(vovworld) - ຕອນຄຳ່ວັນທີ 31/1, ຢູ່ນະຄອນຫຼວງ ວຽງຈັນ, ສະຖານທູດ ຫວຽດນາມ ໄດ້ຈັດຕັ້ງງານລ້ຽງອວຍພອນລະດູບານໃໝ່ ປີມະເສງຂຶ້ນ. ກ່າວຄຳເຫັນໄຂງານລ້ຽງ, ທ່ານເອກອັກຄະລັດຖະທູດ ຫວຽດນາມ ຫງວຽນແມ້ງຮຸ່ງ ໄດ້ຂອບອົກຂອບໃຈພັກ, ລັດ ແລະ ປະຊາຊົນ ລາວ ບັນດາເຜົ່າທີ່ໄດ້ສ້າງເງື່ອນໄຂ ແລະ ຊຸກຍູ້ສາຍພົວພັນມິດຕະພາບ ແລະ ການຮ່ວມມືຮອບດ້ານລະຫວ່າງ 2 ປະເທດ ຢ່າງບໍ່ຢຸດຢັ້ງ. ທ່ານເອກອັກຄະລັດຖະທູດ ຫງວຽນແມ້ງຮຸ່ງ ຖືວ່າ: ປີຜ່ານມາແມ່ນປີມີຄວາມໝາຍຫຼາຍຢ່າງຊຶ່ງເປັຮຂີດໝາຍສຳຄັນຂອງທັງ 2 ປະເທດ, ດ້ວຍການເຄື່ອນໄຫວຫຼາຍຢ່າງຄື: ສະເຫຼີມສະຫຼອງ ປີແຫ່ງຄວາມສາມັກຄີມິດຕະພາບ 2012, 50 ປີແຫ່ງວັນສ້າງຕັ້ງການພົວພັນທາງການທູດ ແລະ 35 ປີແຫ່ງວັນເຊັນສົນທິສັນຍາມິດຕະພາບແລະ ການຮ່ວມມືຮອບດ້ານ. ທ່ານເອກອັກຄະລັດຖະທູດສະແດງຄວາມຫວັງວ່າ: ກ້າວເຂົ້າສູ່ປີ 2013, ສາຍພົວພັນຮ່ວມມືລະຫວ່າງ 2 ປະເທດສືບຕໍ່ຍູ້ແຮງໃນທຸກໆຂົງເຂດ ແລະ ນັບມື້ນັບກ້າວເຂົ້າສູ່ລວງເລິກ. ສ່ວນທ່ານ ຮອງນາຍົກລັດຖະມົນຕີ ສປປ ລາວ ສົມສະຫວາດ ເລັ່ງສະຫວັດ ກ່າວວ່າ:
“ໃນບັນຍາກາດມ່ວນຊື່ນຄືແນວນີ້, ພວກຂ້າພະເຈົ້າຍິ່ງຄິດຮອດຄິດເຖິງປະຊາຊົນ ຫວຽດນາມ, ອ້າຍນ້ອງຍາມໃດກໍ່ຮຽງບ່າຮຽງໄຫລ່ພ້ອມກັນຮ່ວມເປັນຮ່ວມຕາຍຕໍ່ສູ້ ແລະ ພ້ອມກັນຕໍ່ສູ້ເພື່ອຍາດໄດ້ໄຊຊະນະ. ເນື່ອງໃນໂອກາດປີໃໝ່ ປີມະເສງ 2013, ຂ້າພະເຈົ້າຫວັງວ່າ 2 ປະເທດພວກເຮົາສືບຕໍ່ຮັດແໜ້ນສາຍພົວພັນສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດໃຫ້ສວຍສົດງົດງາມຕະຫຼອດໄປ.”