(ພາບ: VGP/Quang Hiếu)

ມີຜູູ້ຕາງໜ້າວິສາຫະກິດປະມານ 50 ແຫ່ງ ພ້ອມກັບນັກປັນຍາຊົນດີເດັ່ນ, ການນຳບາງກະຊວງ, ຂະແໜງການ ໄດ້ເຂົ້າຮ່ວມ “ການໂອ້ລົມສົນທະນາປີ 2045”.

  ປະຈຸບັນ, ຫວຽດນາມ ມີວິສາຫະກິດກ່ວາ 800.000 ແຫ່ງພວມເຄື່ອນໄຫວ, ສ່ວນຫຼາຍແມ່ນບັນດາວິສາຫະກິດຂະໜາດກາງ ແລະ ນ້ອຍ. ພາກເສດຖະກິດນອກລັດມີບົດບາດສຳຄັນທີ່ສຸດ, ປະກອບສ່ວນປະມານ 42% GDP ແລະ ສ້າງວຽກເຮັດງານທຳກ່ວາ 50% ໃຫ້ແກ່ສັງຄົມ.

 ຫວຽດນາມ ມີຜູ້ມີລະດັບຄວາມຮູູ້ຂັ້ນວິທະຍາໄລ, ມະຫາວິທະຍາໄລປະມານ 7 ລ້ານຄົນ. ນອກຈາກນັກປັນຍາຊົນຢູ່ພາຍໃນປະເທດແລ້ວ, ຍັງມີນັກປັນຍາຊົນທີ່ເປັນຊາວຫວຽດນາມ ອາໄສຢູ່ຕ່າງປະເທດປະມານກ່ວາ 400.000 ຄົນ, ໃນນັ້ນມີປະລິນຍາເອກກ່ວາ 6000 ຄົນ ແລະ ນັກປັນຍາຊົນທີ່ມີຊື່ງສຽງນັບຮ້ອຍຄົນ ພວມດຳລົງຊີວິດຢູ່ເກືອບ 100 ປະເທດ ແລະ ເຂດດິນແດນໃນໂລກ.

   ການພົບປະມື້ນີ້ລະຫວ່າງ ທ່ານນາຍົກລັດຖະມົນຕີຫວຽດນາມ ຫງວຽນຊັນຟຸກ ກັບຜູ້ຕາງໜ້ານັກທຸລະກິດດີເດັ່ນຫຼາຍຄົນ, ນັກຮຽນຮູ້ຫຼາຍທ່ານຂອງຫວຽດນາມ ເພື່ອແນໃສ່ຮັບຟັງ, ປຶກສາຫາລືກ່ຽວກັບບັນດາຂໍ້ລິເລີ່ມ ຫຼືປະສົບການຂອງບັນດານັກທຸລະກິດປະສົບຜົນສຳເລັດ, ບັນດານັກຮຽນຮູ້ມີຄວາມຮູ້ຮອບຕົວເລິກເຊິ່ງ ດ້ວຍເປົ້າໝາຍຫຼັກແຫຼ່ງແມ່ນ “ນຳຫວຽດນາມ ກາຍເປັນປະເທດພັດທະນາຢ່າງວັດທະນະຖາວອນໃນປີ 2045” ພ້ອມທັງຮັບຟັງບັນດາມາດຕະການ ເພື່ອຊຸກຍູ້ວິວັດການຟື້ນຟູເສດຖະກິດຂອງປະເທດຊາດໂດຍໄວ ໃນສະພາບການໂລກລະບາດພວມຄຸກຄາມໃນທົ່ວໂລກ ກໍ່ຄືນຳໃຊ້ກາລະໂອກາດເພື່ອພັດທະນາປະເທດຊາດຢ່າງວ່ອງໄວ ແລະ ໝັ້ນຄົງກ່ວາອີກ.