ພິທີມອບລາງວັນທົ່ວປະເທດກ່ຽວກັບ ວຽກງານຖະແຫຼງຂ່າວໃຫ້ຕ່າງປະເທດຄັ້ງທີ X (ພາບ: VOV5)

ກ່າວຄຳເຫັນທີ່ພິທີ, ທ່ານ ຫງວຽນຈ້ອງເຫງ້ຍ ຫົວໜ້າຄະນະໂຄສະນາສຶກສາສູນກາງພັກ ໄດ້ຢັ້ງຢືນ ແລະ ຕີລາຄາສູງບັນດາການປະກອບສ່ວນຢ່າງຕັ້ງໜ້າ ຂອງວຽກງານຖະແຫຼງຂ່າວໃຫ້ຕ່າງປະເທດເວົ້າລວມ ແລະ ຖັນແຖວຜູ້ເຮັດວຽກງານຖະແຫຼງຂ່າວເວົ້າສະເພາະໃນບົດບາດເປັນຂົວເຊື່ອມຕໍ່ສຳຄັນ, ຊ່ວຍໂລກມີຄວາມເຂົ້າໃຈແຈ້ງ ແລະ ເຊິກເຊິ່ງກ່ຽວກັບຫວຽດນາມກ່ວາອີກ. ບັນດາຜົນງານດີເດັ່ນໄດ້ຮັບການຍ້ອງຍໍສັນລະເສີນໄດ້ເຮັດໃຫ້ພົ້ນເດັ່ນພາບພົດຂອງ ຫວຽດນາມທີ່ມີຄວາມຂະຫຍັນຂັນເຄື່ອນ, ມີການເຊື່ອມໂຍງ, ກ້າແກ່ນຜ່ານຜາສິ່ງທ້າທາຍ; ພ້ອມທັງຢັ້ງຢືນສີສັນວັດທະນະທຳ, ມູນເຊື້ອປະຫວັດສາດຂອງຊາດ; ສະແດງໃຫ້ເຫັນຄວາມມຸ່ງຫວັງບືນຕົວຂຶ້ນຂອງຊາດຫວຽດນາມ. ກ່ຽວກັບໜ້າທີ່ຖະແຫຼງຂ່າວໃຫ້ຕ່າງປະເທດໃນໄລຍະຈະມາເຖິງ, ທ່ານ ຫງວຽນຈ້ອງເຫງ້ຍ ຫົວໜ້າຄະນະໂຄສະນາສຶກສາສູນກາງພັກສະເໜີວ່າ:

ວຽກງານຖະແຫຼງຂ່າວການໃຫ້ຕ່າງປະເທດຕ້ອງສືບຕໍ່ແມ່ນກຳລັງນຳໜ້າຢ່າງແຫຼມຄົມ, ນຳໜ້າເປິດທາງ, ສ້າງພື້ນຖານ ແລະ ເງື່ອນໄຂສະດວກຊ່ວຍ ປະເທດຊາດກ້າວເຂົ້າສູ່ສັງກາດໃໝ່, ສັງກາດບຸກບືນຂອງຊາດຫວຽດນາມ ຢ່າງໝັ້ນແກ່ນ. ຍູ້ແຮງການນະວັດຕະກຳໃນການໂຄສະນາເຜີຍແຜ່ກ່ຽວກັບປະເທດ ຫວຽດນາມ, ໝູນໃຊ້ບັນດາຜົນງານຂອງການປະຕິວັດອຸດສາຫະກຳຄັ້ງທີ 4 ຢ່າງມີປະສິດທິຜົນ. ການຖະແຫຼງຂ່າວການຕ່າງປະເທດຕ້ອງນຳກຳລັງໜຸ່ມຂອງປະເທດຊາດຂຶ້ນສູ່ລະດັບສູງໃຫຍ່ ດ້ວຍການກຳນົດທິດຖານະບົດບາດຂອງ ປະເທດຫວຽດນາມ ທີ່ມີຄວາມເປັນເຈົ້າ - ໝັ້ນໃຈ - ສ້າງຄວາມເຂັ້ມແຂງດ້ວຍຕົນເອງ - ເອກອ້າງທະນົງໃຈ, ຖືການດຳລົງຊີວິດຂອງປະຊາຊົນເປັນໃຈກາງ, ຖືກຳລັງສັງລວມຂອງຊາດເປັນພື້ນຖານເພື່ອສ້າງເລື່ອງລາວກ່ຽວກັບຫວຽດນາມ ໃນຍຸກສະໄໝໃໝ່, ໃນສັງກາດໃໝ່.

ໃນປີນີ້, ມີ ເກືອບ 1.300 ຜົນງານໄດ້ສົ່ງເຂົ້າຮ່ວມການເສັງ, ຄະນະກຳມະການໄດ້ຄັດເລືອກຜົນງານດີເດັ່ນ 109 ຜົນງານເພື່ອມອບລາງວັນທີໜຶ່ງ 10 ລາງວັນ, ລາງວັນທີສອງ 20 ລາງວັນ, ລາງວັນທີສາມ 30 ລາງວັນ, ລາງວັນຊົມເຊີຍ 49 ລາງວັນ. ເຂົ້າຮ່ວມການເສັງ, ພະແນກບັນດາພາສາຕ່າງປະເທດ, ວິທະຍຸກະຈາຍສຽງຫວຽດນາມ ຍາດໄດ້ລາງວັນໜຶ່ງ 1 ລາງວັນດ້ວຍຜົນງານ “ພາລະກິດແຫ່ງສັນຕິພາບມີຊື່ຫວຽດນາມ” ຂອງກຸ່ມຜູ້ຂຽນ ທີລວາມ ແລະ ງອກຈຸງ.