ທ່ານລັດຖະມົນຕີການຕ່າງປະເທດ ລັດເຊຍ Sergei Lavrov (ພາບ: Sputnik)

ວັນທີ 14 ມັງກອນ, ການຖະແຫຼງຂ່າວຢູ່ນະຄອນຫຼວງ ມົດສະກູ, ສະຫະພັນ ລັດເຊຍ, ທ່ານລັດຖະມົນຕີການຕ່າງປະເທດ ລັດເຊຍ Sergei Lavrov ໃຫ້ຮູ້ວ່າ ລັດເຊຍ ຈະບໍ່ອອກຈາກຕາເວັນອອກກາງ. ລັດເຊຍ ຍັງຄົງຮັກສາສະຖານທູດ ປະຈຳ ຊີຣີ, ຕິດຕໍ່ກັບອຳນາດການປົກຄອງໃໝ່ຂອງ ຊີຣີ ເປັນປະຈຳ, ກຽມພ້ອມໜູນຊ່ວຍການເຈລະຈາລະຫວ່າງບັນດາພັກຝ່າຍ, ເພື່ອຊ່ວຍສ້າງສະພາບການຢູ່ ຊີຣີ ມີສະຖຽນລະພາບ, ພ້ອມທັງສະແດງຄວາມປາດຖະໜາວ່າ ບັນດາປະເທດເຂດອ່າວຈະສົມທົບກັບ ລັດເຊຍ, ຈີນ, ອີຣານ ໃນການແກ້ໄຂບັນຫາ ຊີຣີ. ລັດຖະມົນຕີການຕ່າງປະເທດ Sergei Lavrov ເນັ້ນໜັກວ່າ ສັນຍາຄູ່ຮ່ວມມືຍຸດທະສາດຮອບດ້ານ ລັດເຊຍ - ອີຣານ ຈະໄດ້ລົງນາມໃນວັນທີ 17 ມັງກອນ, ພ້ອມທັງເນັ້ນໜັກວ່າ ການຢ້ຽມຢາມ ລັດເຊຍ ຂອງທ່ານປະທານາທິບໍດີ ອີຣານ, ບໍ່ແນໃສ່ຈຸດປະສົງຕ້ານຄືນບໍ່ວ່າປະເທດໃດ.

        ກ່ຽວກັບການພົວພັນກັບ ອາເມລິກາ, ທ່ານລັດຖະມົນຕີການຕ່າງປະເທດ Sergei Lavrov ຕີລາຄາການພົວພັນລະຫວ່າງ ລັດເຊຍ - ຈີນ ນັບມື້ນັບມີສະຖຽນລະພາບ, ໝັ້ນແກ່ນ, ແມ່ນໜຶ່ງໃນບັນດາປັດໄຈທີ່ມີສະຖຽນລະພາບທີ່ສຸດໃນເວທີສາກົນໃນປັດຈຸບັນ. ສຳລັບການປະທະກັນລະຫວ່າງ ລັດເຊຍ - ຢູແກຼນ, ທ່ານລັດຖະມົນຕີການຕ່າງປະເທດ ລັດເຊຍ Sergei Lavrov ຢັ້ງຢືນວ່າ ລັດເຊຍ ພ້ອມແລ້ວທີ່ຈະປຶກສາຫາລືກ່ຽວກັບການຮັບປະກັນຄວາມໝັ້ນຄົງໃຫ້ແກ່ ຢູແກຼນ, ດ້ວຍເງື່ອນໄຂຄວາມໝັ້ນຄົງຂອງ ລັດເຊຍ ຕ້ອງໄດ້ຮັບປະກັນ, ໂດຍສະເພາະແມ່ນບັນດາໄພນາບຂູ່ຢູ່ຊາຍແດນທາງທິດຕາເວັນຕົກຂອງປະເທດລັດເຊຍ ຕ້ອງໄດ້ຮັບການຍົກເລີກ.

ດັ້ງເກື່ອງ, ນັກຂ່າວ VOV ປະຈຳ ສະຫະພັນ ລັດເຊຍ