ປະທານປະເທດເຈືອງ ເຕິນຊາງຕ້ອນຮັບ ຮອງນາຍົກລັດຖະມົນຕີ ລັດເຊຍ
ທ່ານຮອງນາຍົກລັດຖະມົນຕີ Igor Shuvalov
(ພາບ: ອິນເຕີແນັດ)
(vovworld)- ຕອນບ່າຍວັນທີ 16/10, ທີ່ສຳນັກງານປະທານປະເທດ, ທ່ານ ປະທານປະເທດເຈືອງເຕິນຊາງຕ້ອນຮັບ ທ່ານຮອງນາຍົກລັດຖະມົນຕີ ສະຫະພັນລັດເຊຍ Igor Shuvalov ພວມຢູ່ຢ້ຽມຢາມ ແລະ ເຮັດວຽກຢູ່ຫວຽດນາມ. ນະທີ່ນີ້, ທ່ານຮອງນາຍົກລັດຖະມົນຕີ ສະຫະພັນລັດເຊຍ Igor Shuvalov ໃຫ້ຮູ້ວ່າ: ໃນໄລຍະຜ່ານມາ, ບັນດາອະນຸກຳມະການຂອງຄະນະກຳມະການລະຫວ່າງລັດຖະບານ ໄດ້ຮ່ວມມືກັນຢ່າງແໜ້ນແຟ້ນ ແລະ ມີປະສິດທິຜົນ, ບົນພື້ນຖານເຂົ້າອົກເຂົ້າໃຈຊື່ງກັນ ແລະ ກັນ, ສອງຝ່າຍຈະສົມທົບກັນແກ້ໄຂບັນດາຂໍ້ຕິດຂັດທີ່ບາງໂຄງການ ແລະ ສ້າງຕັ້ງບັນດາໜ່ວຍປະຕິບັດງານລວມກ່ຽວກັບການອອກແຮງງານ, ຍົກຍ້າຍ ປຊຊ ແລະ ກໍ່ສ້າງພື້ນຖານໂຄງລ່າງ…
ທ່ານຮອງນາຍົກລັດຖະມົນຕີ ສະຫະພັນລັດເຊຍ Igor Shuvalov ຖືວ່າ, ປະຈຸບັນ, ການຮ່ວມມືດ້ານເສດຖະກິດການຄ້າ ມີຄວາມຄຶບໜ້າແຕ່ບໍ່ທັນສົມກັບຄວາມສາມາດບົ່ມຊ້ອນ ແລະ ການພົວພັນດ້ານການເມືອງອັນດີງາມລະຫວ່າງສອງປະເທດ. ເລື່ອງຊຸກຍູ້ເພື່ອບັນລຸໄດ້ສັນຍາຮ່ວມມືເສດຖະກິດອາຊີ-ເອີລົບ ຈະແມ່ນພື້ນຖານສຳຄັນ ເພື່ອຊຸກຍູ້ການພົວພັນຮ່ວມມືດ້ານເສດຖະກິດລະຫວ່າງສອງປະເທດ ແລະ ສອງພາກພື້ນ. ສ່ວນທ່ານປະທານປະເທດເຈືອງເຕິນຊາງ ເນັ້ນນັກວ່າ, ການພົວພັນລະຫວ່າງສອງປະເທດບໍ່ມີສິ່ງກີດຂວາງຫຍັງ, ສະນັ້ນຕ້ອງມານະພະຍາຍາມເພື່ອຍົກສູງການຮ່ວມມືດ້ານເສດຖະກິດການຄ້າກ່ວາອີກ ແລະ ຕ້ອງເປີດກ້ວາງການຮ່ວມມືລົງທຶນໃນຂົງເຂດທີ່ສອງຝ່າຍມີທ່າແຮງ.