ບັນດານັກການທູດແມ່ນແຫຼ່ງສະໜອງຂໍ້ມູນຂ່າວຊັດເຈນທີ່ສຸດກ່ຽວກັບເຂດໄຕງວຽນ
ແຂວງ ດັກລັກ
(ພາບປະກອບ)
(vovworld) – ທີ່ການພົບປະໃນວັນທີ 1/7, ຢູ່ນະຄອນ ບວນມາທວດ, ແຂວງ ດັກລັກ, ທ່ານ ຈ້ຽວຊວນຮ່ວາ, ຮອງຫົວໜ້າຄະນະຊີ້ນຳເຂດໄຕງວຽນ, ໃຫ້ຮູ້ວ່າ: ໃນຊຸມປີຜ່ານມາ, ໂດຍໄດ້ຮັບຄວາມເອົາໃຈໃສ່ຈາກພັກ ແລະ ລັດ ສະພາບການເມືອງຢູ່ເຂດ ໄຕງວຽນ ຍາມໃດກໍ່ມີສະຖຽນລະພາບ, ເສດຖະກິດ - ສັງຄົມພັດທະນາເທື່ອລະກ້າວ, ຊີວິດການເປັນຢູ່ຂອງປະຊາຊົນ, ພິເສດແມ່ນພໍ່ແມ່ປະຊາຊົນຊົນຊົນເຜົ່າສ່ວນໜ້ອຍໄດ້ຮັບການຍົກສູງຂຶ້ນຢ່າງບໍ່ຢຸດຢັ້ງ. ທີ່ການເຮັດວຽກ, ຄະນະຊີ້ນຳເຂດ ໄຕງວຽນ ກໍ່ສະເໜີກັບຄະນະປະຕິບັດງານກະຊວງການຕ່າງປະເທດ, ຜູ້ຕາງໜ້າຊາວ ຫວຽດນາມ ອາໄສຢູ່ຕ່າງປະເທດ, ບາງບັນຫາທີ່ກ່ຽວຂ້ອງເຖິງວຽກງານການຕ່າງປະເທດຄື: ບັນດາຂໍ້ມູນຂ່າວສານກ່ຽວກັບສະພາບການຢູ່ເຂດ ໄຕງວຽນ ຢູ່ຕ່າງປະເທດ, ການຊອກຫາຕະຫຼາດ, ການໜູນຊ່ວຍສົ່ງເສີມການລົງທຶນດ້ານການຄ້າໃຫ້ແກ່ເຂດໄຕງວຽນ, ວຽກງານເພີ່ມທະວີການພົວພັນ ແລະ ຍູ້ໄວການປັກຫຼັກໝາຍຊາຍແດນກັບ 2 ປະເທດບ້ານໃກ້ເຮືອນຄຽງແມ່ນ ລາວ ແລະ ກຳປູເຈຍ, ການເຄື່ອນໄຫວຂອງບັນດາອົງການຈັດຕັ້ງຂອງບັນດາອົງການບໍ່ຂຶ້ນກັບລັດຖະບານຢູ່ເຂດໄຕງວຽນ. ທ່ານຮອງລັດຖະມົນຕີການຕ່າງປະເທດ ແທກຢື, ຫົວໜ້າຄະນະທຸຕານຸທູດ, ປາດຖະໜາວ່າ: ຄະນະຊີ້ນຳເຂດ ໄຕງວຽນ ແລະ ກະຊວງການຕ່າງປະເທດ ໄດ້ສ້າງຂໍ້ກຳນົດກ່ຽວກັບການສົມທົບກັນ ເພື່ອໃຫ້ 2 ຝ່າຍສະໜອງຂໍ້ມູນຂ່າວຢ່າງວ່ອງໄວ ແລະ ຊັດເຈນທີ່ສຸດເພື່ອໃຫ້ບັນດາເອກອັກຄະລັດທູດຄັດຄ້ານຕໍ່ບັນດາຂໍ້ມູນຂ່າວທີ່ຜິດພາດຂອງບັນດາກຳລັງທີ່ເປັນປໍລະປັກກ່ຽວກັບເຂດ ໄຕງວຽນ, ພິເສດແມ່ນບັນຫາທີ່ກ່ຽວຂ້ອງເຖິງປະຊາທິປະໄຕ ແລະ ສິດທິມະນຸດ. ບັນດາເອກອັກຄະລັດຖະທູດ, ຫົວໜ້າສະຖານກົງສູນທີ່ໃກ້ຈະໄປຮັບໜ້າທີ່ການທູດຢູ່ຕ່າງປະເທດຈະແມ່ນຂົວຕໍ່ເພື່ອສະໜອງຂໍ້ມູນຂ່າວກ່ຽວກັບ ໄຕງວຽນກັບເພື່ອນມິດສາກົນ, ພ້ອມທັງຊອກຫາ, ຊຸກຍູ້ການລົງທຶນເຂົ້າເຂດ ໄຕງວຽນ.