ປະທານຄະນະກຳມະການສູນກາງແນວໂຮມປະເທດຊາດຫວຽດນາມອວຍພອນປີໃໝ່ບັນດາອະດີດການນຳ
(ທ່ານ ຫງວຽນທ້ຽນເຍີນ, ກຳມະການກົມການເມືອງ
ອວຍພອນປີໃໝ່ທ່ານອະດີດປະທານປະເທດ ເລດຶດແອງ)
(vovworld) – ຕອນບ່າຍວັນທີ 04/02, ທ່ານ ຫງວຽນທ້ຽນເຍີນ, ກຳມະການກົມການເມືອງ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ໄປຢ້ຽມຢາມ ແລະ ອວຍພອນປີໃໝ່ທ່ານອະດີດປະທານປະເທດ ເລດຶດແອງ, ທ່ານອະດີດປະທານປະເທດ ເຈີນດຶກເລືອງ ແລະ ທ່ານອະດີດປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຟ້າມເທີຢວຽດ. ເນື່ອງໃນໂອກາດບຸນເຕັດປີວອກ 2016, ທ່ານ ຫງວຽນທ້ຽນເຍີນ ໄດ້ອວຍພອນປີໃໝ່ບັນດາອະດີດການນຳພັກ, ລັດ, ແນວໂຮມປະເທດຊາດ ແລະ ປາດຖະໜາວ່າ, ບັນດາອະດີດການນຳສືບຕໍ່ມີຄວາມເອົາໃຈໃສ່, ປະກອບພູມປັນຍາໃຫ້ແກ່ວຽກງານແນວໂຮມປະເທດຊາດຫວຽດນາມ ເພື່ອໃຫ້ແນວໂຮມປະເທດຊາດຫວຽດນາມ ນັບມື້ນັບເສີມຂະຫຍາຍບົດບາດຂອງຕົນເປັນຢ່າງດີ, ປະກອບສ່ວນນຳປະເທດພັດທະນາ ແລະ ກ້າວຂຶ້ນຢ່າງໝັ້ນຄົງ. ທ່ານ ຫງວຽນທ້ຽນເຍີນ ກໍຢືນຢັນວ່າ, ໃນໄລຍະຈະມາເຖິງ, ຍາມໃດຫວຽດນາມ ກໍຍົກສູງບົດບາດເຕົ້າໂຮມຄວາມສາມັກຄີທົ່ວປວງຊົນທັງຊາດ, ສະໜອງຂໍ້ມູນຂ່າວໃຫ້ປະຊາຊົນກ່ຽວກັບສະພາບການຂອງປະເທດຊາດ, ສາກົນ ແລະ ມະຕິຂອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກຢ່າງທັນການ, ເພື່ອແນໃສ່ສ້າງຄວາມເຫັນດີເຫັນພ້ອມໃນໝູ່ປະຊາຊົນ, ຮ່ວມແຮງຮ່ວມໃຈສ້າງສາປະເທດຊາດໃຫ້ນັບມື້ນັບຮັ່ງມີ, ສວນງາມ.