ລັດຖະບານ ຮຽກຮ້ອງໃຫ້ຫຍໍ້ເວລາລົງໃນການກະກຽມລົງທຶນກໍ່ສ້າງເສັ້ນທາງດ່ວນ ເໜືອ - ໃຕ້ ໄລຍະ 2021 – 2025
(VOVWORLD) - ວັນທີ 13 ຕຸລາ, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຫວຽດນາມ ເລວັນແທ່ງ ໄດ້ເປັນປະທານກອງປະຊຸມກ່ຽວກັບຄວາມຄືບໜ້າເລີ່ມລົງມືກໍ່ສ້າງໂຄງການເສັ້ນທາງດ່ວນ ເໜືອ - ໃຕ້ ທາງທິດຕາເວັນອອກ ໄລຍະ 2021 – 2025 (ໄລຍະ 2).
 ກອງປະຊຸມກ່ຽວກັບຄວາມຄືບໜ້າຂອງໂຄງການ (ພາບ: dangcongsan.vn) |
ກ່າວຄໍາເຫັນສະຫຼຸບກອງປະຊຸມ, ທ່ານຮອງນາຍົກລັດຖະມົນຕີ ເລວັນແທ່ງ ເນັ້ນໜັກວ່າ, ນີ້ແມ່ນໂຄງການສຳຄັນ ເຊິ່ງມະຕິຂອງສະພາແຫ່ງຊາດ ໄດ້ຍົກອອກ ແລະ ຕ້ອງປະຕິບັດໃຫ້ສຳເລັດໃນປີ 2025. ເພາະສະນັ້ນ, ທ່ານຮອງນາຍົກລັດຖະມົນຕີ ເລວັນແທ່ງ ຮຽກຮ້ອງ ໃຫ້ມີການປ່ຽນແປງໃໝ່ຢ່າງຂ້ຽວຂາດໃນໄລຍະຈະມາເຖິງ, ຈາກການຊີ້ນຳ, ນຳພາ, ຈັດຕັ້ງປະຕິບັດຂອງກະຊວງຄົມມະນາຄົມ ແລະ ຂົນສົ່ງ ຈົນຮອດທ້ອງຖິ່ນ ຈຶ່ງຮັບປະກັນການປະຕິບັດໄດ້ຕາມຄາດໝາຍຄືບໜ້າ ແລະ ຄຸນນະພາບຂອງໂຄງການ. ມານະພະຍາຍາມຫຍໍ້ເວລາລົງໃນການກະກຽມໂຄງການ, ຮັບປະກັນຮອດເດືອນທັນວາ 2022 ຕ້ອງເລີ່ມລົງມືກໍ່ສ້າງ, ຮອດປີ 2025 ຕ້ອງກໍ່ສ້າງໃຫ້ສຳເລັດ.