ລາຍການ ບຸນເຕັດ ຫວຽດ - ບຸນເຕັດຕາມຖະໜົນ 2025 ຈະໄຂຂຶ້ນໃນຕອນເຊົ້າວັນທີ 19 ມັງກອນ, ຢູ່ສາລາ ກິມເງິນ (ພາບ: TTXVN)

        ບຸນເຕັດປີມະເສັງ 2025 ພວມໃກ້ຈະວຽນມາແລ້ວ, ຄະນະຄຸ້ມຄອງໜອງ ຮ່ວານກຽມ ແລະ ຖະໜົນເກົ່າ ຮ່າໂນ້ຍ, ຈະຈັດລາຍການ ບຸນເຕັດ ຫວຽດ - ບຸນເຕັດຕາມຖະໜົນ 2025” ດ້ວຍບັນດາການເຄື່ອນໄຫວທີ່ອຸດົມສົມບູນ, ເຂັ້ມຂຸ້ນໄປດ້ວຍສີສັນວັດທະນະທຳທີ່ເປັນມູນເຊື້ອ. ລາຍການໄດ້ໄຂຂຶ້ນໃນຕອນເຊົ້າວັນທີ 19 ມັງກອນ, ຢູ່ສາລາ ກິມເງິນ (ເຮືອນເລກທີ 42 – 44, ຖະໜົນ ຮ່າງບາກ, ຮ່າໂນ້ຍ). ນອກນັ້ນ, ແຕ່ວັນທີ 10 – 16 ມັງກອນ, ຄະນະຄຸ້ມຄອງໜອງ ຮ່ວານກຽມ ແລະ ຖະໜົນເກົ່າ ຮ່າໂນ້ຍ ຍັງວາງສະແດງ, ແນະນຳບັນດາຜະລິດຕະພັນສິລະປະດ້ວຍຫົວຂໍ້ “ສີສັນລະດູບານໃໝ່ປີມະເສັງ 2025” ແລະ ຊຸດສະສົມສັດມົງຄຸນ, ຢູ່ສູນຂໍ້ມູນວັດທະນະທຳ ໂຮ່ເກືອມ (ເຮືອນເລກທີ 2, ຖະໜົນ ລິທາຍໂຕ).

ພິທີໄຂງານບຸນດອກໄມ້ລະດູບານໃໝ່ປີ 2025 (ພາບ: TTXVN)

        ເນື່ອງໃນໂອກາດນີ້, ຕອນຄ່ຳວັນທີ 14 ມັງກອນ, ຢູ່ນະຄອນ ຊາແດັກ (ແຂວງ ດົ່ງທາບ), ຄະນະກຳມະການປະຊາຊົນນະຄອນ ຊາແດັກ ໄດ້ຈັດພິທີໄຂງານບຸນດອກໄມ້ລະດູບານໃໝ່ປີ 2025 ດ້ວຍຫົວຂໍ້: ຊາແດັກ - ສີສັນດອກໄມ້ 4 ລະດູ, ຈັດຂຶ້ນແຕ່ວັນທີ 14 – 21 ມັງກອນ. ໝູ່ບ້້ານດອກໄມ້ ຊາແດັກ ໄດ້ກາຍເປັນໜຶ່ງໃນບັນດາສະຖານທີ່ທ່ອງທ່ຽວດຶງດູດໃຈແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດ, ດ້ວຍແຂກທ່ອງທ່ຽວມາຢ້ຽມຢາມເກືອບ 1 ລ້ານເທື່ອຄົນ/ປີ, ໃນນັ້ນ, ນັກທ່ອງທ່ຽວສາກົນແມ່ນກວ່າ 2.000 ເທື່ອຄົນ.