ເສນາຮັກແຂວງ ຊອກຈັງ
(ພາບ: Trung Hiếu/TTXVN)
(vovworld)- ຕອນເຊົ້າວັນທີ 15/04 ຢູ່ຮ່າໂນ້ຍ, ກະຊວງປ້ອງກັນປະເທດໄດ້ຈັດຕັ້ງພິທີສະເຫຼີມສະຫຼອງ 70 ປີແຫ່ງວັນມູນເຊື້ອຂະແໜງເສນາຮັກ ( 16/04/1946 – 16/04/2016 ) ແລະຕ້ອນຮັບຫຼຽນໄຊປົກປັກຮັກສາປະເທດຊາດຊັ້ນ I - ເຊິ່ງແມ່ນລາງວັນອັນສູງສົ່ງເຊິ່ງພັກ, ລັດມອບໃຫ້ຂະແໜງເສນາຮັກຫວຽດນາມ. ກ່າວຄຳເຫັນນະທີ່ນີ້, ທ່ານພົນເອກ ໂງຊວນລິກ ລັດຖະມົນຕີວ່າການກະຊວງປ້ອງກັນປະເທດໄດ້ຍ້ອງຍໍຊົມເຊີຍຜົນງານທີ່ພົ້ນເດັ່ນຂອງຂະແໜງເສນາຮັກໃນຕະຫຼອດ 70 ປີຜ່ານມາ. ໃນໄລຍະຈະມາເຖິງ ທ່ານພົນເອກ ໂງຊວນລິກ ລັດຖະມົນຕີວ່າການກະຊວງປ້ອງກັນປະເທດໃສ່ໃຈວ່າ ຂະແໜງເສນາຮັກ ຄວນສືບຕໍ່ຊາບຊຶມແນວທາງ, ແຜນນະໂຍບາຍ, ທັດສະນະຂອງພັກ, ຄະນະພັກການທະຫານສູນກາງ ກ່ຽວກັບໜ້າທີ່ການທະຫານ-ການປ້ອງກັນຊາດ; ການພັດທະນາຂະແໜງແພດສາດຫວຽດນາມ, ແພດທະຫານ. ພະນັກງານ, ນັກຮົບຂະແໜງເສນາຮັກຄວນສາມັກຄີກັນສູ້ຊົນ, ສືບຕໍ່ເສີມຂະຫຍາຍນ້ຳໃຈເປັນເຈົ້າການ, ມີຫົວຄິດປະດິດສ້າງ, ເພີ່ມທະວີຄວາມສາມາດຮັບປະກັນໃຫ້ເສນາຮັກ ຮັບໃຊ້ໜ້າທີ່ກຽມພ້ອມສູ້ຮົບ.