ວັນທີ 14 ຕຸລາ, ອົງການສົນທິສັນຍາອັກລັງຕິກເໜືອ (NATO) ໄດ້ເລີ່ມຕົ້ນການຊ້ອມຮົບນິວເຄຼຍ ຂອບຂະໜາດໃຫຍ່ທີ່ມີຊື່ວ່າ Steadfast Noon ດ້ວຍການເຂົ້າຮ່ວມຂອງນັກຮົບ 2000 ຄົນທີ່ມາຈາກ 13 ປະເທດສຳພັນທະມິດ ແລະ ເຮືອບິນສູ້ຮົບ 60 ລຳຢູ່ເຂດເອີລົບເໜືອ.

ກ່ອນໜ້ານັ້ນ, ທ່ານເລຂາທິການໃຫຍ່ NATO Mark Rutte, ໃຫ້ຮູ້ວ່າການຊ້ອມຮົບສ່ວນຫຼາຍຈະດຳເນີນ ຢູ່ ອັງກິດ, ເຂດພາກເໜືອທະເລ, ກໍ່ຄືຢູ່ແບນຊິກ ແລະ ໂຮນລັງ. ທ່ານ Mark Rutte ໃຫ້ຮູ້ວ່າ ການຊ້ອມຮົບແມ່ນເພື່ອແນໃສ່ພິສູດໃຫ້ເຫັນກຳລັງຄວາມສາມາດຂອງ NATO ແລະ ຄວາມສາມາດໃນການສະກັດກັ້ນບໍ່ວ່າການບຸກໂຈມຕີໃດ.

ຕາມຖະແຫຼງການຂອງ NATO  ແລ້ວ, ການຊ້ອມຮົບໄດ້ຂຶ້ນແຜນ ແລະ ກະກຽມມາເປັນເວລາກ່ວາໜຶ່ງປີ, ພ້ອມທັງບັນດາປະເທດເຂົ້າຮ່ວມການສູ້ຮົບກໍ່ບໍ່ມີແຜນການນຳໃຊ້ອາວຸດສູ້ຮົບ. Steadfast Noon ຈະດຳເນີນໃນໄລຍະ 2 ອາທິດ ແລະ ຖານທີ່ໝັ້ນຂອງກອງທັບອາກາດ 8 ແຫ່ງໄດ້ຮັບການລະດົມເຂົ້າຮວ່ມ.