ລັດເຊຍ ຕັດສິນໃຈຢຸດຕິການປະຕິບັດສິດອຳນາດຂອງຕົນຢູ່ສະພາ ສປຊ ກ່ຽວກັບສິດທິມະນຸດໂດຍໄວ
(VOVWORLD) -ວັນທີ 7 ເມສາ, ທ່ານ Gennady Kuzmin ຮອງຫົວໜ້າຄະນະຜູ້ຕາງໜ້າ ລັດເຊຍ ປະຈຳ ສປຊ ໄດ້ຖະແຫຼງວ່າ: ລັດເຊຍ ໄດ້ຕັດສິນໃຈຢຸດຕິການເປັນສະມາຊິກ ສະພາ ສປຊ ກ່ຽວກັບສິດທິມະນຸດ ໂດຍໄວ.
 ທ່ານ Gennady Kuzmin ຮອງຫົວໜ້າຜູ້ຕາງໜ້າ ລັດເຊຍ ປະຈຳ ສປຊ (ພາບ: VOV) |
ພາຍຫຼັງ ສະມັດຊາໃຫຍ່ ສປຊ ອອກຂໍ້ຕົກລົງວ່າດ້ວຍການຢຸດການເປັນສະມາຊິກຂອງ ລັດເຊຍ ໃນສະພາສິດທິມະນຸດ, ທ່ານ Gennady Kuzmin ຮອງຫົວໜ້າຜູ້ຕາງໜ້າ ລັດເຊຍ ປະຈຳ ສປຊ ຖະແຫຼງວ່າ: “ສະຫະພັນ ລັດເຊຍ ໄດ້ຕັດສິນໃຈຢຸດຕິສິດໃນການເປັນສະມາຊິກຂອງສະພາສປຊ ກ່ຽວກັບສິດທິມະນຸດນັບແຕ່ວັນທີ 7 ເມສາ ປີ 2022 ເປັນຕົ້ນໄປ”. ທ່ານ Kuzmin ຢັ້ງຢືນວ່າ ລັດເຊຍ ຈະສືບຕໍ່ປະຕິບັດບັນດາພັນທະສາກົນໃນຂົງເຂດສິດທິມະນຸດ, ພາຍຫຼັງອອກຈາກສະພາ ສປຊ ກ່ຽວກັບສິດທິມະນຸດ. ລັດເຊຍ ຖືຂໍ້ຕົກລົງ ສະບັບດັ່ງກ່າວ ແມ່ນຜິດກົດໝາຍ ແລະ ມີແຮງກະຕຸ້ນດ້ານການເມືອງ ເພື່ອແນໃສ່ລົງໂທດປະເທດສະມາຊິກສປຊ ທີ່ມີອະທິປະໄຕເດີນຕາມນະໂຍບາຍພາຍໃນປະເທດ ແລະ ຕ່າງປະເທດທີ່ເປັນເອກະລາດ.