ທ່ານນາງ Claudia Sheinbaum ປະທານາທາບໍດີເພດຍິງຄົນທຳອິດໃນປະຫວັດສາດ ເມັກຊີໂກ (ພາບ: TTXVN)

ວັນທີ 1 ຕຸລາ, ຕາມເວລາທ້ອງຖິ່ນ, ຢູ່ນະຄອນຫຼວງ ເມັກຊີໂກ, ທ່ານນາງ Claudia Sheinbaum ໄດ້ປະຕິບັດພິທີສະບານຕົວ ຮັບດຳລົງຕຳແໜ່ງປະທານາທິບໍດີ, ກາຍເປັນປະທານາທິບໍດີ ເພດຍິງຄົນທຳອິດໃນປະຫວັດສາດຂອງ ເມັກຊີໂກ ກໍ່ຄືພາກພື້ນ ອາເມລິກາເໜືອ. ເປີດສາກບົດກ່າວປາໄສຢູ່ພິທີຮັບດຳລົງຕຳແໜ່ງດ້ວຍຖານະເປັນປະມຸກລັດ, ທ່ານນາງ Claudia Sheinbaum ປະທານາທິບໍດີ ຊີ້ແຈ້ງວ່າ ທ່ານນາງຈະຮ່ວມເດີນທາງກັບປະຊາຊົນເມັກຊີໂກ ໃນຄວາມມານະພະຍາຍາມຍົກສູງສິດຜົນປະໂຫຍດ ແລະ ຖານະບົດບາດຂອງແມ່ຍິງ, ຜູ້ທີ່ເຄີບເສຍປຽບໃນສັງຄົມ. ນອກຈາກນັ້ນ, ໃນອາຍຸການດຳລົງຕຳແໜ່ງທີ່ແກ່ຍາວຮອດປີ 2030, ທ່ານນາງຈະສຸມໃສ່ບັນດານະໂຍບາຍໜູນຊ່ວຍສັງຄົມ, ລົບລ້າງຄວາມອຶດຫິວຫຼຸດຜ່ອນຄວາມທຸກຍາກ ແລະ ຮັກສາເສດຖະກິດເປັນປົກກະຕິ. ເມື່ອເຕື້ອງເຖິງການລົງທຶນ, ທ່ານນາງ Sheinbaum ຢັ້ງຢືນວ່າ ບັນດາວິສາຫະກິດພາຍໃນປະເທດ ກໍ່ຄື ສາກົນ ມີຄວາມອຸ່ນອຽນໃຈຕໍ່ບັນດາບ້ວງເງິນລົງທຶນຢູ່ ເມັກຊີໂກ.