ຈີນຕັ້ງຮ້ານເຈາະນ້ຳມັນໄຮຢາງ-981ແມ່ນຜິດກົດໝາຍສາກົນ
ການໂອ້ລົມສົນທະນາກ່ຽວກັບ “ເລື່ອງ ຈີນ ຕັ້ງຮ້ານເຈາະນ້ຳມັນຜິດກົດໝາຍຢູ່ເຂດທະເລ ຫວຽດນາມ ພາຍໃຕ້ແງ່ມູມຂອງກົດໝາຍສາກົນ”
(vovworld) – ຕອນເຊົ້າວັນທີ 20/5, ມະຫາວິທະຍາໄລ ກົດໝາຍ ຮ່າໂນ້ຍ ໄດ້ຈັດຕັ້ງການໂອ້ລົມສົນທະນາກ່ຽວກັບ “ເລື່ອງ ຈີນ ຕັ້ງຮ້ານເຈາະນ້ຳມັນຜິດກົດໝາຍຢູ່ເຂດທະເລ ຫວຽດນາມ ພາຍໃຕ້ແງ່ມູມຂອງກົດໝາຍສາກົນ”. ທີ່ການໂອ້ລົມສົນທະນາ, ບັນດານັກຮຽນຮູ້, ນັກຊ່ຽວຊານຄົ້ນຄ້ວາວິທະຍາສາດກ່ຽວກັບທະເລ ແລະ ໝູ່ເກາະຢັ້ງຢືນວ່າເລື່ອງຕັ້ງຮ້າຍເຈາະນ້ຳມັນ ໄຮຢາງ 981ແມ່ນການກະທຳລະເມີດສິດອະທິປະໄຕ ແລະ ສິດອຳນາດສານຂອງຫວຽດນາມ ຕາມສົນທິສັນຍາກົດໝາຍວ່າດ້ວຍທະເລປີ 1982 ແລະ ຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງຮ້າຍແຮງ. ດຣ ຫງວຽນບ໋າຢ໋ຽນ, ປະທານສະຖາບັນຄົ້ນຄ້ວາວິທະຍາສາດທະເລ ແລະ ໝູ່ເກາະ, ຜູ້ອຳນວຍການສູນກົດໝາຍວ່າດ້ວຍທະເລ ແລະ ການເດີນທະເລສາກົນ ສັງກັດ ພະແນກກົດໝາຍ, ມະຫາວິທະຍາໄລແຫ່ງຊາດ ຮ່າໂນ້ຍ, ຢືນຢັນວ່າ:
“ຕາມ 7 ຫຼັກການໃຫຍ່ທີ່ ສປຊ ຮັບຮອງເອົາເມື່ອປີ 1970 - ຖະແຫຼງການກ່ຽວກັບບັນດາຫຼັກການພື້ນຖານຂອງກົດໝາຍສາກົນ, ແລ້ວ ຈີນ ພວມລະເມີດ ແລະ ພິເສດຕາມຫຼັກການ, ຈຸດໝາຍກ່ຽວກັບກົດໝາຍວ່າດ້ວຍທະເລປີ 1982, ແລ້ວໃນຖານະເປັນສະມາຊິກປະຈຳການຂອງສະພາຄວາມໝັ້ນຄົງ ແລະ ເຂົ້າຮ່ວມສົນທິສັນຍານີ້, ຈີນ ຜູ້ຕ້ອງປະຕິບັດກົດໝາຍນີ້ແຕ່, ເຖິງຢ່າງໃດກໍ່ຕາມ, ຈີນ ນັບມື້ນັບລະເມີດຢ່າງຮ້າຍແຮງ.”
ສ່ວນ ດຣ ເລກູ໋ວກິ່ງ, ນັກວິຊາການຂັ້ນສູງຄົ້ນຄ້ວາກົດໝາຍວ່າດ້ວຍທະເລ, ຖືວ່າ:
“ໃນການປະຊຸມຂ່າວມໍ່ໆມານີ້, ກະຊວງການຕ່າງປະເທດຂອງ ຈີນ ໄດ້ຍົກອອກຂໍ້ສະເໜີໄຮ້ເຫດຜົນ, ຮຽກຮ້ອງໃຫ້ ຫວຽດນາມ ຖອນກຳປັ່ນທັງໝົດຂອງຕົນອອກຈາກເຂດທີ່ ຈີນ ພວມຕັ້ງຮ້ານເຈາະນ້ຳມັນຢ່າງຜິດກົດໝາຍ ຈຶ່ງເຂົ້າຮ່ວມການເຈລະຈາ. ສິ່ງດັ່ງກ່າວສະແດງໃຫ້ເຫັນວ່າ ຈີນ ພວມຕັ້ງໃຈຖືການກະທຳສົມເຫດສົມຜົນຂອງ ຫວຽດນາມ ແມ່ນການກະທຳລະເມີດສິດ, ອະທິປະໄຕແຫ່ງຊາດ ແລະ ສິດອຳນາດສານ”