ບັນດາກະຊວງ,ຂະແຫນງການສະເຫນີນະໂຍບາຍຫນູນຊ່ວຍຊາວປະມົງ,ມາດຕະການແກ້ໄຊມົນລະພິດສິ່ງແວດລ້ອມທະເລ
ທ່ານນາຍົກລັດຖະມົນຕີ ຫງວຽນຊວນຟຸກ ກ່າວຄຳເຫັນທີ່ກອງປະຊຸມ
ພາບ:kinhtedothi
|
(vovworld)- ສືບຕໍ່ເປັນປະທານກອງປະຊຸມປະຈຳເດືອນ 6 ກັບ ບັນດາທ້ອງຖິ່ນ ທາງເຄືອຂ່າຍອິນເຕີແນດ, ຕອນເຊົ້າວັນທີ 1/7, ທ່ານນາຍົກລັດຖະມົນຕີ ຫງວຽນຊວນຟຸກ ຮຽກຮ້ອງບັນດາກະຊວງ, ຂະແຫນງການສະເຫນີນະໂຍບາຍຫນູນຊ່ວຍຊາວປະມົງ, ມາດຕະການແກ້ໄຂສະພາບມົນລະມິດສິ່ງແວດລ້ອມທະເລເພື່ອນຳໃຊ້ຈຳນວນເງິນຊົດເຊີຍ 11.500 ຕື້ດົງຈາກ Formora ຢ່າງມີປະສິດທິຜົນ. ຕາມນັ້ນແລ້ວ, ທ່ານນາຍົກລັດຖະມົນຕີ ໄດ້ມອບໃຫ້ກະຊວງກະສິກຳ ແລະ ພັດທະນາຊົນນະບົດ ໄດ້ສົມທົບກັບບັນດາກະຊວງກ່ຽວຂ້ອງ, ສ້າງຮ່າງນະໂຍບາຍຫນູນຊ່ວຍຊາວປະມົງ, ໃນນັ້ນ ຫນູນຊ່ວຍການຜະລິດ, ຫນູນຊ່ວຍເພື່ອໃຫ້ລາຍການຫາປາຢູ່ໄກຝັ່ງດີກວ່າ, ຫນູນຊ່ວຍໂດຍກົງໃຫ້ຊາວປະມົງຢູ່ເຂດທີ່ຖືກເສຍຫາຍຈາກປາຕາຍຢ່າງມີປະສິດທິຜົນ. ຄຽງຄູ່ກັນນັ້ນ ທ່ານນາຍົກລັດຖະມົນຕີ ສະເຫນີ ກະຊວງຊັບພະຍາກອນ ແລະ ສິ່ງແວດລ້ອມ ເປັນເຈົ້າການໃນການສະເຫນີສ້າງກອງທຶນສິ່ງແວດລ້ອມເພື່ອແກ້ໄຂສະພາບມົນລະພິດສິ່ງແວດລ້ອມຍ້ອນທາດເສດເຫລືອຂອງ Formosa.
“ບໍ່ແມ່ນເພື່ອດ້ານເສດຖະກິດ ພວກເຮົາບໍ່ສົນໃຈເຖິງສິ່ງແວດລ້ອມໃນການພັດທະນາ, ເປັນຕົ້ນແມ່ນ ບາງໂຄງການຊື່ງປະຈຸບັນ ປະຊາຊົນພວມມີຄວາມບໍ່ພໍໃຈ, ໃນນັ້ນ ມີໂຄງການ ຊົງເຫົ້າ - ເຫົ້າຢາງ, ຕ້ອງກວດກາຢ່າງເຂັ້ມງວດ, ບໍ່ກໍ່ຜົນສະທ້ອນເຖິງຊີວິດການເປັນຢູ່ຂອງປະຊາຊົນ.”
ແລະກໍໃນຕອນເຊົ້າວັນດຽວກັນ, ບັນດາທ້ອງຖິ່ນໄດ້ສືບຕໍ່ປຶກສາຫາລືກ່ຽວກັບສະພາບການປະຕິບັດຫນ້າທີ່ເສດຖະກິດສັງຄົມໃນ 6 ເດືອນຕົ້ນປີ, ບັນດາມາດຕະການແກ້ໄຂນັບແຕ່ນີ້ຮອດທ້າຍປີ.