(vovworld) – ງານວາງສະແດງໄດ້ຮັບການຈັດຕັ້ງຢູ່ຫໍພິພິດທະພັນ ໂຮ່ຈີມິນ ຢູ່ນະຄອນຫຼວງ ຮ່າໂນ້ຍ, ແຕ່ວັນທີ 31/3 ຫາວັນທີ 24/4. ງານວາງສະແດງປະກອບດ້ວຍ 124 ກິດຈະການ, ມາດຕະການດີເດັ່ນທີ່ໄດ້ຮັບການເລືອກເຟັ້ນຈາກນັບພັນກິດຈະການ, ມາດຕະການທີ່ຂຶ້ນກັບບັນດາຂົງເຂດເຕັກໂນໂລຢີຂໍ້ມູນຂ່າວສານ, ເອເລັກໂຕນິກ, ໂທລະຄົມ, ກໍ່ສ້າງ, ຄົມມະນາຄົມຂົນສົ່ງ, ວັດສະດຸ, ເຄມີ...
ລາງວັນປະດິດສ້າງວິທະຍາສາດຕັກໂນໂລຢີ ຫວຽດນາມ ໄດ້ດຶງດູດການເຂົ້າຮ່ວມເປັນຈຳນວນຫຼວງຫຼາຍຂອງນັກວິທະຍາສາດ ແລະ ເຕັກໂນໂລຢີ ທີ່ພວມເຮັດວຽກໃນບັນດາສະຖາບັນຄົ້ນຄ້ວາ, ມະຫາວິທະຍາໄລ, ບັນດາວິສາຫະກິດຢ່າງຕັ້ງໜ້າ, ປະກອບສ່ວນສົ່ງເສີມ, ເຊີດຊູບັນດານັກວິທະຍາສາດທີ່ມີຜົນງານດີເດັ່ນໃນວຽກງານຄົ້ນຄ້ວາ ແລະ ຜັນຂະຫຍາຍ.