ທ່ານປະທານປະເທດ ຫວຽດນາມ ຫງວຽນຊວັນຟຸກ ເປັນປະທານພິທີຕ້ອນຮັບທ່ານນາງ ປະທານາທິບໍດີ ເກຼັກ Katerina Sakellaropoulou ຢ່າງສົມກຽດ

ໂດຍໄດ້ຮັບຄຳເຊື້ອເຊີນຂອງທ່ານປະທານປະເທດ ຫວຽດນາມ ຫງວຽນຊວັນຟຸກ, ທ່ານນາງປະທານາທິບໍດີ ເກຼັກ Katerina Sakellaropoulou ໄດ້ໄປຢ້ຽມຢາມ ຫວຽດນາມ ຢ່າງເປັນທາງການ ໃນລະຫວ່າງວັນທີ 15 ຫາວັນທີ 19 ພຶດສະພາ 2022. ຕອນເຊົ້າວັນທີ 16 ພຶດສະພາ, ຢູ່ທຳນຽບປະທານປະເທດ, ທ່ານປະທານປະເທດ ຫວຽດນາມ ຫງວຽນຊວັນຟຸກ ໄດ້ເປັນປະທານພິທີຕ້ອນຮັບທ່ານນາງ ປະທານາທິບໍດີ ເກຼັກ Katerina Sakellaropoulou ຢ່າງສົມກຽດ.

        ພາຍຫຼັງພິທີຕ້ອນຮັບ, ທ່ານປະທານປະເທດ ຫວຽດນາມ ຫງວຽນຊວັນຟຸກ ແລະ ທ່ານນາງ ປະທານາທິບໍດີ ເກຼັກ Katerina Sakellaropoulou ໄດ້ນຳໜ້າຄະນະຜູ້ແທນຂັ້ນສູງສອງປະເທດດຳເນີນການພົບປະສົນທະນາ.

        ຕາມລາຍການຂອງການຢ້ຽມຢາມຄັ້ງນີ້, ທ່ານນາງປະທານາທິບໍດີ ເກຼັກ Katerina Sakellaropoulou ຈະມີການພົບປະສົນທະນາສຳຄັນກັບທ່ານປະທານປະເທດ ຫວຽດນາມ ຫງວຽນຊວັນຟຸກ; ເຂົ້າຢ້ຽມຂ່ຳນັບທ່ານເລຂາທິການໃຫຍ່ ຄະນະບໍລິຫານງານສູນກາງພັກ ກອມມູນິດ ຫວຽດນາມ ຫງວຽນຝູຈ້ອງ ແລະ ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້. ທ່ານນາງ ປະທານາທິບໍດີ ເກຼັກ Katerina Sakellaropoulou ກໍຈະໄປຢ້ຽມຢາມສະຖານທີ່ທ່ອງທ່ຽວ, ວັດທະນະທຳ ບາງແຫ່ງຢູ່ ຮ່າໂນ້ຍ; ພົບປະກັບການນຳນະຄອນ ໂຮ່ຈີມິນ ແລະ ຢ້ຽມຢາມເຂດເສດຖະກິດ, ສະຖານທີ່ທ່ອງທ່ຽວ, ວັດທະນະທຳຈຳນວນ 1 ຢູ່ ນະຄອນ ໂຮ່ຈີມິນ.