ສະມາຊິກສະພາແຫ່ງຊາດອາເມລິກາຮຽກຮ້ອງໃຫ້ໜູນຊ່ວຍຕ້ານຄວາມມັກໃຫຍ່ໄຝ່ສູງຂອງຈີນຢູ່ທະເລຕາເວັນອອກ
ເຍີດກິ່ງ-ຮູຍຮ່ວາງ, ນັກຂ່າວVOVປະຈຳວໍຊິງຕັນ -
John McCain - ໜຶ່ງໃນສະມາຊິກສະພາແຫ່ງຊາດ ອາເມລິກາ 4 ທ່ານຕ້ານເລື່ອງ ຈີນ ຄອບງຳຢູ່ທະເລຕາເວັນອອກ
(ພາບ: nypost) |
(vovworld) – ສະມາຊິກສະພາແຫ່ງຊາດ 4 ທ່ານສັງກັດ 2 ກຳມາທິການສຳຄັນຂອງສະພາສູງ ອາເມລິກາ, ໃນຖະແຫຼງການຍົກອອກມາໃນວັນທີ 17/7, ໄດ້ອອກສຽງຢັ້ງຢືນການສະໜັບສະໜູນທີ່ມີຕໍ່ການຮ້ອງຟ້ອງ ຈີນ ຂອງ ຟີລິບປິນ, ພ້ອມທັງຮຽກຮ້ອງລັດຖະບານ ອາເມລິກາ ໜູນຊ່ວຍບັນດາປະເທດໃນພາກພື້ນຈຶ່ງຕໍ່ສູ້ຕ້ານຄືນຄວາມມັກໃຫຍ່ໄຝ່ສູງຄອບງຳທະເລຕາເວັນອອກຂອງ ຈີນ. ສະມາຊິກສະພາສູງອາເມລິກາ 4 ທ່ານ ໄດ້ຊີ້ແຈ້ງວ່າ: ເຖິງວ່າບໍ່ສະໜັບສະໜູນຝ່າຍໃດໃນການຂັດແຍ້ງກັນຢູ່ທະເລຕາເວັນອອກກໍ່ຕາມ, ແຕ່ ອາເມລິກາ ຊົມເຊີຍຄຳໝັ້ນສັນຍາເດີນຕາມເສັ້ນທາງນິຕິທຳຂອງລັດຖະບານ ຟີລິບປິນ. ໃນຂະນະນັ້ນ, ຈີນ ພວມກໍ່ສ້າງ ແລະ ຫັນເປັນການທະຫານບັນດາເກາະດອນຢູ່ທະເລຕາເວັນອອກ ແລະ ເພີ່ມທະວີບັນດາມາດຕະການບັງຄັບເພື່ອປະຕິບັດເປົ້າໝາຍຂອງຕົນ, ເລື່ອງ ຟີລິບປິນ ສືບຕໍ່ຮັກສາຄວາມມານະພະຍາຍາມແກ້ໄຂການຂັດແຍ້ງກັນໂດຍສັນຕິວິທີ, ສອດຄ່ອງກັບກົດໝາຍສາກົນ ແລະ ຮັບຮອງເອົາກົນໄກກຳມະການສາກົນ, ແມ່ນສິ່ງທີ່ເປັນໜ້າສົ່ງເສີມ. ບັນດາສະມາຊິກກໍຢືນຢັນວ່າ: ອາເມລິກາ ຕ້ອງມີບັນດາບາດກ້າວຈຳເປັນເພື່ອຮັກສາທ່າດຸ່ນດຽງດ້ານກຳລັງແຮງ, ຜ່ານນັ້ນຮັບປະກັນສັນຕິພາບ ແລະ ສະຖຽນລະພາບຢູ່ພາກພື້ນ.
ເຍີດກິ່ງ-ຮູຍຮ່ວາງ, ນັກຂ່າວVOVປະຈຳວໍຊິງຕັນ