(vovworld) – ຕອນເຊົ້າວັນທີ 20/7, ຢູ່ຮ່າໂນ້ຍ, ກະຊວງຕຳຫຼວດຫວຽດນາມ ໄດ້ຈັດຕັ້ງພິທີສະເຫຼີມສະຫຼອງ 50 ປີແຫ່ງວັນມູນເຊື້ອຂອງກຳລັງຕຳຫຼວດປະຊາຊົນ. ກ່າວຄຳເຫັນນະທີ່ນີ້, ທ່ານປະທານປະເທດຫວຽດນາມ Truong Tan Sang ຢືນຢັນວ່າ: ຕະຫຼອດ 50 ປີ ຜ່ານມາ, ໃນທຸກໄລຍະປະຕິວັດ, ເມື່ອປະເທດຊາດຍັງຢູ່ໃນໄລຍະສົງຄາມ ກໍຄືໃນສັນຕິພາບ, ຕໍ່ໜ້າຄວາມຫຍຸ້ງຍາກ, ສັບສົນ, ອັນຕະລາຍ, ຍາມໃດກຳລັງຕຳຫຼວດປະຊາຊົນກໍຈົ່ງຮັກພັກດີຕໍ່ພັກ, ຕໍປະເທດຊາດ, ຮັບໃຊ້ປະຊາຊົນຢ່າງສຸດຈິດສຸດໃຈ, ປະຕິບັດສຳເລັດໜ້າທີ່ພັກ ແລະ ລັດໄດ້ມອບໝາຍໃຫ້, ປະກອບສ່ວນເຂົ້າໃນພາລະກິດປົດປ່ອຍຊາດ, ທ້ອນໂຮມປະເທດຊາດເປັນເອກະພາບ. ທ່ານປະທານປະເທດ Truong Tan Sang ເນັ້ນໜັກວ່າ:
“ຕໍ່ໜ້າສະພາບການຕົວຈິງນີ້ ຮຽກຮ້ອງໃຫ້ກຳລັງຕຳຫຼວດປະຊາຊົນ ຕ້ອງມີຄຸນນະທາດດ້ານການເມືອງທີ່ໝັ້ນຄົງໜັກແໜ້ນ, ປະຕິບັດໜ້າທີ່ເປັນເສນາທິການໃຫ້ແກ່ພັກ, ລັດເປັນຢ່າງດີ, ພ້ອມທັງເສີມຂະຫຍາຍບົດບາດເປັນແກ່ນສານ, ປະຈັນບານພ້ອມກັບປະຊາຊົນປ້ອງກັນ, ຕ້ານອາດຊະຍາກຳ ປົກປັກຮັກສາຄວາມສະຫງົບຂອງປະເທດຊາດ, ຮັກສາຄວາມລະບຽບຮຽກຮ້ອງທາງສັງຄົມ”
ທ່ານປະທານປະເທດ Truong Tan Sang ຢືນຢັນວ່າ: ເພື່ອປະຕິບັດສຳເລັດໜ້າທີ່ອັນໜັກໜ່ວງນີ້, ຕ້ອງເອົາໃຈໃສ່ເຖິງວຽກງານກໍ່ສ້າງກຳລັງຕາມທິດເປັນກຳລັງຫຼວງທັນສະໄໝ ເທື່ອລະກ້າວ, ສືບຕໍ່ຮຳ່ຮຽນ ແລະ ປະຕິບັດຕາມຄຸນສົມບັດປະທານ ໂຮ່ຈີມິນ ຕິດພັນກັບການປະຕິບັດ ຄຳສັ່ງສອນ 6 ຂໍ້ຂອງລຸງໂຮ່ ທີ່ມີຕໍ່ກຳລັງຕຳຫຼວດປະຊາຊົນ.
ຕາງໜ້າໃຫ້ການນຳພັກ, ລັດ ທ່ານປະທານປະເທດ Truong Tan Sang ໄດ້ມອບຫຼຽນໄຊ ໂຮ່ຈີມິນ ໃຫ້ແກ່ກົມໃຫຍ່ຕຳຫຼວດປ້ອງກັນ ຕ້ານອາດຊະຍາກຳ ແລະ ກົມໃຫຍ່ຕຳຫຼວດຄຸ້ມຄອງບໍລິຫານ ກ່ຽວກັບຄວາມເປັນລະບຽບຮຽບຮ້ອຍທາງສັງຄົມ, ມອຍຫຼຽນໄຊ ...... ຊັ້ນ 1 ໃຫ້ແກ່ກົມໃຫຍ່ຕຳຫຼວດປະຕິບັດຄຳຕັດສິນຂອງສານສຳລັບໂທດອາຍາ ແລະ ໜູນຊ່ວຍຍຸຕິທຳ ແລະ ກອງບັນຊາການຕຳຫຼວດເຄື່ອນທີ່.