ສະເຫຼີມສະຫຼອງວັນມະຫາສະໝຸດໂລກ ແລະ ສັບປະດາ ທະເລ ແລະ ໝູ່ເກາະ ຫວຽດນາມ 2014
(ສະເຫຼີມສະຫຼອງວັນທະເລໂລກ ແລະ
ຊັບປະດາທະເລ ແລະ ໝູ່ເກາະຫວຽດນາມ 2014)(vovworld) – ງານໂຮມຊຸມນຸມມິດຕິງສະເຫຼີມສະຫຼອງວັນມະຫາສະໝຸດໂລກ ແລະ ສັບປະດາທະເລ ແລະ ໝູ່ເກາະຫວຽດນາມ ປີ 2014 ຖືກດຳເນີນໄປໃນຕອນເຊົ້າວັນທີ 07/06, ຢູ່ຫາຍຟ່ອງ. ກ່າວຄຳເຫັນຢູ່ທີ່ນີ້, ທ່ານຮອງນາຍົກລັດຖະມົນຕີຫວຽດນາມ ຮ້ວາງຈູງຫາຍ ສະແດງຄວາມປາດຖະໜາວ່າ ບັນດາອົງການຈັດຕັ້ງ, ສ່ວນບຸກຄົນ, ບັນດາປະເທດຮັກຫອມສັນຕິພາບ, ຄວາມຍຸຕິທຳໃນໂລກ ສືບຕໍ່ສະໜັບສະໜູນຫວຽດນາມ ໃນພາລະກິດປົກປັກຮັກສາອະທິປະໄຕເຂດທະເລ ໝູ່ເກາະທີ່ສັກກະລະບູຊາຂອງຫວຽດນາມ, ສອດຄ່ອງກັບກົດໝາຍສາກົນ; ພ້ອມທັງຢືນຢັນວ່າ ສຳລັບຊາວຫວຽດນາມ ແຕ່ລະຄົນ, ຄວາມເອກະລາດ, ອະທິປະໄຕແມ່ນສັກກະລະບູຊາ ແລະ ບໍ່ອາດລ່ວງລ້ຳໄດ້. ທ່ານຮອງນາຍົກລັດຖະມົນຕີ ຮ້ວາງຈູງຫາຍ ກ່າວວ່າ.
“ຫວຽດນາມ ປາດຖະໜາຢາກມີສັນຕິພາບ, ມິດຕະພາບ ແຕ່ສັນຕິພາບ, ມິດຕະພາບ ຕ້ອງອີງໃສ່ພື້ນຖານຮັບປະກັນເອກກະລາດປະຊາທິປະໄຕ. ດ້ວຍຄວາມເອກອ້າງຖະໜົງໃຈ ແລະ ກຽດສັກສີຂອງຊາດ, ພວກເຮົາບໍ່ຍອມແລກເອກະລາດ, ອະທິປະໄຕເອົາບໍ່ວ່າສິ່ງໃດ ແລະ ບໍ່ຍອມຮັບຮູ້ການນາບຂູ່ ແລະ ຈັດວາງດ້ວຍທຸກໆຮູບແບບໃດໆ. ອີກຄັ້ງໜຶ່ງ, ຫວຽດນາມ ຮຽກຮ້ອງໃຫ້ຈີນ ເຄົາລົບອະທິປະໄຕຂອງຫວຽດນາມ ຕາມສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982, ເຄົາລົບກົດໝາຍສາກົນ, ຮຽກຮ້ອງຈີນ ປະຕິບັດຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC) ລະຫວ່າງຈີນ ກັບບັນດາປະເທດສະມາຊິກອາຊຽນ ຢ່າງເຂັ້ມງວດ, ປະຕິບັດບັນດາຂໍ້ຕົກລົງກ່ຽວກັບຫຼັກການພື້ນຖານຊີ້ນຳການແກ້ໄຂບັນດາບັນຫາບົນທະເລລະຫວ່າງຫວຽດນາມ - ຈີນ ກໍ່ຄືຂໍ້ຕົກລົງລະຫວ່າງການນຳຂັ້ນສູງ 2 ປະເທດ, ເຄົາລົບການເດີນທະເລຢ່າງເສລີ, ການບິນຢູ່ທະເລຕາເວັນອອກ; ຮຽກຮ້ອງຈີນ ຖອນຮ້ານເຈາະນ້ຳມັນອອກຈາກເຂດນ່ານທະເລຂອງຫວຽດນາມ ໂດຍບໍ່ມີເງື່ອນໄຂ ແລະ ແກ້ໄຂບັນດາການຂັດແຍ້ງໂດຍສັນຕິວິທີ, ຜ່ານການເຈະລາບົນພື້ນຖານປະຕິບັດບັນດາຫຼັກການຂອງກົດໝາຍສາກົນ”.