ການເຄື່ອນໄຫວຂອງຄະນະຜູ້ແທນພັກກອມມູນິດຫວຽດນາມຢູ່ລາວ
ໝີບີງນັກຂ່າວ VOV ປະຈຳລາວ -
(ກອງປະຊຸມສຳມະນາທິດສະດີຄັ້ງທີ 4 ລະຫວ່າງ
ພັກກອມມູນິດຫວຽດນາມ ແລະ ພັກປະຊາຊົນປະຕິວັດລາວ)
(vovworld)- ວັນທີ28/10, ຢູ່ ນະຄອນຫລວງວຽງຈັນ, ລາວ ສືບຕໍ່ດຳເນີນກອງປະຊຸມສຳມະນາທິດສະດີຄັ້ງທີ 4 ລະຫວ່າງພັກກອມມູນິດຫວຽດນາມ ແລະ ພັກປະຊາຊົນປະຕິວັດລາວ. ນີ້ແມ່ນກອງປະຊຸມສຳມະນາມີຄວາມໝາຍສຳຄັນ ຊື່ງດຳເນີນໃນສະພາບສອງພັກຫາກໍຈັດຕັ້ງກອງປະຊຸມໃຫຍ່ທົ່ວປະເທດສຳເລັດຜົນ ແລະ ພວມຕັ້ງຫນ້າຜັນຂະຫຍາຍມະຕິກອງປະຊຸມໃຫຍ່ຂອງແຕ່ລະປະເທດ, ແມ່ນໂອກາດເພື່ອໃຫ້ສອງຝ່າຍແລກປ່ຽນບາງບັນຫາທິດສະດີ ແລະ ພຶດຕິກຳກ່ຽວກັບການເຊື່ອມໂຍງເຂົ້າກັບສາກົນໃນວິວັດການຍູ້ແຮງກິດຈະການປ່ຽນແປງໃຫມ່ຢູ່ຫວຽດນາມ ແລະ ລາວ. ທີ່ກອງປະຊຸມສຳມະນາ, ບັນດາຜູ້ແທນໄດ້ເປັນເອກະພາບຖືວ່າ ຜ່ານ 30 ປີປະຕິບັດການປ່ຽນແປງໃຫມ່, ສອງພັກ, ສອງລັດ ຍາດໄດ້ໄຊຊະນະອັນໃຫຍ່ຫລວງຫລາຍຢ່າງ, ມີຄວາມໝາຍປະຫວັດສາດໃນສະພາບເຊື່ອມໂຍງເຂົ້າກັບສາກົນ. ບັນດາຜູ້ແທນຂອງສອງພັກໄດ້ສະເຫນີບົດປະກອບຄຳເຫັນ ແລະ ແລກປ່ຽນກ່ຽວກັບບັນດາບັນຫາຫລັກແຫລ່ງແກ່ນສານກ່ຽວກັບການເຊື່ອມໂຍງເຂົ້າກັບສາກົນ. ໝາກຜົນຂອງກອງປະຊຸມສຳມະນາ ແມ່ນພື້ນຖານສຳຄັນຊ່ວຍໃຫ້ບັນດາອົງການຄົ້ນຄ້ວາທິດສະດີຂອງຫວຽດນາມ ແລະ ລາວແບ່ງປັນຂໍ້ມູນຂ່າວ ແລະ ບົດຮຽນ ປະກອບສ່ວນເສນາທິການໃຫ້ແກ່ສອງພັກ ໃນການວາງແນວທາງນະໂຍບາຍກໍຄືການຊີ້ນຳໃນພຶດຕິກຳກ່ຽວກັບການເຊື່ອມໂຍງເຂົ້າກັບສາກົນ.
ຫມີບີງ,ນັກຂ່າວ VOV ປະຈສປປລາວ
ໝີບີງນັກຂ່າວ VOV ປະຈຳລາວ