(ພາບ:http://dantri.com.vn/)
(vovworld)- ຕອນເຊົ້າ ວັນທີ 4/8, ຢູ່ນະຄອນກຸຍເຍີນ, ສະມາຄົມພົບປະຫວຽດນາມ ສົມທົບກັບຄະນະກຳມະການປະຊາຊົນແຂວງບິ່ງດິ້ງ ຈັດກອງປະຊຸມຟີຊິກສາກົນ ໂດຍມີການເຂົ້າຮ່ວມຂອງນັກວິທະຍາສາດ, ນັກຄົ້ນຄວ້າ 75 ທ່ານ ເຊິ່ງມາຈາກ 21 ປະເທດ ແລະ ເຂດແຄ້ວນໃນໂລກ. ກອງປະຊຸມຄັ້ງນີ້ ແມ່ນເວທີປາໄສ ເພື່ອໃຫ້ບັນດານັກວິທະຍາສາດພົບປະ, ແລກປ່ຽນ, ປະກາດບັນດາໝາກຜົນໃນການຄົ້ນຄວ້າຫຼ້າສຸດໃນຂົງເຂດຟີຊິກ. ຜ່ານນັ້ນ ປະກອບສ່ວນຍູ້ແຮງການພົບປະແລກປ່ຽນ, ຮ່ວມມືຄົ້ນຄວ້າ ລະຫວ່າງບັນດານັກວິທະຍາສາດຫວຽດນາມ ແລະ ໂລກ. ສາດສະດາຈານ ເຈິ່ນແທງເວິນ ປະທານສະມາຄົມພົບປະຫວຽດນາມ ໃຫ້ຮູ້ວ່າ :
‘’ປີນີ້, ສະມາຄົມພົບປະຫວຽດນາມ ຈະຈັດຕັ້ງກອງປະຊຸມສາກົນ 3 ຄັ້ງດ້ານຟີຊິກ ໃນ 2-3 ອາທິດທີ່ຈະມາເຖິງ. ກອງປະຊຸມຄັ້ງນີ້ຈະປະກອບສ່ວນຫຼາຍຢ່າງໃນການສ້າງພື້ນຖານຮ່ວມມືດ້ານວິທະຍາສາດ ລະຫວ່າງ ຫວຽດນາມ ແລະ ປະເທດຕ່າງ ’’./.