(ພາບປະກອບ)
(vovworld) - ຕອນບ່າຍວັນທີ 22/02, ຢູ່ນະຄອນ ໂຮ່ຈີມິງ, ກະຊວງອຸດສາກະກຳ ແລະ ການຄ້າ ໄດ້ປະຊຸມກ່ຽວກັບການສົ່ງອອກເຂົ້າສານປີ 2016. ເຂົ້າຮ່ວມການປະຊຸມມີບັນດາທູດການຄ້າ ຫວຽດນາມ ປະຈຳບັນດາປະເທດ, ເຂດແຄ້ວນ ກັບບັນດາວິສາຫະກິດສົ່ງອອກ, ສະຫະສະມາຄົມບັນດາວິສາຫະກິດສະບຽງອາຫານ ຫວຽດນາມ. ປີ 2015, ຫວຽດນາມ ສົ່ງອອກເຂົ້າສານເກືອບ 6,6 ລ້ານໂຕນ, ມີມູນຄ່າກ່ວາ 2,8 ຕື້ USD, ເພີ່ມຂຶ້ນ 4% ກ່ຽວກັບດ້ານປະລິມານ ແຕ່ພັດຫລຸດລົງ 4,5% ກ່ຽວກັບດ້ານມູນຄ່າການສົ່ງອອກເມື່ອທຽບໃສ່ປີ 2014. ຕາມການຄາດຄະເນແລ້ວ, ການສົ່ງອອກເຂົ້າສານຂອງ ຫວຽດນາມ ປີ 2016 ຈະຜັນແປໄປຍາກທີ່ຈະຄາດຄະເນລ່ວງໜ້າໄກ້ ຍ້ອນມີຜົນກະທົບທີ່ມາຈາກປະກົດການ El Nino, ສະພາບການເຊື່ອມຊຶມຂອງນ້ຳເຄັມການແກ່ງແຍ້ງກັນຈາກປະເທດອື່ນໆ. ເພາະສະນັ້ນ ບັນດາວິສາຫະກິດ ຫວຽດນາມ ຈະເປີດກ້ວາງຕະຫລາດໃໝ່ຄື: ເອີລົບ, ທະວີບອາເມລິກາ, ຍີ່ປຸ່ນ ແລະ ສ.ເກົາຫຼີ…ທ່ານ ເຈີ່ນຕ໋ວນແອງ ລັດຖະມົນຕີຊ່ວຍວ່າການກະຊວງອຸດສາຫະກຳ ແລະ ການຄ້າໃຫ້ຮູ້ວ່າ:
“ໃນບັນດາການເຄື່ອນໄຫວໜູນຊ່ວຍການສົ່ງເສີມການຄ້າ, ບັນດາວິສາຫະກິດຕ້ອງໄດ້ຮັບການກຳນົດທິດຈາກອົງການແຫ່ງລັດກ່ຽວກັບຕະຫລາດ, ພິເສດ ແມ່ນຂອງສະຫະສະມາຄົມສະບຽງອາຫານ ເພື່ອໜູນຊ່ວຍໃຫ້ບັນດາວິສາຫະກິດໃນການສົ່ງເສີມ ແລະ ພັດທະນາການຕະຫລາດ ດ້ວຍບັນດາຂອບຂະໜາດ, ຮູບການໃຫ້ເໝາະສົມ. ນີ້ກໍ່ແມ່ນຄວາມຮຽກຮ້ອງທີ່ວາງອອກໃຫ້ກະຊວງອຸດສາຫະກຳ ແລະ ການຄ້າໃນການປ່ຽນໃໝ່ຮູບການສົ່ງເສີມການຄ້າໃຫ້ລັກສະນະພິເສດສະເພາະ ຂອງຜະລິດຕະພັນກະເສດ ແລະ ເຂົ້າສານ ແລະ ເໝາະສົມກັບແຕ່ລະຕະຫລາດ”.