ທ່ານປະທານາທິບໍດີ ຢູແກຼນ Volodymir Zelensky (ພາບ: Kyodo/TTXVN)

ວັນທີ 10 ຕຸລາ, ທ່ານປະທານາທິບໍດີ ຢູແກຼນ Volodymir Zelensky ໄດ້ເລີ່ມຕົ້ນການເດີນທາງໄປປະຕິບັດງານໂດຍໄວຢູ່ບັນດາປະເທດ ເອີລົບຫຼັກແຫຼ່ງຄື: ອັງກິດ, ຝລັ່ງ, ອີຕາລີ ແລະ ເຢຍລະມັນ ເພື່ອເລັ່ງປະຕິບັດການໜູນຊ່ວຍ ແລະ ປຶກສາຫາລື “ແຜນການໄຊຊະນະ”, ຄາດວ່າຈະຍົກອອກມາຢູ່ກອງປະຊຸມກ່ຽວກັບສັນຕິພາບໃຫ້ແກ່ ຢູແກຼນຄັ້ງທີສອງທີ່ຈະມາເຖິງ.

ຢູ່ລອນດອນ, ອັງກິດ ເຊິ່ງແມ່ນປະເທດໄປປະຕິບັດງານທຳອິດ, ທ່ານປະທານາທິບໍດີ Volodymir Zelensky ໄດ້ມີການພົບປະເຈລະຈາກັບທ່ານນາຍົກລັດຖະມົນຕີ ອັງກິດ Keir Starmer. ທ່ານປະທານາທິບໍດີ ຢູແກຼນ ປາດຖະໜາຢາກໃຫ້ ຝ່າຍຕາເວັນຕົກ ມອບສົ່ງລູກສອນໄຟໄລຍະໄກ ແລະ ມີ ຫຼາຍການໜູນຊ່ວຍດ້ານການທະຫານຕື່ມອີກ. ສ່ວນທ່ານ Keir Starmer ໄດ້ປະກາດວ່າ ສິ່ງສຳຄັນທີ່ສຸດແມ່ນ ອັງກິດອາດສາມາດສະແດງຄຳໝັ້ນສັນຍາ ຈະໜູນຊ່ວຍຢູແກຼນໃນໄລຍະຍາວ ແລະ ນີ້ແມ່ນໂອກາດເພື່ອໃຫ້ ການນຳສອງທ່ານ ພິຈາລະນະ ແລະ ປຶກສາຫາລືແຜນການຢຸດຕິການປະທະກັນຂອງ ຢູແກຼນ ຢ່າງລະອຽດກ່ວາອີກ.

ຕໍ່ຈາກນັ້ນ, ໃນຕອນບ່າຍວັນດຽວກັນ, ຢູ່ນະຄອນຫຼວງປາຣີ, ທ່ານປະທານາທິບໍດີ ຢູແກຼນ Volodymir Zelensky ເນັ້ນໜັກວ່າ “ຢູແກຼນ ພຽງແຕ່ເຈລະຈາເມື່ອບັນລຸໄດ້ທ່າໄດ້ປຽບບົນສະໜາມຮົບ” ແລະ ເລັ່ງຝລັ່ງ ພ້ອມກັບສຳພັນທະມິດຝ່າຍຕາເວັນຕົກ ສະໜອງບັນດາບ້ວງໜູນຊ່ວຍໂດຍໄວ ກ່ອນະດູໜາວວຽນມາໃນໄລຍະຈະມາເຖິງ. ສ່ວນທ່ານປະທານາທິບໍດີ ຝລັ່ງ Emmanuel Macron ໄດ້ຮັບປະກັນວ່າ ຝລັ່ງຈະຮັກສາການໜູນຊ່ວຍຕາມບັນດາຄຳໝັ້ນສັນຍາທີ່ໄດ້ຍົກອອກມາ.

ພາຍຫຼັງເດີນທາງອອກຈາກຝລັ່ງ, ໃນວັນດຽວກັນທ່ານປະທານາທິບໍດີ ຢູແກຼນ ໄດ້ມາຮອດນະຄອນຫຼວງ Roma ຂອງອີຕາລີ ແລະ ຈະມີການເຄື່ອນໄຫວຢູ່ປະເທດສຸດທ້າຍໃນການເດີນທາງໄປປະຕິບັດງານ ແມ່ນເຢຍລະມັນ ໃນວັນທີ 11 ຕຸລາ.