະເທດໄດ້ເສີມຂະຫຍາຍມູນເຊື້ອຮັກຊາດ, ເປັນເຈົ້າການ, ມີຫົວຄິດປະດິດສ້າງໃນທຸກການເຄື່ອນໄຫວປະກອບສ່ວນພ້ອມກັບປະຊາຊົນນະຄອນຫຼວງ ປະຕິບັດໜ້າທີ່ເສດຖະກິດ, ສັງຄົມຢ່າງມີໄຊ ຕາມທິດສີວິໄລ, ທັນສະໄໝ. ທ່ານເລຂາຄະນະພັກນະຄອນຮ່າໂນ້ຍ Pham Quang Nghi ກໍສະເໜີວ່າ, ພະນັກງານທຸກຂັ້ນໃນອາຍຸການໃໝ່ຕ້ອງຕິດຕາມຢ່າງໃກ້ຊິດໜ້າທີ່ເສດຖະກິດ, ການເມືອງ, ສັງຄົມຂອງນະຄອນ, ເພີ່ມທະວີຍູ້ແຮງການຝຶກຝົນຫຼໍ່ຫຼອມ ເສີມຂະຫຍາຍຈິດໃຈປະຊາທິປະໄຕ, ຊ່ວຍຊາວໜຸ່ມມີສະຕິຮັບຮູ້ຢ່າງຖືກຕ້ອງ, ເປັນແບບຢ່າງນຳໜ້າກ່ຽວກັບການປະຕິບັດແບບແຜນດຳລົງຊີວິດສີວິໄລ. ທ່ານ Pham Quang Nghi ເນັ້ນໜັກວ່າ.
“ຂ້າພະເຈົ້າເຊື້ອໝັ້ນວ່າ ຫົວໜ້າອົງການຊາວໜຸ່ມ, ພະນັກງານຊາວໜຸ່ມແຕ່ລະຄົນໃນອາຍຸການໃໝ່ ຈະສືບຕໍ່ເສີມຂະຫຍາຍນ້ຳໃຈສາມັດຄີ, ເປັນເອກະພາບ, ມີຄົວຄິດປະດິດສ້າງ, ສຸມໃສ່ຫັນມະຕິຂອງກອງປະຊຸມໃຫຍ່ເປັນລະອຽດໃຫ້ກາຍເປັນແຜນການວຽກງານ ແລະ ເສີມຂະຫຍາຍໃນສະພາບຕົວຈິງ, ຊີວິດຂອງໄວໜຸ່ມນະຄອນຫຼວງໂດຍໄວ. ສົມກັບຄວາມໄວ້ເນື້ອເຊື່ອໃຈຂອງປະຊາຊົນນະຄອນຫຼວງ ແລະ ຄໍາສັ່ງສອນຂອງປະທານໂຮ່ຈິມິນ.”