ມີຜູ້ເສຍຊີວິດຢ່າງໜ້ອຍສຸດ 2 ຄົນ ແລະ ຮັບບາດເຈັບເກືອບ 70 ຄົນ ໃນເຫດບຸກໂຈມຕີດ້ວຍລົດໃຫຍ່ຕຳເຂົ້າກຸ່ມຄົນຈຳນວນຫຼາຍ, ທີ່ເກີດຂຶ້ນຢູ່ຕະຫຼາດ ຄຼິດສະມາດ Magdeburg, ນະຄອນ Magdeburg, ເມືອງເອກຂອງລັດ Sachsen-Anhal, ເຢຍລະມັນ ໃນຕອນຄ່ຳວັນທີ 20 ທັນວາ ຕາມເວເລາທ້ອງຖິ່ນ.

        ໃນທັນທີ, ຕຳຫຼວດໄດ້ປິດລ້ອມສະຖານທີ່ເກີດເຫດ ແລະ ຈັບຕົວຜູ້ຖືກສົງໄສ ແມ່ນຜູ້ຊາຍ ອາຍຸ 50 ປີ, ເປັນຊາວເຊື້ອຊາດ ອາຣັບບີ ຊະອຸດິ. ວົງການເຈົ້າໜ້າທີ່ ເຢຍລະມັນ ຍັງບໍ່ທັນສະຫຼຸບຢ່າງເປັນທາງການວ່າ ເຫດການດັ່ງກ່າວແມ່ນການກະທຳກໍ່ການຮ້າຍຫຼືບໍ່, ແຕ່ວ່າ ການບຸກໂຈມຕີດັ່ງກ່າວໄດ້ຮັບການຢັ້ງຢືນວ່າ ດຳເນີນແບບມີຈຸດປະສົງ.

        ອຳນາດການປົກຄອງລັດດັ່ງກ່າວ ໄດ້ປະກາດລົດທຸງລົງເຄິ່ງເສົາໃນທົ່ວລັດ ແລະ ຢຸດການເຄື່ອນໄຫວບັນເທິງ, ເຕົ້າໂຮມກັນຫຼາຍຄົນໃນວັນທີ 21 – 22 ທັນວາ ເພື່ອອາໄລຫາຜູ້ຖືກປະສົບເຄາະຮ້າຍໃນເຫດການນີ້.