ຫວຽດນາມແລະອີຕາລີແບ່ງປັນບົດຮຽນໃນຂົງເຂດກວດສອບບັນຊີ
ການເຮັດວຽກລະຫວ່າງ 2 ຄະນະ
(ພາບ: Phạm Thành/Vietnam+)
(vovworld) – ໃນລະຫວ່າງວັນທີ 5 – 8/11, ຄະນະປະຕິບັດງານອົງການກວດສອບບັນຊີແຫ່ງລັດ ຫວຽດນາມ ໂດຍທ່ານຮອງຫົວໜ້າອົງການກວດສອບບັນຊີແຫ່ງລັດ ຫງວຽນກວາງແທ່ງ ນຳໜ້າມີການຢ້ຽມຢາມ ແລະ ເຮັດວຽກກັບສຳນັກກວດສອບບັນຊີ ອີຕາລີ ເພື່ອແນໃສ່ແລກປ່ຽນບົດຮຽນໃນຂົງເຂດກວດສອບບັນຊີ. ທີ່ການເຮັດວຽກກັບການນຳ ແລະ ບັນດານັກຊ່ຽວຊານຂອງສຳນັກກວດສອບບັນຊີ ອີຕາລີ ໃນວັນທີ 6/11, 2 ຝ່າຍໄດ້ແຈ້ງໃຫ້ກັນຊາບ, ແລກປ່ຽນ, ແບ່ງປັນບົດຮຽນກ່ຽວກັບບັນດາຜົນງານ, ບົດຮຽນໃນຂົງເຂດວິຊາຊີບກໍ່ຄືການສ້າງຕັ້ງ ແລະ ເພີ່ມທະວີການພົວພັນລະຫວ່າງອົງການກວດສອບບັນຊີແຫ່ງລັດໃນໄລຍະຈະມາເຖິງ. ຫວຽດນາມ ສະເໜີວິທີເຊື້ອເຊີນນັກຊ່ຽວຊານ 2 ອົງການເຂົ້າຮ່ວມ, ສົມທົບກັນຈັດຕັ້ງກອງປະຊຸມສຳມະນາຮ່ວມກ່ຽວກັບບັນດາບັນຫາຕ່າງຝ່າຍທີ່ຕ່າງມີຄວາມສົນໃຈ, ພ້ອມທັງສົ່ງນັກຊ່ຽວຊານຂອງສຳນັກກວດສອບບັນຊີ ອີຕາລີ ມາໜູນຊ່ວຍອົງການກວດສອບບັນຊີແຫ່ງລັດ ຫວຽດນາມ ໃນການສ້າງແຜນການກວດສອບບັນຊີ, ປະຕິບັດການກວດສອບລ່ວງໜ້າ ແລະ ຕາມພາຍຫຼັງ....
ຜູ້ຕາງໜ້າສຳນັກກວດສອບບັນຊີ ອີຕາລີ ໃຫ້ຮູ້ວ່າ: ພ້ອມແລ້ວທີ່ຈະໜູນຊ່ວຍອົງການກວດສອບບັນຊີແຫ່ງລັດ ຫວຽດນາມ ກ່ຽວກັບດ້ານວິຊາການ, ບຳລຸງສ້າງວິຊາຊີບ, ພິເສດແມ່ນບົດຮຽນ ໃນການພິພາກສາຄວາມຮັບຜິດສອບດ້ານການເງິນ, ເພື່ອແນໃສ່ເພີ່ມທະວີກຳລັງຄວາມສາມາດໃຫ້ແກ່ ອົງການກວດສອບບັນຊີແຫ່ງລັດ ຫວຽດນາມ ຫຼາຍກ່ວາອີກ.