ທ່ານເລຂາທິການໃຫຍ່ ໂຕເລິມ: ການຫັນເປັນດີຈີຕອນ ບໍ່ພຽງແຕ່ໂອກາດ ຫາກແມ່ນຄວາມຮັບຜິດຊອບຂອງແຕ່ລະວິສາຫະກິດ
(VOVWORLD) - ວັນທີ 15 ມັງກອນ, ຢູ່ຮ່າໂນ້ຍ, ກະຊວງຖະແຫຼງຂ່າວ ແລະ ການສື່ສານ ຫວຽດນາມ ໄດ້ເປັນເຈົ້າພາບຈັດເວທີປາໄສແຫ່ງຊາດປະຈຳປີ ກ່ຽວກັບການພັດທະນາວິສາຫະກິດເຕັກໂນໂລຢີດີຈີຕອນ ຫວຽດນາມ ຄັ້ງທີ VI ດ້ວຍຫົວຂໍ້ “ເປັນເຈົ້າຂອງເຕັກໂນໂລຢີດີຈີຕອນ, ເປັນເຈົ້າຂອງວິວັດທະນາການຫັນເປັນດີຈີຕອນ ຫວຽດນາມ ດ້ວຍວິສາຫະກິດເຕັກໂນໂລຢີດີຈີຕອນ ຫວຽດນາມ”.
 ທ່ານເລຂາທິການໃຫຍ່ ໂຕເລິມ (ພາບ: VOV) |
ກ່າວຄຳເຫັນໃນເວທີປາໄສ, ທ່ານເລຂາທິການໃຫຍ່ ໂຕເລິມ ໄດ້ຍົກໃຫ້ເຫັນບັນດາຂໍ້ຈຳກັດທີ່ຕ້ອງແກ້ໄຂເພື່ອຮັບປະກັນການພັດທະນາຢ່າງໝັ້ນຄົງເຂັ້ມແຂງຂອງເຕັກໂນໂລຢີດີຈີຕອນ ແລະ ວິສາຫະກິດເຕັກໂນໂລຢີດີຈີຕອນແຫ່ງຊາດ. ທ່ານເລຂາທິການໃຫຍ່ກໍຮຽກຮ້ອງ, ສ້າງຕັ້ງ ແລະ ພັດທະນາບັນດາຂົງເຂດເສດຖະກິດດີຈີຕອນຄື ລັດຖະບານດີຈີຕອນ, ເສດຖະກິດດີຈີຕອນ ແລະ ສັງຄົມດີຈີຕອນເທື່ອລະກ້າວ.
“ຍົກສູງກຳລັງຄວາມສາມາດ ແລະ ທີ່ຕັ້ງແກ້ງແຍ້ງທົ່ວໂລກ. ສູ້ຊົນເພື່ອກາຍເປັນສູນອຸດສາຫະກຳເຕັກໂນໂລຢີດີຈີຕອນຂອງພາກພື້ນ ແລະ ໃນໂລກ ຮອດປີ 2030 ນຳ ຫວຽດນາມ ນອນໃນ Top 3 ປະເທດນຳໜ້າ ອາຊີຕາເວັນອອກສ່ຽງໃຕ້ ກ່ຽວກັບການຄົ້ນຄວ້າ ແລະ ພັດທະນາເຕັກໂນໂລຢີດີຈີຕອນ, ພ້ອມທັງສ້າງວິສາຫະກິດເຕັກໂນໂລຢີດີຈີຕອນຂະໜາດໃຫຍ່ ຢ່າງໜ້ອຍສຸດ 5 ແຫ່ງ ທີ່ມີຄວາມສາມາດແກ້ງແຍ້ງລະດັບສາກົນ”.