(vovworld) – ຕອນຄໍ່າວັນທີ 03/08, ພິທີມອບລາງວັນຕຸມດອກບົວຄຳ 2014 ໃຫ້ຮູບເງົາເລື່ອງສັ້ນປະຈຳປີ ດ້ວຍຫົວຂໍ້ວ່າ “ບ່ອນເກີດຄື້ນ” ໄດ້ດຳເນີນຢູ່ຮ່າໂນ້ຍ. ຕຸມດອກບົວຄຳ ແມ່ນລາງວັນສຳລັບຮູບເງົາເລື່ອງສັ້ນທີ່ສະຫງວນໃຫ້ແກ່ນັກຮຽນຂອງໂຄງການ “ພວກເຮົາຖ່າຍທຳຮູບເງົາ”, ເຊິ່ງແມ່ນປະຊາຄົມຖ່າຍທຳຮູບເງົາໜຸ່ມທີ່ໃຫ່ຍກວ່າໝູ່ຢູ່ຫວຽດນາມ, ໂດຍສູນໜູນຊ່ວຍພັດທະນາຜູ້ມີຄວາມສາມາດດ້ານຖ່າຍທຳຮູບເງົາ TPD ຂຶ້ນກັບສະມາຄົມຮູບເງົາຫວຽດນາມ ຈັດຕັ້ງ. ທີ່ພິທີໄດ້ມອບລາງວັນໃຫ້ຮູບເງົາເລື່ອງສັ້ນທີ່ດີເດັ່ນ 6 ເລື່ອງ (ເຊິ່ງລວມມີ ຮູບເງົາເອກະສານເລື່ອງ 3 ເລື່ອງ ແລະ ຟິມຮູບເງົາ 3 ເລື່ອງ) ເຊິ່ງໄດ້ຮັບການຄັດເລືອກຜ່ານການສາຍຟິມເປັນ 3 ຄັ້ງ. ຜູ້ກຳກັບ ບຸຍທ້າກຈວຽນ, ຮອງຜູ້ອຳນວຍການສູນໜູນຊ່ວຍພັດທະນາຜູ້ມີຄວາມສາມາດດ້ານຖ່າຍທຳຮູບເງົາ TPD ຕີລາຄາວ່າ.
“ປີ 2014 ນີ້, ບັນດາຟິມຮູບເງົາເອກະສານລ້ວນແຕ່ແມ່ນຮູບເງົາທີ່ພວກນັກຮຽນຖ່າຍທຳເທື່ອທຳອິດ ສະນັ້ນມັນຈຶ່ງມີລັກສະນະທຳມະດາຜ່າເຜີຍ, ທັງມີຈຸດດີ, ຈຸດອ່ອນ. ແຕ່ສິ່ງສຳຄັນນັ້ນແມ່ນ ພວກນ້ອງເລີ່ມກ້າວເຂົ້າເສັ້ນທາງເຊິ່ງພວກນ້ອງມີຄວາມນິຍົມ. ກ່ຽວກັບຮູບເງົາເລື່ອງ, ມີຮູບເງົາບາງເລື່ອງ ພວກນ້ອງບໍ່ຢາກຖ່າຍທຳຕາມແບບທຳມະດາອີກ, ຫາກຊອກຫາວີທີຖ່າຍທຳຕາມທິດສະເພາະຂອງຕົນ”.