ທ່ານປະທານປະເທດເຈືອງເຕີນຊາງເຂົ້າຮ່ວມກອງປະຊຸມສຸດຍອດກ່ຽວກັບການເຄື່ອນໄຫວສັນຕິພາບ
ທ່ານປະທານປະເທດເຈືອງເຕີນຊາງ
|
(vovworld)- ຕອນບ່າຍວັນທີ 28/9, ກ່າວຄຳເຫັນທີ່ກອງປະຊຸດສຸດຍອດ ກ່ຽວກັບການເຄື່ອນໄຫວຮັກສາສັນຕິພາບ ດຳເນີນຢູ່ ນິວຢອກ, ທ່ານປະທານປະເທດເຈືອງເຕີນຊາງ ໄດ້ເນັ້ນຫນັກວ່າ: ຫວຽດນາມ ເຂົ້າຮ່ວມກອງປະຊຸມໃນຖານະແມ່ນປະເທດໄດ້ປະກອບກຳລັງໃຫ້ການເຄື່ອນໄຫວຮັກສາສັນຕິພາບ ສປຊ ແຕ່ປີ 2014 ແລະ ຫວຽດນາມ ຈະສືບຕໍ່ສົ່ງທະຫານ ໂຮງໝໍກາງສະຫນາມຊັ້ນ 2, ກອງຊ່າງແສງ ແລະ ສືບຕໍ່ສົ່ງນາຍທະຫານຕິດຕໍ່ສື່ສານ, ນາຍທະຫານເສນາທິການ ເຂົ້າຮ່ວມບັນດາການເຄື່ອນໄຫວຮັກສາສັນຕິພາບຂອງ ສປຊ. ເພື່ອຜັນຂະຫຍາຍບັນດາການເຄື່ອນໄຫວຮັກສາສັນຕິພາບ ຂອງ ສປຊ ໃນໄລຍະຈະມາເຖິງສຳເລັດຜົນ, ທ່ານປະທານປະເທດ ເຈືອງເຕີນຊາງ ສະເຫນີ ສປຊ ຄວນຮັກສາບັນດາຫລັກການເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ, ເປັນກາງ, ບໍ່ແຊກແຊງເຂົ້າວຽກງານພາຍໃນຂອງບັນດາປະເທດ ແລະ ຕ້ອງຮັບຄວາມຮັບຮູ້ຈາກບັນດາປະເທດກ່ຽວຂ້ອງ, ສືບຕໍ່ປັບປຸງບັນດາຂັ້ນຕອນ ເພື່ອຍົກສູງຄວາມສາມາດຜັນຂະຫຍາຍ ແລະ ຮັບມືຢ່າງທັນການ, ມີມາດຕະການຮັບປະກັນຄວາມປອດໄພໃຫ້ບັນດາກຳລັງຮັກສາສັນຕິພາບ.