ຈີນຈັດການປະຊຸມຂ່າວຕູ່ຫາຫວຽດນາມຢ່າງເປີດແປນ
ກຳ່ປັ່ນຂອງ ຈີນ ສີດນ້ຳໃສ່ກຳ່ປັ່ນຂອງຫວຽດນາມ
(ພາບປະກອບ)
(vovworld) - ແຕ່ວັນທີ 13/6, ພາຍຫຼັງ “ຈັດວາງ“ ຮູບພາບຖ່າຍທຳຈຳນວນໜຶ່ງກ່ຽວກັບອຸບັດເຫດລະຫວ່າງກຳ່ປັ່ນກວດກາການປະມົງຫວຽດນາມ ແລະ ກຳ່ປັ່ນຕຳຫຼວດທະເລຈີນ. ກະຊວງການຕ່າງປະເທດຈີນໄດ້ຈັດການປະຊຸມຂ່າວ ເພື່ອແນໃສ່ຕູ່ຫາຫວຽດນາມ, ພ້ອມທັງແກ້ຕົວໃຫ້ແກ່ການກະທຳທີ່ຜິດກົດໝາຍຂອງຕົນຢູ່ເຂດເສດຖະກິດຈຳເພາະ ແລະໄຫຼ່ທະວີບຂອງຫວຽດນາມ. ທີ່ການປະຊຸມຂ່າວ, ຮອງຫົວໜ້າກົມຊາຍແດນທະເລໝູ່ເກາະ, ກະຊວງການຕ່າງປະເທດຈີນອີແຊນແຫຼນໄດ້ກ່າວຫາຫວຽດນາມ ໃຊ້ກຳ່ປັ່ນຫຼາຍລຳ, ໃນນັ້ນມີກຳ່ປັ່ນທະຫານກໍ່ຄວາມຫຍຸ້ງຍາກໃຫ້ແກ່ການເຄື່ອນໄຫວຂອງຮ້ານເຈາະນຳ້ມັນໄຮຢາງ 981, ແລະ ຕຳໃສ່ກຳ່ປັ່ນຂອງຈີນ, ສົ່ງຜົນສະທ້ອນບໍ່ດີເຖິງ ຊີວິດອີນຊີ ແລະ ກຳ່ປັ່ນຂອງຈີນ. ເມື່ອນັກຂ່າວຖາມວ່າ ບັນດາຮູບພາບສະແດງໃຫ້ເຫັນກຳ່ປັ່ນຂອງຈີນຖືກຕຳ່ໃສ່ນັ້ນ ລ້ວນແຕ່ປະກົດຢູ່ຫົວກໍ່ປັ່ນ, ສິ່ງດັ່ງກ່າວໝາຍຄວາມວ່າກຳ່ປັ່ນຂອງຈີນຕຳ່ໃສ່ກຳ່ປັ່ນຂອງຫວຽດນາມ, ຫາກບໍ່ແມ່ນກຳ່ປັ່ນຫວຽດນາມຕຳ່ໃສ່ກຳ່ປັ່ນຂອງຈີນ. ທ່ານອີແຊນແຫຼນ ໄດ້ອະທິບາຍວ່າ, ຍ້ອນຟອງທະເລພັດແຮງ, ກຳ່ປ່ັນບໍ່ສາມາດຢືນຄົງຕົວໄດ້, ດັ່ງນັ້ນຈຶ່ງຖືກກຳ່ປັ່ນຫວຽດນາມຕຳ່ໃສ່ຫົວ. ທ່ານຜູ້ນີ້ຍັງເວົ້າວ່າ ຈີນບໍ່ຈັດສົ່ງກຳ່ປັ່ນທະຫານທີ່ປະກອບອາວຸດທັນສະໄໝເຂົ້າຮ່ວມການປົກປັກຮັກສາ ຮ້ານເຈາະນຳ້ມັນໄຮຢາງ 981, ຫາກພຽງແຕ່ໄປຜ່ານເຂດນີ້ “ໂດຍບັງເອີນ“ ເທົ່ານັ້ນ. ທີ່ການປະຊຸມຂ່າວ, ບັນດາຄຳຖາມຂອງນັກຂ່າວຊື່ມວນຊົນຈີນ ແລະ ຄຳຕອບຂອງ ຮອງຫົວໜ້າກົມຊາຍແດນທະເລໝູ່ເກາະຈີນອີແຊນແຫຼນ ລ້ວນແຕ່ໄດ້ຮັບການກະກຽມກ່ອນຢ່າງຮຽບຮ້ອຍ. ທ່ານອີແຊນແຫຼນ ຍັງໃຫ້ຮູ້ວ່າຈີນຫວັງວ່າຫວຽດນາມຈະບໍ່ນຳເຫດການນີ້ອອກສານ ຫຼື ຕຸລາການສາກົນແກ້ໄຂ, ຫາກຫວັງວ່າບັນຫານີ້ຈະໄດ້ຮັບການແກ້ໄຂ ຜ່ານການເຈລະຈາສອງຝ່າຍ.